22.4 C
Vientiane
Monday, November 18, 2019
Home ໂທລະສັບ ແອັບເປີ້ນ ພຣີວິວຟີເຈີໃໝ່ iOS 11.3 ຄອນເຟີມເລືອກເປີດ-ປິດໂໝດຫຼຸດຄວາມໄວໄອໂຟນລຸ່ນເກົ່າໄດ້ແລ້ວ

ພຣີວິວຟີເຈີໃໝ່ iOS 11.3 ຄອນເຟີມເລືອກເປີດ-ປິດໂໝດຫຼຸດຄວາມໄວໄອໂຟນລຸ່ນເກົ່າໄດ້ແລ້ວ

174
0

Apple ໄດ້ອອກອັບເດດ iOS 11.3 ເວີຊັ່ນ beta ອອກມາແລ້ວພ້ອມທັງເປີດເຜີຍລາຍລະອຽດຂອງການອັບເດດໃໝ່ຫຼາຍຢ່າງໃນ iOS 11.3 ບໍ່ວ່າຈະເປັນຟີເຈີອັບເກຣດລະບົບ ARKit, Health ລວມທັງຄຸນສົມບັດທີ່ຜູ້ໃຊ້ຈະສາມາດເລືອກເປີດ-ປິດຟັງຊັ່ນຫຼຸດຄວາມໄວຕາມປະສິດທິພາບຂອງໄອໂຟນເມື່ອແບັດເຕີຣີເລີ່ມເສື່ອມເທິງໄອໂຟນລຸ່ນເກົ່າໆ ໄດ້ແລ້ວຫຼັງຈາກຖືກວິພາກວິຈານຢ່າງໜັກກ່ອນໜ້ານີ້ ໂດຍການອັບເດດໃນ iOS 11.3 ທີ່ຈະເພີ່ມເຂົ້າມານັ້ນມີດັ່ງນີ້:

  • ອັບເກຣດ ARKit ມາເປັນເວີຊັ່ນ 1.5 ເຊີ່ງຈະເປັນການເພີ່ມເຄື່ອງມືໃຫ້ນັກພັດທະນາແອັບດ້ານ AR ທີ່ສົມຈິງຫຼາຍຂື້ນ ຄື ສາມາດລະບຸພື້ນຜິວໃນແນວນອນຢ່າງໂຕະ ແລະ ຕັ່ງໄດ້ແລ້ວ ພ້ອມທັງສາມາດລະບຸ ແລະ ວາງວັດຖຸສະເໝືອນເທິງພື້ນຜິວແນວຕັ້ງເຊັ່ນ ກໍາແພງ ແລະປະຕູໄດ້, ສາມາດສ້າງປະສົບການໂຕ້ຕອບຜ່ານພາບສອງມິຕິ ເຊັ່ນ ປ້າຍ, ໂປສເຕີ ໃຫ້ເກີດປະສົບການທາງດ້ານ AR ຢ່າງມີຊີວິດຊີວາ ລວມທັງການສະແດງຜົນ AR ຈະຮອງຮັບການເຮັດວຽກຜ່ານກ້ອງທີ່ໃຫ້ຄວາມລະອຽດສູງຂື້ນ 50% ແລະ ຮອງຮັບລະບົບອໍໂຕໂຟກັສໄດ້ແລ້ວ.
  • ຄຸນສົມບັດ Animoji ໃນ iPhone X ຈະເພີ່ມແບບໃໝ່ເຂົ້າມາໃຫ້ເລືອກອີກ 4 ແບບ ຄື ສີງ, ໝີ, ມັງກອນ, ແລະ ຫົວກະໂຫຼກ ລວມທັງໝົດສາມມາດໃຊ້ງານໄດ້ 16 ແບບ.

  • Business Chat ທີ່ຈະສາມາກຊ່ວຍໃຫ້ລູກຄ້າທຳການຄົ້ນຫາຮ້ານຄ້າຕ່າງໆ ພ້ອມກັບສົນທະນາໂຕ້ຕອບໂດຍກົງຜ່ານ iMessage ໄດ້ສະດວກຍິ່ງຂື້ນ ໂດຍລູກຄ້າບໍ່ຈຳເປັນຕ້ອງເປີດເຜີຍຂໍ້ມູນໃນການຕິດຕໍ່ກັບທາງຮ້ານຄ້າ ຫຼື ຖຸລະກິດແຕ່ຢ່າງໃດ.
  • ໃນ iOS 11.3 ຈະເພີ່ມຄຸນສົມບັດສະແດງປະສິດທິພາບຂອງແບັດເຕີຣີ ແລະ ແນະນຳວ່່າຈຳເປັນຕ້ອງປ່ຽນແບັດ ຫຼື ບໍ? ລວມທັງລະບົບທີ່ສັ່ງໃຫ້ໂຕເຄື່ອງເຮັດວຽກຊ້າລົງຕາມສະພາບຂອງແບັດເຕີຣີທີ່ຖືກວິຈານນັ້ນ ຜູ້ໃຊ້ສາມາດສັ່ງເປີດ-ປິດໄດ້ແລ້ວ ໂດຍຈະໃຊ້ໄດ້ກັບ iPhone 6 ຂື້ນໄປ.

  • ຄຸນສົມບັດ Health Records ຈະເປັນການລວບລວມ ແລະ ຈັດລະບຽບຂໍ້ມູນທາງສຸຂະພາບທີ່ເຮັດໃຫ້ທາງໂຮງໝໍ ຫຼື ຄຼີນິກສາມາດເຂົ້າເບິ່ງລາຍງານດ້ານສຸຂະພາບ ແລະ ບັນທຶກທາງການແພດທີ່ບັນທຶກໄວເທິງແອັບ Health ແລະ ສາມາດບັນທຶກຂໍ້ມູນເພີ່ມເຕີມລງໄປໄດ້ ບໍ່ວ່າຈະເປັນການແຈ້ງເຕືອນຜົນການກວດ, ການໃຊ້ຢາ ຫຼື ອາການທາງສຸຂະພາບຕ່າງໆ.
  • Apple Music ຈະສາມາດສະຕຣີມເພງທີ່ຜູ້ໃຊ້ຢາກເບິ່ງໂດຍບໍ່ມີໂຄສະນາຄັ່ນ ລວມທັງຍັງສາມາດເບິ່ງວີດີໂອຮິດໃໝ່ລ່າສຸດ, ວີດີໂອຄຼາສິກ ແລະ ສີລະປີນທີ່ມັກໄດ້ແບບຕໍ່ເນື່ອງ.
  • ຮອງຮັບ Advanced Mobile Location (AML) ທີ່ຈະສົ່ງຕຳແໜ່ງປັດຈຸບັນຂອງຜູ້ໃຊ້ໂດຍອັດຕະໂນມັດໃນຂະຈະໂທລະສັບຕິດຕໍ່ບໍລິການສຸກເສີນໃນຫຼາຍປະເທດທີ່ຮອງຮັບ AML.

————————

ອ້າງອີງ Apple / Engadget / beartai

ຄວາມຄິດເຫັນ

ຄວາມຄິດເຫັນ

LEAVE A REPLY

Please enter your comment!
Please enter your name here