ໃນອາທິດນີ້ Vivo ໄດ້ທຳການເປີດໂຕ Vivo X9s ແລະ X9s Plus ເຊິ່ງເປັນໂຕອັບເກຣດຈາກ X9 ທີ່ມາພ້ອມກັບແບັດເຕີຣີທີ່ຫຼາຍຂື້ນ ຕົວເຄື່ອງກວ້າງຂື້ນ ແລະ ໃຊ້ Android Nougat ແຖມຍັງມີກ້ອງຄູ່ໜ້າອີກນຳ ທັງໝົດນີ້ລາຄາຢູ່ທີ່ 2,998 ຫຍວນ ຫຼື ປະມານ $440 (ປະມານ 3,650,000 ກີບ) ເທົ່ານັ້ນສຳລັບລຸ່ນ X9s Plus ທີ່ມີສະເປັກຕາມນີ້

  • ແບັດເຕີຣີ 4,015mAh
  • ໃຊ້ Android Nougat
  • ໜ້າຈໍ 5.85 ຄວາມລະອຽດ Full HD ແບບ AMOLED
  • ກ້ອງຫຼັງຄວາມລະອຽດ 16 ລ້ານພິກເຊວ ກ້ອງໜ້າຄວາມລະອຽດ 20 ແລະ 5 ລ້ານພິກເຊວ
  • ສະແກນລາຍນິ້ວມືບໍລິເວນໃຕ້ໜ້າຈໍ
  • ແຣມ 4GB ແລະ ຄວາມຈຸ 64GB

ສ່ວນໃນລຸ່ນ X9s ນັ້ນສະເປັກຈະຄ້າຍໆກັນ ແຕກຕ່າງກັນທີ່ໜ້າຈໍນ້ອຍກວ່າ ແລະ ແບັດເຕີຣີ່ທີ່ໃຫ້ມານ້ອຍກວ່າ ສ່ວນໃນເລື່ອງຂອງກ້ອງໜ້າຄູ່ນັ້ນຈະສາມາດຖ່າຍຮູບແບບໜ້າຊັດຫຼັງເບຼີໄດ້ ແລະ ຍັງມີເອຟເຟັກ Bokeh ອີກນຳ

ນອກຈາກ Vivo ແລ້ວກໍ່ຍັງມີອີກຫຼາຍຄ່າຍຢ່າງ LG, Oppo ຫຼື Alcatel  ທີ່ກຳລັງທົດສອບກ້ອງໜ້າຄູ່ຢູ່ ແຕ່ຈະເນັ້ນໄປທີ່ມກ້ອງແບບກວ້າງຫຼາຍກວ່າ. ຢ່າງໃດກໍ່ຕາມ ແບຣນ Vivo ນັ້ນອາດຍັງຈະຍັງບໍ່ຄ່ອຍມີຄົນຮູ້ຈັກຫຼາຍ ແຕ່ວ່າທາງ Vivo ເອງກໍ່ກຳລັງຈະປ່ຽນແປງໂດນຍການພະຍາຍາມທີ່ຈະເປັນສະປອນເຊິສຳລັບການແຂ່ງເຕະບານ World Cup  ເປັນຈຳນວນຮອດ 2 ເທື່ອໃນອານາຄົດເລີຍ

 

ອ້າງອີງ theverge / beartai

ຄວາມຄິດເຫັນ

ຄວາມຄິດເຫັນ

LEAVE A REPLY

Please enter your comment!
Please enter your name here