LG ເປີດຕົວ LG X5 (2018) ແບບຫງຽບໆ ເຊິ່ງເປັນລຸ່ນທີ່ບໍ່ໄດ້ມີສະເປັກຫຍັງໂດດເດັ່ນຫຼາຍ ແຕ່ມາພ້ອມແບັດເຕີຣີ່ຂະໜາດໃຫຍ່ເຖິງ 4,500 mAh.

LG X5 (2018) ເປັນລຸ່ນພັດທະນາຂອງ LG X5 (2016) ໂດຍການປ່ຽນແປງຫຼັກໆທີ່ເຫັນໄດ້ຊັດເຈນຄື ຮູບຮ່າງຕົວເຄື່ອງຈາກເດີມທີ່ເບິ່ງຫຼ່ຽມໆມາເປັນຊົງທີ່ມີຄວາມໂຄ້ງມົນຫຼາຍຂື້ນ ແຕ່ຍັງມີໜ້າຈໍ 5.5 ນິ້ວ ຄືເກົ່າ ສ່ວນໃນເລື່ອງຂອງໜ່ວຍປະມວນຜົນ LG X5 (2018) ມີການພັດທະນາໂດຍໃຊ້ຊິບປະມວນຜົນຈາກ MediaTek ແບບ Octa-core ແລະ ເພີ່ມໜ່ວຍຄວາມຈຳພາຍໃນທີ່ 32GB ແຕ່ຍັງມີແຣມ 2GB ເທົ່າເດີມ.

ລຸ່ນນີ້ຈະໃຊ້ລະບົບປະຕິບັດການ Android 8.0 Oreo ແລະ ມາພ້ອມແບັດເຕີຣີ່ຂະໜາດໃຫຍ່ 4,500 mAh ຕາມທີ່ໄດ້ກ່າວໄປໃນຕອນຕົ້ນ.

ໃນຕອນນີ້ LG X5 (2018) ມີວາງຂາຍແຕ່ໃນເກົາຫຼີໃຕ້ເທົ່ານັ້ນ ໂດຍມາພ້ອມກັບສີ ຟ້າ (Moroccan Blue) ໃນລາຄາ $330 ແຕ່ຈະມີການສົ່ງອອກຕ່າງປະເທດໃນອີກບໍ່ດົນ.


ທີ່ມາ / ອ້າງອີງ

ຄວາມຄິດເຫັນ

ຄວາມຄິດເຫັນ

LEAVE A REPLY

Please enter your comment!
Please enter your name here