ຕາມທີ່ມີຂ່າວກ່ອນໜ້ານີ້ວ່າ iPhone 12 ຈະຮອງຮັບການເຊື່ອມຕໍ່ 5G ໂດຍໃຊ້ຊິບໂມເດັມ Snapdragon X55 5G ແນ່ນອນວ່າຕ້ອງໄດ້ມີການປ່ຽນການອອກແບບດ້ານຮາດແວພາຍໃນໃໝ່ນຳ ແຕ່ເນື່ອງຈາກຕ້ອງຮອງຮັບ 5G ເລີຍເຮັດໃຫ້ Apple ຕ້ອງອອກແບບ logic board ໃໝ່ ເຊິ່ງມັນມີຜົນເຮັດລາຄາສູງຂື້ນໄປຕາມ.

Ming Chi-Kuo ລາຍງານວ່າ iPhone 12 ຈະມີລາຄາສູງຂື້ນເນື່ອງຈາກການອອກແບບ Logic board ໃໝ່ທີ່ມີຂະໜາດໃຫຍ່ຂື້ນປະມານ 10% ປະກອບກິບເຕັກໂນໂລຢີໃໝ່ໆແບບຊິບໂມເດັມ 5G. ສ່ວນຊິບປະມວນຜົນ Apple A14 ຕົວໃໝ່ຈະຖືກອອກແບບທີ່ສະຖາປັດຕະຍະກຳ 5 ນາໂນແມັດ ແຕ່ບໍ່ໄດ້ຖືກອອກແບບໃຫ້ລວມຊິບໂມເດັມ ຫຼື Built in ເຂົ້າໄປໃນໂຕ ເຮັດໃຫ້ຕ້ອງໃຊ້ເນື້ອທີ່ພາຍໃນເຄື່ອງຫຼາຍຂື້ນແທນ.

ນອກຈາກການອອກແບບ ແລະ ເພີ່ມຂະໜາດບອດເນື່ອງຈາກໂມເດັມ 5G ແລ້ວ Apple ຕ້ອງໄດ້ອອກແບບລະບົບລະບາຍຄວາມຮ້ອນໃໝ່ນຳ ເນື່ອງຈາກຊິບໂມເດັມ 5G ຈະມີການໃຊ້ພະລັງງານ ແລະ ສ້າງຄວາມຮ້ອນຫຼາຍຂື້ນ ເຮັດໃຫ້ຕົ້ນທຶນການອອກແບບບອດສູງຂື້ນປະມານ 35%. ຢ່າງໃດກໍ່ຕາມ Apple Insider ລະບຸວ່າເປັນພຽງຕົ້ນທຶນຂອງບອດ ບໍ່ໄດ້ໝາຍຄວາມວ່າຮາຄາຂອງ iPhone ຂະຂື້ນອີກ 35%.

ສຳລັບລາຄານັ້ນ ສື່ໃນປະເທດຈີນເຜີຍວ່າ iPhone 12 ໜ້າຈະມີລາຄາເພີ່ມຂື້ນລຸ່ນລະ 1.000 ຫຍວນ ເຊິ່ງໃນປັດຈະບັນນີ້ iPhone 11, iPhone 11 Pro ແລະ iPhone 11 Pro Max ທີ່ວາງຈຳໜ່າຍໃນປະເທດຈີນມີລາຄາເລີ່ມຕົ້ນທີ່ 5.499 ຫຍວນ, 8.699 ຫຍວນ ແລະ 9.599 ຫຍວນ ຕາມລຳດັບ. ຫາກວ່າຂ່າວລືອັນນີ້ເປັນຈິງ ຄາດວ່າ iPhone 12, iPhone 12 Pro ແລະ iPhone 12 Pro Max ຈະມີລາຄາຫຼາຍກວ່າ 6.000, 9.000, ແລະ 10.000 ຫຍວນ ເລີຍ.


ອ້າງອີງ WCCFTECH, WCCFTECH 2, beartai

ຄວາມຄິດເຫັນ

ຄວາມຄິດເຫັນ

LEAVE A REPLY

Please enter your comment!
Please enter your name here