ຫຼ້າສູດນີ້ (18 ພຶດສະພາ 2018) ທ່ານ Gray G. Lee ຫົວໜ້າ AI Center ທີ່ຢູ່ພາຍໃນການດູແລຂອງ Samsung Research ໄດ້ກ່າວກັບທາງ Korea Herald ສື່ລາຍໃຫຍ່ຂອງປະເທດເກົາຫຼີໃຕ້ວ່າ Galaxy Note 9 ຈະມາພ້ອມກັບ Bixby ເວີຊັ່ນ 2.0 ທີ່ໄດ້ຮັບການພັດທະນາຍິ່ງຂື້ນໄປກວ່າເກົ່າ.

ທ່ານກ່າວວ່າ Bixby 2.0 ຈະມີຄຸນສົມບັດທີ່ໄດ້ຮັບການປັບປຸງຫຼາຍຢ່າງ ບໍ່ວ່າຈະເປັນ ຂະບວນການທາງພາສາທີ່ມີຄວາມເປັນທຳມະຊາດຫຼາຍຂື້ນ, ເພີ່ມປະສິດທິພາບດ້ານການຕັດສຽງລົບກວນ ແລະ ຕອບສະໜອງຕໍ່ການໃຊ້ງານໄດ້ວ່ອງໄວຍິ່ງຂື້ນ.

Samsung ວາງແຜນຈະເຊື່ອມໂຍມສະມາດໂຟນປະມານ 14 ລ້ານເຄື່ອງເຂົ້າກັບ Bixby ໃນປີ 2018 ນີ້ ແລະ ເລັງທີ່ຈະເຊື່ອມໂຍມທຸກເຄື່ອງເຂົ້າກັບ Bixby ພາຍໃນປີ 2020.

ຄາດເດົາວ່າ Samsung Galaxy Note 9 ຈະເປີດຕົວໃນເດືອນ ສິງຫາ 2018 ນີ້ (ກ່ອນ Apple ຈະເປີດຕົວ ໄອໂຟນລຸ່ນໃໝ່) ແລະ ວາງຈຳໜ່າຍໃນເດືອນ ກັນຍາ 2018.


ທີ່ມາ / ອ້າງອີງ

ຄວາມຄິດເຫັນ

ຄວາມຄິດເຫັນ

LEAVE A REPLY

Please enter your comment!
Please enter your name here