Honor ແບຣນຍ່ອຍຂອງ Huawei ກຳລັງຈະຈັດງານອີເວນເປີດໂຕສະມາດໂຟນໃນວັນທີ່ 15 ພຶດສະພາ 2018 ທີ່ນະຄອນ ລອນດອນ ປະເທດອັງກິດ ໂດຍໄດ້ເລີ່ມສົ່ງບັດເຊີນໄປຍັງສື່ມວນຊົນຕ່າງໆແລ້ວ (ຮູບດ້ານລຸ່ມ).

ຮູບດັ່ງກ່າວສະໃຫ້ເຫັນວ່າ Honor 10 ຈະເນັ້ນໄປທີ່ສັກກະຍະພາບ AI ໃນການຊ່ວຍຖ່າຍຮູບແບບຈິງຈັງ ໂດຍຄາດວ່າຈະມີໜ້າຈໍ 5.7 ນິ້ວ ແລະ ຊິບເຊັດ Kirin 970.

ນອກຈາກນີ້ ອາດມີການເປີດໂຕລຸ່ນໃຫຍ່ຢ່າງ Honor View 10 ທີ່ມີໜ້າຈໍກວ້າງເຖິງ 5.99 ນິ້ວ ພ້ອມດ້ວຍຊິບເຊັດ Kirin 970 ນຳເຊັ່ນກັນ.

ເນື່ອງດ້ວຍ Honor 9 ທີ່ມີຍອດຂາຍຄ່ອນຂ້າງໜ້າປະທັບໃຈ ພ້ອມກັບການອອກແບບໂດດເດັ່ນ ຈຶ່ງເຮັດໃຫ້ເກີດຄວາມຄາດຫວັງວ່າ Honor 10 ຈະປັບປຸງໄປໃນທິດທາງໃດ, ໂດຍອາດມີການນຳເຕັກໂນໂລຢີ ແລະ ຄຸນສົມບັດແບບດຽວກັບ Huawei P10 ເຊີ່ງເປັນເຮືອທຸງຂອງ Huawei ໃນປີ 2017 ມາໃຊ້ກໍ່ເປັນໄດ້.

ທັງນີ້ Honor ສາມາດຈຳໜ່າຍສະມາດໂຟນໃນຕະຫຼາດໃຫຍ່ຢ່າງ ສະຫະລັດ ອາເມລິກາ ໄດ້ ເຊີ່ງຕ່າງຈາກ Huawei ທີ່ບໍ່ປະສົບຄວາມສຳເລັດໃນອາເມລິກາຫຼາຍສ່ຳໃດ.


ອ້າງອີງ gsmarena, beartai

ຄວາມຄິດເຫັນ

ຄວາມຄິດເຫັນ

LEAVE A REPLY

Please enter your comment!
Please enter your name here