ຫຼ້າສຸດໄດ້ມີລາຍງານວ່າ Asus ເຈົ້າຂອງແບຣນຍ່ອຍທີ່ຮູ້ຈັກກັນດີໃນວົງການເກມຢ່າງ ROG (Republic of Gamers) ອາດກຳລັງພັດທະນາສະມາດໂຟນຂອງຕົນເອງຢູ່ເຊັ່ນກັນ.

ໃນລະຫວ່າງການໃຫ້ສຳພາດພາຍໃນງານເປີດສາຂາທີ່ 100 ຂອງຮ້ານ Asus ທີ່ປະເທດຟິລິບປີນນັ້ນ Jerry Shen ຜູ້ດຳລົງຕຳແໜ່ງ Global CEO ຂອງ Asus ໄດ້ເປີດເຜີຍວ່າ “ຄາດຫວັງໄດ້ເລີຍວ່າ” Asus ຈະວາງຈຳໜ່າຍສະມາດໂຟນຂອງຕົນເອງທີ່ໄດ້ຮັບການອອກແບບສຳລັບຫຼິ້ນເກມ.

ຂະນະດຽວກັນຈະເຮັດໃຫ້ Asus ຍັງຄົງບົດບາດໃນວົງການເກມພີຊີ ແລະ ສາມາດຂະຫຍາຍໄປຍັງຕະຫຼາດສະມາດໂຟນໄດ້ອີກນຳ.

ແທ້ຈີງແລ້ວ ກ່ອນໜ້ານີ້ Asus ໄດ້ເປີດຕົວສະມາດໂຟນ ZenFone 5Z ທີ່ມີສະເປັກສະດັບສູງ ບໍ່ວ່າຈະເປັນ ໜ້າຈໍ Full HD+ ຂະໜາດ 6.2 ນິ້ວ, ຊິບເຊັດ Snapdragon 845 แລະ ແຣມ 6 GB ທີ່ເໝາະສຳລັບເຫຼົ່າເກມເມີຢ່າງຊັດເຈນ.

ຖ້າຫາກຂໍ້ມູນດັ່ງກ່າວເປັນຈີງ ກໍ່ຈະເຮັດໃຫ້ Asus ເປັນແບຣນຫຼ້າສຸດທີ່ລົງມາລຸຍຕະຫຼາດສະມາດໂຟນສະເປັກເນັ້ນຫຼິ້ນເກມ ຖັດຈາກ Razer Phone ແລະ BlackShark ທີ່ເປີດຕົວໄປແລ້ວກ່ອນໜ້ານີ້.

ຢ່າງໃດກໍດີ ຄົງຕ້ອງຖ້າເບິ່ງກັນວ່າ Asus ຈະອອກມາໃຫ້ລາຍລະອຽດກ່ຽວກັບສະມາດໂຟນຂອງຕົນເອງແບບໃດຕໍ່ໄປ.


ອ້າງອີງ beartai

ຄວາມຄິດເຫັນ

ຄວາມຄິດເຫັນ

LEAVE A REPLY

Please enter your comment!
Please enter your name here