ເມື່ອຊ່ວງຕົ້ນເດືອນພຶດສະພາ 2018 ທີ່ຜ່ານມາ Jun Zhang ນັກວິເຄາະຈາກ Rosenblatt ໄດ້ອ້າງວ່າ Apple ຈະສ້າງຄວາມແຕກຕ່າງໃຫ້ກັບ iPhone ລຸ່ນລາຄາຖືກທີ່ໃຊ້ຈໍ LCD ໂດຍຈະເປີດຕົວພ້ອມກັບສີໃໝ່ຄື ສີຟ້າ, ເຫຼືອງ ແລະ ສີບົວ ນອກຈາກສີດັ່ງເດີມຄື ດຳ, ເທົາ, ຄຳ, ໂຣສໂກ ແລະ Product RED Edition.

  • ແທ້ຈີງແລ້ວ Apple ກໍ່ເຄີຍໃຊ້ສີດັ່ງກ່າວກັບຜະລິດຕະພັນແບບ iPod Nano, iPod Touch ລຸ່ນຫຼັງໆ ແລະ iPhone 5c ມາກ່ອນແລ້ວ.

ຈາກທີ່ນັກວິເຄາະຈາກ Rosenblatt ໄດ້ກ່າວນັ້ນ ທາງເວັບໄຊ PhoneArena.com ເຫັນວ່າເປັນສິ່ງທີ່ໜ້າສົນໃຈຫຼາຍທີ່ Apple ຈະເພີ່ມສີສັນໃໝ່ໃຫ້ກັບ iPhone ລຸ່ນລາຄາປະຢັດ ເພາະນັ້ນຈະເຮັດໃຫ້ມັນໜ້າສົນໃຈຫຼາຍຂື້ນ ແລະ ອາດເກັບສີພິເສດສຳລັບລຸ່ນພຣີມ່ຽມນຳ.

ບໍ່ພຽງເທົ່ານັ້ນ ທາງເວັບໄຊຍັງໄດ້ຈຳລອງຮູບຂອງ iPhone ປີ 2018 ລຸ່ນລາຄາປະຢັດທີ່ໃຊ້ຈໍ LCD ເຊິ່ງມາພ້ອມກັບ 3 ສີໃໝ່ຄື ຟ້າ, ເຫຼືອງ, ແລະ ບົວ ດັ່ງລຸ່ມນີ້:

ຄາດວ່າ iPhone ປີ 2018 ລຸ່ນລາຄາປະຢັດທີ່ໃຊ້ໜ້າຈໍ LCD ນັ້ນ ຈະມີດ້ານຫຼັງເປັນແກ້ວເພື່ອຮອງຮັບການສາກໄຮ້ສາຍເຊັ່ນດຽວກັບລຸ່ນພຣີມ່ຽມ ແລະ ນັ້ນອາດຈະເຮັດໃຫ້ສີສັນໃໝ່ໆດັ່ງກ່າວຂັ້ນຕົ້ນນັ້ນເບິ່ງເງົາງາມ ຫຼຽບຫຼູ ແຕກຕ່າງຈາກ iPhone 5c ທີ່ໃຊ້ວັດສະດຸເປັນປຼາສະຕິກ ຢ່າງແນ່ນອນ.

Apple ຈະເປີດຕົວ iPhone ໃນເດືອນ ກັນຍາ 2018 ນີ້.


ທີ່ມາ / ອ້າງອີງ

ຄວາມຄິດເຫັນ

ຄວາມຄິດເຫັນ

LEAVE A REPLY

Please enter your comment!
Please enter your name here