ຜົນສຳຫຼວດຈາກບໍລິສັດວິໄຈຕະຫຼາກຊື່ດັງຢ່າງ Canalys ແລະ Counterpoint ລະບຸວ່າໃນໄຕມາດທີ່ 4 ຂອງປີ 2017 ທີ່ຜ່ານມາ Xiaomi ສາມາດກິນສ່ວນແບ່ງຍອດຂາຍສະມາດໂຟນໃນຕະຫຼາດມືຖືອິນເດຍໄດ້ເປັນອັນດັບໜຶ່ງແຊງໜ້າ Samsung ເປັນຄັ້ງທຳອິດ, ຮັບກະແສຂ່າວກຽມນຳບໍລິສັດໄປພີໂອເຂົ້າຕະຫຼາດຫ່້ນໃນຊ່ວງເຄິ່ງປີຫຼັງ ເຊີ່ງມີການເປີດເຜີຍວ່າມູນລະຄ່າກິດຈະການອາດສູງແຕະຮອດແສນລ້ານໂດລາ ຄາດວ່ານ່າຈະເປັນໄອພີໂອບໍລິສັດເຕັກໂນໂລຢີທີ່ໃຫຍ່ທີ່ສຸດຂອງປີນີ້ອີກນຳ

ທັງນີ້ ບໍລິສັດວິໄຈທັງສອງແຫ່ງໄດ້ເປີດເຜີຍຕົວເລກສ່ວນແບ່ງລາຍໄດ້ໃນໄຕມາດສຸດທ້າຍຂອງປີທີ່ຜ່ານມາປະກົດວ່າ Xiaomi ມີສ່ວນແບ່ງທີ່ 27% (Canalys) ແລະ 25% (Counterpoint) ຕາມລຳດັບ. ຢ່່າງໃດກໍ່ຕາມຫາກຄິດສ່ວນແບ່ງແບບປີຕໍ່ປີແລ້ວ Samsung ຍັງເປັນອັນດັບໜຶ່ງທີ່ 24% ຂະນະທີ່ Xiaomi ມີສ່ວນແບ່ງຢູ່ທີ່ 19%.

Rushabh Doshi ນັກວິເຄາະຈາກ Canalyse ອະທິບາຍເຖິງສາເຫດທີ່ Xiaomi ກ້າວກະໂດດຂື້ນມາຢູ່ຫົວແຖວຂອງຕະຫຼາດອິນເດຍໄດ້ໄວຫຼາຍກໍ່ເນື່ອງມາຈາກມີຂໍ້ໄດ້ປຽບໃນເລື່ອງຂອງສະມາດໂຟນທີ່ມີກຸ່ມລາຄາຖືກທີ່ເໝາະສົມກັບຜູ້ບໍລິໂພກໃນອດນໂຣຕີຫຼາຍກວ່າທາງ Samsung ໂດຍສະເພາະຊີຣີ Redmi ນັ້ນຈັດໄດ້ວ່າໄດ້ຮັບຄວາມນິຍົມຫຼາຍ ແຕ່ສິ່ງທີ່ເຮັດໃຫ້ Samsung ຍັງຖືເປັນເຈົ້າຕະຫຼາຍອິນເດຍຢູ່ກໍ່ຄືຄວາມໄດ້ປຽບໃນເລື່ອງຂອງສູງພັດທະນາວິໄຈ (R&D) ທີ່ພວກເຂົາມາລົງທຶນຢ່າງເຕັມໂຕທີ່ນີ້. ນອກຈາກນີ້ Counterpoint ກໍ່ຍັງໄດ້ໃຫ້ຂໍ້ມູນເພີ່ມຕື່ມວ່າສະມາດໂຟນທີ່ຂາຍດີທີ່ສຸດກໍ່ຄືສະມາດໂຟນລາຄາລະຫວ່າງ 1,200,000-2,000,000 ກີບ.


ອ້າງອີງ techcrunch / beartai

ຄວາມຄິດເຫັນ

ຄວາມຄິດເຫັນ

LEAVE A REPLY

Please enter your comment!
Please enter your name here