ໃນ Android Q Beta 4 ທີ່ຫາກໍ່ອອກມາມື້ເຊົ້ານີ້ມີໜຶ່ງໃນຄຸນສົມບັດໃໝ່ທີ່ຄ່ອນຂ້າງໜ້າສົນໃຈ ແລະ ມີປະໂຫຍດ ໂດຍສະເພາະກັບນັກພັດທະນາແອັບ ໄດ້ແກ່ຄຸນສົມບັດທີ່ເອີ້ນວ່າ Dynamic System Update (DSU)

DSU ຊ່ວຍໃຫ້ນັກພັດທະນາແອັບ ຫຼື ຄົນທີ່ຕ້ອງການທົດສອບຣອມໃໝ່ ສາມາດດາວໂຫຼດ, ຕິດຕັ້ງ ແລະ ບຸດຣອມຈາກພາທິຊັ່ນໃໝ່ (Dynamic Partition) ເຊັ່ນຣອມ GSI ໃນເຄື່ອງໄດ້ໂດຍບໍ່ທັບ ຫຼື ຍຸ່ງກ່ຽວໃດໆ ກັບຣອມໃນພາທິຊັ່ນຫຼັກທີ່ມີຢູ່ໃນເຄື່ອງ ແຖມຍັງສາມາດບຸດຣອມສະລັບໄປມາໄດ້ຢ່າງອິດສະຫຼະ ຊ່ວຍໃຫ້ການທົດສອບແອັບ ຫຼື ທົດສອບຣອມໃໝ່ສະດວກຂື້ນໂດຍບໍ່ຈຳເປັນຕ້ອງໃຊ້ເຄື່ອງສຳຮອງ

ຢ່າງໃດກໍ່ຕາມຣອມທີ່ຈະຕິດຕັ້ງໃນ Dynamic Partition ໄດ້ຕ້ອງເປັນຣອມທີ່ໄດ້ຮັບການ signed ໂດຍ Google ຫຼື OEMs ເທົ່ານັ້ນ ອີກຢ່າງຄືຕອນນີ້ຂະໜາດຂອງຣອມທີ່ຮອງຮັບຄືບໍ່ເກີນ 1.5GB ແລະ ໃນການເປີດໃຊ້ງານ DSU ລວມຮອດການສັ່ງບຸດຣອມຕ້ອງເຮັດຜ່ານ adb ພຽງແຕ່ຢ່າງດຽວເທົ່ານັ້ນ ສາມາດເບິ່ງຂັ້ນຕອນໄດ້ຈາກແຫຼ່ງທີ່ມານີ້: Android Developer

ທີ່ມາ Android Developer via Android Police

ແຫຼ່ງອ້າງອີງ : blognone

ຄວາມຄິດເຫັນ

ຄວາມຄິດເຫັນ

LEAVE A REPLY

Please enter your comment!
Please enter your name here