ກ່ອນໜ້ານີ້ທີ່ຍັງບໍ່ແນ່ໃຈກ່ຽວກັບລຸ່ນຂອງ Nokia ລຸ່ນໃໝ່ນັ້ນຄື 8 ຫຼື 9 ກັນແທ້ ເທື່ອນີ້ຂ່າວມາຈາກຮ້ານຄ້າຂາຍຍ່ອຍບໍ່ຮູ້ຊື່ໃນ Scandinavia ວ່າຈະໃຊ້ຊື່ວ່າ Nokia 8 ພ້ອມແຈ້ງມື້ເປີດໂຕຄື ວັນທີ່ 31 ກໍລະກົດນີ້ ໃນລາຄາປະມານ 5,600,000 ກີບ

Nokia 8 ໂຕນີ້ນັ້ນຈົດໃບ FCC ໃນຊື່ TA-1004 ຂໍ້ມູນຜົນຈາກ AnTuTu ຫຼັງຈາກທີ່ເຄີຍເຫັນໃນ GeekBench ເອງກໍ່ມີທັງລຸ່ນ 4GB ແລະ 8GB ແຕ່ວ່າທາງຮ້ານຄ້າຂາຍຍ່ອຍບໍ່ຮູ້ຊື່ໃນ Scandinavia ກັບກ່າວໄວ້ວ່າ Nokia 8 ຈະມີແຕ່ລຸ່ນແຣມ 4GB ເທົ່ານັ້ນ ແລະ ຈະມີຄວາມຈຸຢູ່ທີ່ 64GB ສ່ວນສີນັ້ນຈະມີສີຢູ່ 4 ສີນຳກັນຄື Blue, Steel, Gold/Blue ແລະ Gold/Copper ແຕ່ຄິດວ່າອາດຈະໄດ້ເຫັນຊື່ຂອງສີເຫຼົ່ານີ້ອີກເທື່ອໃນຊ່ວງເປີດໂຕ

ສ່ວນສະເປັກຂອງ Nokia 8 ກໍ່ຈະເປັນຊິບ Snapdragon 835 ໜ້າຈໍຂະໜາດ 5.3 ນິ້ວ ຄວາມລະອຽດລະດັບ QHD ແລະ ກ້ອງຫຼັງຄວາມລະອຽດ 13 ລ້ານພິກເຊວ ເຊິ່ງສະເປັກຫຼາຍໆຢ່າງທີ່ກ່າວມານີ້ກໍ່ໄປຄ້າຍຄືກັບຂອງ Nokia 9 ທີ່ເຄີຍມີຂ່າງລືອອກມາ ແຕ່ຢ່າງໃດກໍ່ຕາມ ເຫຼືອເວລາພຽງ 2 ອາທິດເທົ່ານັ້ນທີ່ເຮົາຈະໄດ້ເຫັນເຮືອທຸງຂອງຄ່າຍນີ້ແທ້ ຕ້ອງຕິດຕາມເບິ່ງກັນ

ທີ່ມາ Gsmarena / beartai

ຄວາມຄິດເຫັນ

ຄວາມຄິດເຫັນ

LEAVE A REPLY

Please enter your comment!
Please enter your name here