Sony ໄດ້ເປີດຕົວສະມາດໂຟນເຮືອທຸງລຸ່ນຫຼ້າສຸດ Xperia XZ3 ໂດຍມີໜ້າຈໍ OLED ແບບ HDR ທີ່ມີຂະໜາດໃຫຍ່ຮອດ 6 ນິ້ວ ພາຍໃນງານ IFA 2018 (31 ສິງຫາ – 5 ກັນຍາ 2018) ທີ່ນະຄອນເບີລິນ ປະເທດ ເຢຍລະມັນ.

ໜ້າຈໍ OLED ດັ່ງກ່າວມີຄວາມລະອຽດ QHD+ ພ້ອມກັບອັດຕາສ່ວນແບບ 18:9 (Extended Display), ເຕັກໂນໂລຢີເພີ່ມປະສິດທິພາບການສະແດງຜົນພາບ RILUMINOS ແລະ X-REALITY ແລະ ປ້ອງກັນຮອຍຂີດຂ່ວນດ້ວຍແກ້ວ Gorilla Glass 5 ທັງດ້ານໜ້າ ແລະ ຫຼັງຕົວເຄື່ອງ.

Xperia XZ3 ມີຕົວເຄື່ອງຂະໜາດ 158 x 73 x 9.9 ມມ., ໜັກ 193 ກຣາມ, ມາດຕະຖານກັນນ້ຳກັນຝຸ່ນລະດັບ IP65/68 ແລະ ຂອບເຄື່ອງເປັນອາລູມີນຽມ ເຊິ່ງເບິ່ງໂດຍລວມແລ້ວ“ບາງກວ່າ ” Xperia XZ2 ໜ່ອຍໜຶ່ງ.

ກ້ອງຫຼັງ (Motion Eye Camera) ມີຄວາມລະອຽດ 19 ລ້ານພິກເຊວ, f/2.0, ຮອງຮັບອໍໂຕໂຟກັສແບບ PDAF ແລະ ເລເຊີ ໂດຍສາມາດບັນທຶກວີດີໂອສະໂລໂມຊັ່ນຄວາມລະອຽດ 1080p ທີ່ 960 fps, ບັນທຶກພາບຄວາມລະອຽດ 4K ແບບ HDR ໄດ້ແບບ real-time ແລະ ສູດການປະມວນຜົນແບບໃໝ່ທີ່ເອີ້ນວ່າ BIONZ.

ກ້ອງໜ້າ ກັບມາເປັນຄວາມລະອຽດ 13 ລ້ານພິກເຊວ f/1.9 ເຊັ່ນດຽວກັບ Xperia XZ1 ຫຼັງຈາກທີ່ໄດ້ຫຼຸດໄປເປັນ 5 ລ້ານພິກເຊວ ໃນ Xperia XZ2.

ອີກຢ່າງທີ່ໜ້າສົນໃຈຄື ຄຸນສົມບັດ Side Sense ເຊີ່ງເປັນລະບົບ Gesture ສຳລັບສຳຜັດທີ່ຂອບໂຄ້ງໜ້າຈໍ ເພື່ອເປີດເມນູ ແລະ ເອີ້ນໃຊ້ແອັບ ຫຼື ທາງລັດສຳລັບການເຮັດວຽກຢ່າງໄວວາ ອີກທັງຍັງສາມາດປັບແຕ່ງໄດ້ຕາມຕ້ອງການອີກນຳ.

ສະເປັກ Sony Xepria XZ3

  • ໜ້າຈໍ HDR OLED ຂະໜາດ 6.0 ນິ້ວ ຄວາມລະອຽດ 2880 x 1440 ພິກເຊວ (QHD+)
  • ຊິບເຊັດ Qualcomm Snapdragon 845
  • ລະບົບປະຕິບັດການ Android 9.0 Pie
  • ກ້ອງຫຼັງ Motion Eye ຄວາມລະອຽດ 19 ລ້ານພິກເຊວ
  • ກ້ອງໜ້າ ຄວາມລະອຽດ 13 ລ້ານພິກເຊວ
  • ແຣມ 4 GB
  • ຄວາມຈຸ 64 GB
  • ແບັດເຕີຣີ່ 3,300 mAh
  • ມາດຕະຖານກັນນ້ຳກັນຝຸ່ນ IP65/68
  • ສີ : ດຳ, White Silver, Bordeaux Red ແລະ Forest Green

 Sony ຈະເລີ່ມວາງຈຳໜ່າຍ Xperia XZ3 ໃນຊ່ວງປາຍເດືອນກັນຍາ 2018 ນີ້


ອ້າງອີງ, ທີ່ມາ

ຄວາມຄິດເຫັນ

ຄວາມຄິດເຫັນ

LEAVE A REPLY

Please enter your comment!
Please enter your name here