ກໍ່ເປີດຕົວກັນເປັນທີ່ຮຽບຮ້ອຍໄປແລ້ວສຳລັບ iOS 12 ຫຼື ລະບົບປະຕິບັດການສຳລັບອຸປະກອນເຄື່ອນທີ່ແບບ iPhone, iPad ລຸ່ນຫຼ້າສຸດ. ສຳລັບການອັບເດດນີ້ເນັ້ນໄປທີ່ການເພີ່ມປະສິດທິພາບຂອງເກົ່າທີ່ມີຢູ່ແລ້ວໃຫ້ຫຼາຍຂື້ນ ບໍ່ເນັ້ນທີ່ການເປີດຕົວຄຸນສົມບັດໃໝ່ໆ ເທົ່າໃດ.

ປະສິດທິພາບຂອງ iOS 12 ປັບປຸງຂື້ນ

ຈຸດຂາຍຫຼັກຂອງ iOS 12 ນັ້ນກໍ່ຄືການເພີ່ມປະສິດທິພາບຂອງລະບົບໃຫ້ດີີຂື້ນກວ່າເກົ່າ ເມື່ອທຽບກັບ iOS 11 ແລ້ວ ພົບວ່າ iOS 12 ສາມາເປີດແອັບໄດ້ໄວຂື້ນ 40%, ສະແດງຜົນຄີບອດໄດ້ໄວຂື້ນ 50% ແລະ ເປິດກ້ອງໄດ້ໄວຂື້ນອີກ 70%.

Augment Reality – ARkit 2.0

Apple ເປີດຕົວ ARKit 2.0 ມາພ້ອມກັບຄຸນສົມບັດໃໝ່ໆ ຫຼາຍຢ່າງ ເຊັ່ນ ເພີ່ມຄວາມສາມາດໃນການຕິດຕາມໃບໜ້າການສະແດງຜົນພາບໃນໂລກຄວາມເປັນຈິງທີ່ດີຂື້ນ ການໃຊ້ອຸປະກອນຫຼາຕົວແຊໂລກ AR ດຽວກັນ ຫຼື ການແຊ AR ຕໍ່ອີກ.

ທັງນີ້ Apple ໄດ້ຈັບມືກັບ Pixar ພັດທະນາແພຼດຟອມໃໝ່ສຳລັບ AR ທີ່ຊື່ວ່າ USDZ ຫຼື Universal Scene Description ເຊິ່ງຖືກອອກແບບໃຫ້ມີຂະໜາດນ້ອຍ ແລະ ປັບໃໝ່ເໝາະສົມຕໍ່ການແບ່ງປັນ ຫຼື ແຊໃຫ້ຜູ້ອື່ນນຳ.

ນອກຈາກນີ້ຍັງມີແອັບພຼິເຄຊັ່ນ Measure ທີ່ Apple ເປັນຜູ້ອອກແບບ ເປັນແອັບທີ່ຊ່ວຍວັດຂະໜາດຂອງວັດຖຸໃນໂລກຄວາມເປັນຈິງແບບ 3D.

ແອັບພຼິເຄຊັ່ນ Photos

  • ເພີ່ມແທບ For You ສຳລັບລຳລຶກວັນເກົ່າໆ ວັນສຳຄັນ
  • ເພີ່ມປະສິດທິພາບການຄົ້ນຫາຮູບພາບ ແບ່ງຕາມບຸກຄົນ ສະຖານທີ່ ແລະ ອື່ນໆ
  • ເພີ່ມເອຟເຟັກໃຫ້ຮູບ
  • ເພີ່ມລະບົບແນະນຳການແບ່ງປັນຮູບພາບໂດຍອັດຕະໂນມັດ ຫຼື ຄວນແຊໄປໃຫ້ໝູ່ເພື່ອນຄົນໃດແດ່ ແລະ ເມື່ອເຮົາແຊໄປແລ້ວ ໝູ່ເພື່ອນນກໍ່ສາມາດແຊເຫດການດຽວກັນກັບມາໄດ້ນຳ

ຜູ້ຊ່ວຍອັດສະລິຍະ Siri

Apple ເພີ່ມຄວາມສາມາດໃຫ້ Siri ໂດຍຕອນນີ້ Siri ສາມາດໃຊ້ງານຮ່ວມກັນແອັບພຼິເຄຊັ່ນອື່ນໆໄດ້ແລ້ວໂດຍຜ່ານແອັບຕົວກາງຕົວໃໝ່ທີ່ຊື່ວ່າ Shortcut ເຊິ່ງຜູ້ໃຊ້ສາມາດເພີ່ມແອັບພຼິເຄຊັ່ນຂອງນັກພັດທະນາຄົນອື່ນໆໃຫ້ໃຊ້ງານຮ່ວມກັບ Siri ຜ່ານແອັບນີ້.

ຈາກຕົວຢ່າງໃນງານ Craig ໄດ້ທົດສອບໃຊ້ງານກັບແອັບພຼິເຄຊັ່ນກະແຈສຳລັບໃຊ້ງານ Siri ໃນການຕາມຫາກະແຈທີ່ຫາຍໄປ ໂດຍການເພີ່ມ Add to Siri.

ນອກນີ້ Siri ຍັງສະຫຼາດຂື້ນກວ່າເກົ່າ ສາມາດຄາດການພຶດຕິກຳຂອງຜູ້ໃຊ້ງານ ແລະ ຈະມີການແຈ້ງເຕືອນເທິງໜ້າຈໍກ່ຽວກັບສິ່ງທີ່ກຳລັງຈະເຮັດນຳ ເຊັ່ນ ສົ່ງຂໍ້ຄວາມເພິງໝູ່ ຫຼື ແຈ້ງເຕືອນໃຫ້ເປີດ Do not Disturb ຕອນເບິ່ງໜັງເປັນຕົ້ນ.

ປັບປຸງແອັບພຼີິເຄຊັ່ນຕ່າງໆ

  • ປັບປຸງ Apple News ໂດຍລວມ Stocks ສຳລັບເຊັກລາຄາຫຸ້ນມາຢູ່ໃນຕົວດຽວ ໂດຍຮອງຮັບການໃຊ້ງານເທິງ iPad ແລ້ວ
  • ປັບປຸງແອັບພຼີິເຄຊັ່ນ Voice Memo ຮອງຮັບການໃຊ້ງານເທິງ iPad ແລ້ວ ສາມາດຊິ້ງຂ້າມອຸປະກອນໄດ້.
  • iBook ປ່ຽນຊື່ເປັນ Apple Books ເພີ່ມຄຸນສົມບັດສະແດງໜັງສືທີ່ອ່ານຄ້າງເອົາໄວ້ຢູ່
  • Apple Car ເພີ່ມລະບົບນຳທາງຂອງຄ່າຍອື່ນໆ ເຊັ່ນ Google Maps
  • ຜູ້ໃຊ້ງານສາມາດລວມກຸ່ມການແຈ້ງເຕືອນ (Notification) ໄດ້ຄື Android ແລ້ວ

ຄຸນສົມບັດກຳໜົດໄລຍະເວລາການໃຊ້ງານ

iOS 12 ມາພ້ອມກັບຄຸນສົມບັດກຳໜົດໄລຍະເວລາການໃຊ້ງານສະມາດໂຟນສຳລັບຜູ້ໃຊ້ງານ ເຊິ່ງຜູ້ໃຊ້ສາມາດກຳໜົດໄລຍະເວລາການໃຊ້ງານສຳລັບແອັບຕ່າງໆໄດດ້ ຖ້າຫາກໝົດເວລາແລ້ວກໍ່ຈະມີການແຈ້ງເຕືອນໃຫ້ນຳ (ປິດແອັບໃຫ້ເລີຍກໍ່ດີໃດ).

Animoji ດີກວ່າເກົ່າ

ກໍ່ເປັນຄຸນສົມບັດເດັດຊອງກ້ອງ TrueDepth ເທິງ iPhone X, ມາງວດນິ້ Apple ໄດ້ພັດທະນາໃຫ້ສະຫຼາດກວ່າເກົ່າ ຮອງຮັບການແລບລິ້ນ ສາມາດອອກແບບໜ້າຕາຂອງ Animoji ໄດ້ເອງແລ້ວ.

FaceTime

FaceTime ຖືກຍຸບໄປລວມເປັນສ່ວນໜຶ່ງຂອງ Message ແລະ ຮອງຮັບການລົມແບບກຸ່ມສູງສຸດ 32 ຄົນ ແຖມຍັງສາມາດໃສ່ເອຟເຟັກລະຫວ່າງການສົນທະນາໄດ້ອີກ.

ທັງໝົດນີ້ກໍ່ເປັນສິ່ງຫຼັກໆຂອງ iOS 12 ເວົ້າໄດ້ວ່າເອົາຂອງເກົ່າມາປັດຝຸ່ນ ບໍ່ມີຫຍັງໃໝ່ໄປຫຼາຍຈາກເດີມ ແຕ່ກໍ່ເປັນການນຳເອົາຂອງເດີມມາເຮັດໄດ້ດີພໍສົມຄວນ.


ອ້າງອີງ Live Stream (Apple) Live Blog (iClarified) (The Verge) / beartai

ຄວາມຄິດເຫັນ

ຄວາມຄິດເຫັນ

LEAVE A REPLY

Please enter your comment!
Please enter your name here