ຢ່າງທີ່ຮູ້ກັນວ່າມີລາຍງານຄ່ອນຂ້າງຫຼາຍກ່ຽວກັບ Touch ID ທີ່ Apple ເລັງຈະຝັງໃນໜ້າຈໍຂອງ iPhone 8 ແຕ່ກໍ່ປະສົບບັນຫາແກ້ບໍ່ຕົກຈັກເທື່ອ ແມ້ແຕ່ເທັກໂນໂລຢີຂອງ Qualcomm ທີ່ເປີດໂຕອອກມາແລ້ວ ແຕ່ກໍ່ຍັງບໍ່ພ້ອມໃຊ້ງານໂດຍສົມບູນ. ແຕ່ນອກຈາກ Touch ID ແລ້ວ ກໍ່ຍັງມີບັນຫາອື່ນໆທີ່ຄາດວ່າ Apple ຈະຍັງແກ້ໄຂບໍ່ໄດ້ ແລະ ຄືຊິມາບໍ່ທັນ iPhone 8

ການສາກແບບບໍ່ມີສາຍ

ຄຸນສົມບັດການສາກແບບບໍ່ມີສາຍແບບ Qi Wireless ນັ້ນ ຈາກເດີມທີ່ຄາດວ່າຈະມາພ້ອມກັບ iPhone 8, ແຕ່ລາຍງານຈາກ Fase Company ເຜີຍວ່າ ຊິ້ນສ່ວນສຳລັບໃຊ້ງານສາກບໍ່ມີສາຍເຊິ່ງໄດ້ຈາກ Broadcom ນັ້ນບໍ່ມີບັນຫາຫຍັງ ແຕ່ເປັນທີ່ຊອຟແວຣ໌ນັ້ນຍັງບໍ່ສົມບູນ

ເຊັນເຊິການຈື່ໃບໜ້າ 3 ມິຕິ

ບັນຫາຂອງລະບົບຈື່ໃບໜ້າ 3 ມິຕິຕອນນີ້ຄືການເຮັດວຽກທີ່ເປັນຕາເຊື່ອຖື ເຊັ່ນດຽວກັບການສາກແບບບໍ່ມີສາຍ ຄືສ່ວນຂອງຮາດແວຣ໌ນັ້ນບໍ່ໄດ້ມີບັນຫາຫຍັງ ແຕ່ຕົວຊັອຟແວຣ໌ນັ້ນຍັງບໍ່ພ້ອມ ເຖິງຢ່າງນັ້ນແຫຼ່ງທີ່ມາຄາດວ່າ Apple ອາດຈະເຮັດໄດ້ທັນຢູ່

Touch ID ຝັງໃນຈໍ

ຕົວອ່ານລາຍນິ້ວມືເຊີ່ງກ່ອນໜ້ານີ້ມີຂ່າວໜາຫູວ່າອາດຈະມາໃນ iPhone 8 ແຕ່ເບິ່ງຄືໂອກາດແຫ້ວຈະມີສູງຂື້ນເລື່ອຍໆ. ລ່າສຸດແຫຼ່ງທີ່ມາລະບຸວ່າ Apple ໄດ້ພະຍາຍາມແລ້ວ ແຕ່ບໍ່ສຳເລັດ ຈົນອາດຮອດຂັ້ນຕ້ອງນຳ Touch ID ອອກຈາກເຄື່ອງ iPhone 8 ເລີຍ

ແຫຼ່ງທີ່ມາລະບຸວ່າ ຊັອຟແວຣ໌ອາດຈະເປັນສິ່ງສຳຄັນທີ່ເຮັດໃຫ້ Apple ຍັງແກ້ວັນຫາຂ້າງຕົ້ນບໍ່ສຳເລັດຈັກເທື່ອ ແລະ ອາດຈະເຮັດໃຫ້ iPhone 8 ພາດຟີເຈິເດັດໆເຫຼົ່ານີ້ທັງໝົດເລີຍກໍ່ເປັນໄດ້

ອ້າງອີງ iclarified / beartai

ຄວາມຄິດເຫັນ

ຄວາມຄິດເຫັນ

LEAVE A REPLY

Please enter your comment!
Please enter your name here