Samsung Galaxy S9/S9+ ເປີດໂຕຢ່າງເປັນທາງການເມື່ອບໍ່ດົນມານີ້ (ແລະ ແອັດກໍ່ບໍ່ໄດ້ມາລົງຂ່າວໃນເພຈເຮົາ) ແລະເປັນການພັດທະນາທັ້ງໃນດ້ານການອອກແບບປະສິດທິພາບຮາດແວ ແລະ ມີຄຸນສົມບັດໃໝ່ໆ ມາໃຫ້ເຮົາໄດ້ລອງຫຼິ້ນກັນຫຼາຍຢ່າງ.

ສິ່ງໜຶ່ງທີ່ຫຼາຍໆຄົນອາດຢາກເຫັນຄືການປຽບທຽບລະຫວ່າງ Galaxy S9 ແລະ iPhone X ເຊີ່ງເປີດໂຕໃນຊ່ວງປາຍປີທີ່ແລ້ວ. ແທ້ຈີງແລ້ວທັງ 2 ລຸ່ນກໍ່ມີຄວາມແຕກຕ່າງກັນຫຼາຍຢ່າງ ແຕ່ເຮົາຕ້ອງການທີ່ຈະເນັ້ນໄປທີ່ຄວາມແຕກຕ່າງສຳຄັນ 5 ຂໍ້ ໂດຍໜຶ່ງໃນນັ້ນລວມເຖິງການຕັດສິນໃຈທີ່ຈະເກັບຮູຫູຟັງ 3.5 mm. ເອົາໄວ້

Headphone Jack (ຮູຫູຟັງ 3.5 mm.)

Apple ຕັດພອດຫູຟັງອອກໄປດົນແລ້ວ ແລະ ແບຣນອື່ນໆກໍ່ເລີ່ມຫຼອກຮຽນຕາມແບບ Apple ແຕ່ Samsung  ກັບຍັງຄົງເຊື່ອໝັ່ນໃນພອດຫູຟັງຢູ່ ຈຶ່ງເຮັດໃຫ້ Samsung Galaxy S9 ເປັນໜຶ່ງໃນເຮືອທົງລຸ່ນໃໝ່ບໍ່ເທົ່າໃດລຸ່ນທີ່ຮອງຮັບພອດຫູຟັງ 3.5 mm. ເພື່ອເອົາໃຈແຟນໆ

Iris scanner (ແລະ ເຊັນເຊີສະແກນນິ້ວມື)

Galaxy S9 ໃສ່ຄຸນສົມບັດເພື່ອຄວາມປອດໄພ ແລະ ການລະບຸຕົວຕົນມາຫຼາຍ່າງ ໂດຍໜຶ່ງໃນນັ້ນຄື Iris scanner ແລະ ເຊັນເຊີສະແກນນິ້ວມື ເຊີ່ງເປັນສິ່ງທີ່ iPhone X ໄດ້ຕັດອອກໄປເຊັ່ນກັນ. ເຮົາຈະເຫັນວ່າ ຕອນນີ້ Apple  ເປັນຜູ້ນຳດ້ານລະບົບດານຈົດຈຳໃບໜ້າ, ສ່ວນຜະລິດຕະພັນຈາກ Samsung ກໍ່ເປັນອຸປະກອນທີ່ຊ່ຽວຊານການລະບຸຕົວຕົນດ້ານອື່ນໆ ແລະ ມີຕົວເລືອກໃຫ້ຜູ້ໃຊ້ທຳການປົດລັອກໜ້າຈໍຫຼາກຫຼາຍຮູບແບບ. ນອກຈາກນີ້ໃນ Galaxy S9 ຍັງມີການປັບຕຳແໜ່ງເຊັນເຊີສະແກນນິ້ວມືໃຫ້ງ່າຍຕໍ່ການໃຊ້ງານຫຼາຍກວ່າເກົົ່າ.

Variable aperture (ເລນທີ່ສາມາດປັບຮູຮັບແສງໄດ້!)

ສິ່ງທີ່ Samsung ເນັ້ນຢ່າງຫຼາຍໃນເຮືອທົງລຸ່ນໃໝ່ນີ້ກໍ່ຄືຄວາມສາມາດຂອງກ້ອງທີ່ໄດ້ຮັບການພັດທະນາແບບກ້າວກະໂດດ ໂດຍໜຶ່ງໃນປັດໃຈທີ່ເຮັດໃຫ້ປະສິດທິພາບຂອງກ້ອງ Galaxy S9 ເພີ່ມສູງຂື້ນຫຼາຍກໍ່ຄື ຄວາມສາມາດໃນການປັບຮູຮັບແສງເອງໄດ້, ນອກຈາກຈະຫຼຸດການເກີດ noise ເຮັດໃຫ້ຖ່າຍຮູບໃນທີ່ແສງນ້ອຍໄດ້ສວຍງາມຂື້ນແລ້ວ ກ້ອງຂອງເຮືອທົງລຸ່ນນີ້ຍັງມີລະບົບໂຟກັສອັດຕະໂນມັດທີ່ໄວແລະແມ່ນຍຳ ອີກທັງຍັງມີຄວາມສາມາດໃນການຖ່າຍ slow motion ທີ່ 960 fps ເລີຍແຫຼະ.

ຄວາມສາມາດໃນການປັບຮູຮັບແສງລະຫວ່າງ f/1.5 ກັບ f/2.4 ໃນປັດຈຸບັນມີຢູ່ໃນ Galaxy S9/S9+ ເທົ່ານັ້ນ, ບໍມີສະມາດໂຟນລຸ່ນໃສອີກແລ້ວໃນຕອນນີ້ທີ່ມີຄວາມສາມາດດັ່ງກ່າວ.

DeX support

Samsung ຮ່ວມມືກັບບໍລິສັດກວ່າ 30 ບໍລິສັດເພື່ອສ້າງ DeX ຂື້ນມາ ໂດຍ Dex ຄືລະບົບທີ່ເຮັດໃຫ້ສະມາດໂຟນສາມາດໃຊ້ງານໄດ້ຄືຄອມພິວເຕີ ແລະ ສາມາດໃຊ້ຄຸນສົມບັດຂອງສະມາດໂຟນເທິງໜ້າຈໍຂະໜາດໃຫຍ່ໄດ້ສະດວກຍິ່ງຂື້ນ.

AR emoji

ໃນຂໍ້່ນີ້ Samsung ຢືນຢັນຢ່າງຊັດເຈນວ່າ “ບໍ່ໄດ້ລອກຄຸນສົມບັດ Animoji ຂອງ Apple” ໂດຍບໍ່ວ່າຈະເຊື່ອສິ່ງທີ່ບໍລິສັດບອກ ຫຼື ບໍ ແຕ່ກໍ່ປະຕິເສດບໍ່ໄດ້ວ່າ AR emoji ເປັນຄຸນສົມບັດທີ່ມີເອກະລັກສະເພາະຕົວ ເຊີ່ງຈະນຳຮູບພາບໜ້າຕາຂອງເຮົາໄປສ້າງເປັນຕົວລະຄອນອີໂມຈິ 3 ມິຕິ ນອກຈາກນັ້ນເຮົາຍັງສາມາດປັບແຕ່ງຊົງຜົມ ແລະ ດານແຕ່ງໂຕໃຫ້ກັບອີໂມຈິທີ່ສ້າງຂື້ນມາໄດ້ອີກນຳ.

ອ້າງອີງ gearpatrol, beartai

ຄວາມຄິດເຫັນ

ຄວາມຄິດເຫັນ

LEAVE A REPLY

Please enter your comment!
Please enter your name here