ແລະ ແລ້ວທາງ HP ກໍ່ປ່ອຍ Gaming Notebook ທີ່ເປັນ Core i Gen 8 ອອກມາ ຫຼັງຈາກທີ່ຄ່າຍອື່ນໆໄດ້ມີການເປີດຕົວກັນກ່ອນແລ້ວກ່ອນໜ້ານີ້ໄປຫຼາຍໆລຸ່ນແລ້ວ, ແຕ່ມາຊ້າຍັງດີກວ່າບໍ່ມາ ແລະ ກໍ່ບໍ່ນ້ອຍໜ້າແນ່ນອນ.

ໂດຍ HP OMEN 15 ລຸ່ນໃໝ່ນີ້ຈະມີດີໄຊໂດຍລວມບໍ່ແຕກຕ່າງໄປໄກຈາກລຸ່ນເດີມຫຼາຍເທົ່າໃດ ໂດຍແນວທາງການອອກແບບກໍ່ຍັງຄ້າຍຄືເກົ່າ ຖ້າຈະທຽບກັບລຸ່ນເດີມກໍ່ຄືລຸ່ນໃໝ່ນີ້ການອອກແບບຈະເບິ່ງມີມິຕິກວ່າ ໂດຍຕົວເຄື່ອງຈະມີຂະໜາດກະຊັບກວ່າທີ່ 360.68 x 264.16 x 24.89 ດ້ວຍນ້ຳໜັກພຽງ 2.44 ກລ. ເຊິ່ງຂອບໜ້າຈໍໄດ້ຖືກເຮັດໃຫ້ຂອບບາງລົງໄປອີກຕາມທີ່ເຕັກໂນໂລຢີປັດຈຸບັນນີ້ເຮັດໄດ້ ລວມໄປເຖິງບານພັບທີ່ໄດ້ຖືກປ່ຽນເປັນແບບແກນຄູ່ ແທນແກນດຽວຂະໜາດໃຫຍ່ ເຊິ່ງຈະເບິ່ງຄືວ່າງາມກວ່າ.

ປຽບທຽບລະຫວ່າງລຸ່ນເກົ່າ ແລະ ລຸ່ນໃໝ່

ໃນສ່ວນຂອງຄີບອດໄດ້ມີການໃຊ້ໄຟແບບ RGB ແລ້ວ ເຮັດໃຫ້ເຮົາສາມາດປັບສີໄຟໄດ້ແບບອິດສະຫຼະ ໂດຍແບ່ງເປັນ 4 ໂຊນນຳກັນ. ອີກທັງໜ້າຈໍຍັງໄດ້ຮັບການອັບເກຣດໃໝ່ ໂດຍເພີ່ມຕົວເລືອກເຂົ້າມາເປັນ 3 ແບບ ຄື ແບບທີ່ 1 ຄວາມລະອຽດ 1920 x 1080 60Hz ພ້ອມ G-Sync ຈາກ Nvidia, ແບບທີ່ 2 ເປັນແບບ 1920 x 1080 144Hz ແລະ ແບບທີ່ 3 ເປັນ 4K 60Hz ຕາມແຕ່ລະລັກສະນະການໃຊ້ງານ ແລະ ປິດທ້າຍດ້ວຍລະບົບລະບາຍຄວາມຮ້ອນທີ່ໄດ້ຮັບການປັບປຸງໃຫ້ດີຍິ່ງຂື້ນກວ່າເກົ່າ ດ້ວຍເຕັກໂນໂລຢີ phase motor ຊ່ວຍນຳພາຄວາມຮ້ອນອອກໄປໄດ້ດີກວ່າເດີມ.

ສຳລັບສະເປັກກໍ່ຈະມາເປັນມາດຕະຖານດ້ວຍຊິບປະມວນຜົນ Intel Core i Gen 8 ແບບ i5-8300H ປລະ i7-8750H ສ່ວນກາດຈໍນັ້ນກໍ່ຈະມີຕັ້ງແຕ່ GTX 1050Ti, GTX 1060 ຈົນຮອດ GTX 1070 Max-Q ແຕ່ຈະບໍ່ມີ GTX 1050 ເປັນຕົວເລືອກ. ສາມາດຮອງຮັບແຣມໄດ້ສູງສຸດທີ່ 32GB DDR4, ຮາດດິສຮອງຮັບທັງແບບປົກກະຕິ ແລະ SSD ເຊິ່ງຈະມາພ້ອມກັບ Windows 10 ແທ້ພ້ອມໃຊ້ງານໄດ້ທັນທີ. ລາຄາເລີ່ມຕົ້ນຢູ່ທີ່ $979 ໃນລຸ່ນ GTX 1050Ti / Core i5 / ແຣມ 8GB.


ທີ່ມາ / ອ້າງອີງ

ຄວາມຄິດເຫັນ

ຄວາມຄິດເຫັນ

LEAVE A REPLY

Please enter your comment!
Please enter your name here