ກໍ່ໃກ້ການເປີດຕົວແລ້ວສຳລັບ OPPO Find X ວ່າທີ່ສະມາດໂຟນເຮືອທຸງທີ່ກັບສູ່ຕະຫຼາດອີກຄັ້ງ ເຊິ່ງໃນຊ່ວງໃກ້ເປີດຕົວນີ້ກໍ່ມີກະແສອອກມາຢ່າງຕໍ່ເນື່ອງ ຫຼ້າສຸດມີທີເຊີໂປຣໂໝດຈາກໜ້າເພຈຂອງ OPPO ສາຂາປະເທດເນເທີແລນບອກໃບ້ວ່າ Find X ຈະມາພ້ອມກັບສັດສ່ວນພື້ນທີ່ໜ້າຈໍສະແດງຜົນເຖິງ  93.8% ເຊິ່ງຫາກເປັນຄວາມຈິງກໍ່ຈະກາຍເປັນສະມາດໂຟນທີ່ອອກແບບໄຮ້ຂອບທີ່ມີພື້ນທີ່ຈໍສະແດງຜົນສູງທີ່ສຸດໃນຕະຫຼາດຕອນນີ້.

 

ຂະນະດຽວກັນ ບັນຊີຈອມຫຼູດຂ່າວວົງໃນຢ່າງ Ben Geskin ຍັງໄດ້ໂພສຮູບທີເຊີດັ່ງກ່າວຕ້ອນຮັບວ່າທີ່ສະມາດໂຟນຂອບຈໍບາງ Find X ນຳ, ເຊິ່ງກ່ອນໜ້ານີ້ໄດ້ມີການຄາດການວ່າ OPPO Find X  ຈະມີພື້ນທີ່ສະແດງຜົນໜ້າຈໍ 6.4 ນິ້ວ ຄວາມລະອຽດ 2340 x 1080 ພິກເຊວ ພ້ອມອັດຕາສ່ວນ 19:5:9 ໂດຍມີຄຸນສົມບັດພຣີມ່ຽມໜ້າສົນໃຈເຊັ່ນ ສະແກນໃບໜ້າສາມມິຕິ, ລະບົບກ້ອງຄູ່ຊູມແບບ Lossless ໄດ້ 5 ເທົ່າ ລວມທັງລະບົບ Super VOOC Flash Charge ອີກນຳ.


ທີ່ມາ / ອ້າງອີງ

ຄວາມຄິດເຫັນ

ຄວາມຄິດເຫັນ

LEAVE A REPLY

Please enter your comment!
Please enter your name here