ນັກວິເຄ່າະຈາກ KeyBanc Capital Markets ໄດ້ວິເຄາະວ່າ Apple ອາດສັ່ງຜະລິດວົງຈອນ Touch ID ສຳລັບຕິດຕັ້ງໃນໜ້າຈໍ iPhone 8 ບໍ່ທັນ

ກ່ອນໜ້ານີ້ມີລາຍງານວ່າ Apple  ມີບັນຫາໃນການຜະລິດເຊັນເຊີສະແກນລາຍນິ້ວມືພາຍໃນໜ້າຈໍ iPhone 8, ເຊີ່ງທາງບໍລິສັດຕ້ອງໃຊ້ເວລາ 12 ອາທິດເພື່ອສັ່ງຜະລິດໂຕວົງຈອນ Touch ID ແລະ ຜະລິດ iPhone ນັ້ນໝາຍຄວາມວ່າ Apple ຈະຕ້ອງແກ້ໄຂບັນຫາດັ່ງກ່າວໃຫ້ທັນເດືອນສິງຫາ ເພື່ອທີ່ຈະສັ່ງຜະລິດ ແລະ ຈຳໜ່າຍ iPhone 8 ໃຫ້ທັນໃນເດືອນພະຈິກ

ນອກຈາກນີ້ Apple ອາດແກ້ໄຂບັນຫາດ້ວຍການຕິດຕັ້ງ Touch ID ໄວ້ທີ່ດ້ານຫຼັງ iPhone 8 ຫຼື ອາດຈະຕັດ Touch ID ຖື້ມ ແລະ ໃຊ້ສະແກນໃບໜ້າເພື່ອປົດລັອກໂຕເຄື່ອງແທນ ເຊີ່ງນັກວິເຄາະໄດ້ກ່າວວ່າການສະແກນມ່ານຕາຍັງເຮັດວຽກໄດ້ບໍ່ດີຫຼາຍກັບ Apple Pay

ຈາກບັນຫາທີ່ກ່າວຂັ້ນຕົ້ນອາດເຮັດໃຫ້ Apple ຕ້ອງເລື່ອນການຈຳໜ່າຍ iPhone 8 ອອກໄປຈົນຮອດກາງເດືອນ ພະຈິກ ຫຼື ຊ້າກວ່ານັ້ນ ແຕ່ຈະບໍ່ສົ່ງຜົນຕໍ່ຜົນປະກອບການປະຈຳປີ 2018  ທີ່ຈະເລີ່ມຕັ້ງແຕ່ເດືອນ ຕຸລາ ແຕ່ຢ່າງໃດ

ສຳລັບລາຄາຂອງ iPhone 8 ນັ້ນ ຄາດວ່າລຸ່ນຄວາມຈຸ 64 GB ຈະເລີ່ມທີ່ 1,199 – 1,249 ຫຼຽນ (ປະມານ 9,900,000 – 10,300,000 ກີບ) ແລະ ລຸ່ນ 256 GB ອາດມີລາຄາສູງຮອດ 1,299 – 1,399 ຫຼຽນ (ປະມານ 10,700,000 – 11,550,000 ກີບ)

ຂໍ້ມູນອ້າງອີງ : phonearena / beartai

ຄວາມຄິດເຫັນ

ຄວາມຄິດເຫັນ

LEAVE A REPLY

Please enter your comment!
Please enter your name here