Microsoft ເດີນໜ້າສະມາດໂຟນ Windows 10 ຊິບ ARM ໃນການໃຊ້ໂປຣແກຣມຂອງ PC Desktop ໄດ້

0
188

ຈາກທີ່ກ່ອນໜ້ານີ້ມີລາຍງານຂ່າວ(ເກິ່ງລື) ອອກມາວ່າທາງ Microsoft ກຳລັງເລັ່ງພັດທະນາໃຫ້ລະບົບປະຕິບັດການ Windows 10 Mobile ທີ່ຕ້ອງໃຊ້ງານເທິງລະບົບຊິບເຊັດ ARM ໃຫ້ສາມາດໃຊ້ງານໂປຣແກຣມເທິງ PC Desktop ໄດ້ນັ້ນ ລ່າສຸດເບິ່ງຄືວ່າຂ່າວລືດັ່ງກ່າວນັ້ນຈະເປັນຄວາມຈີງແລ້ວ

ເມື່ອບໍ່ດົນມານີ້ທາງ Microsoft ໄດ້ອອກມາສາທິດເລື່ອງການໃຊ້ງານດັ່ງກ່າວໂດຍໃຊ້ສະມາດໂຟນທີ່ມາພ້ອມກັບຊິບເຊັດ ARM(Qualcomm Snapdragon 820) ຣັນດ້ວຍລະບົບປະຕິບັດການ Windows 10 Mobile ຕໍ່ກັບໜ້າຈໍຄອມພິວເຕີ ແລະ ເມົ້າສ໌ ດ້ວຍຟີເຈີ Continuum ແລ້ວຣັນໂປຣແກຣມ PC Desktop ໃຫ້ຊົມຫຼາຍອັນເລີຍ

ໂປຣແກຣມທີ່ຣັນສາທິດໃຫ້ສື່ເບິ່ງນັ້ນຕົວຢ່າງເຊັ່ນ ການຫຼີ້ນໄຟລ໌ວີດີໂອຄວາມລະອຽດລະດັບ HD, Photoshop ແລະ Microsoft Office ເຊີ່ງແທ້ຈິງແລ້ວນັັ້ນຫຼາຍໆ ຄົນອາດຈະບອກວ່າໃນ Windows Store ຂອງ Windows 10 Mobile ນັ້ນກໍ່ມີຄືກັນແຕ່ ແຕ່ວ່າໂປຣແກຣມຕ່າງໆ ທີ່ Microsoft ຣັນສາທິດນັ້ນເປັນໂປຣແກຣມແບບດຽວກັບທີ່ເຮົາ Set up ແລ້ວລົງໃນ PC Desktop ກັນ

ການທີ່ Microsoft ລົງທຶນຮອດຂັ້ນທີ່ສ້າງລະບົບປະຕິບັດການ Windows 10 Mobile ໃຫ້ສາມາດຣັນໂປຣແກຣມຂອງ Windows PC Desktop ທີ່ໃຊ້ສະຖາປັດຕະຍາກຳ x86 ໃຫ້ສາມາດທີ່ຈະຣັນໄດ້ແບບຂ້າມແພຼັດຟອມໄປຍັງ ARM ໄດ້ນັ້ນຖືວ່າເປັນການເດີນເກມຣຸກທີ່ຄ່ອນຂ້າງຈະໜັກເລີຍສຳລັບຕະຫຼາດສະມາດໂຟນ ເຊີ່ງແນ່ນອນວ່າເມື່ອບວກເຂົ້າກັບຟີເຈີ Continuum ແລ້ວນັ້ນ ອາດຈະເປັນການກະຕຸ້ນຄວາມຢາກໄດ້ສະມາດໂຟນລະບົບປະຕິບັດການ Windows 10 Mobile ໄດ້ຫຼາຍຂື້ນ

 

ຈຸດທີ່ນ່າສົນໃຈຫຼາຍໄປກວ່ານັ້ນກໍ່ຄືເລື່ອງຂອງການສ້າງ Emulator ສຳລັບຈຳລອງລະບົບທີ່ຄ້າຍຄືຂອງ Windows PC Desktop ໃຫ້ກັບ Windows 10 Mobile ທີ່ເຖິງແມ່ນວ່າທາງ Microsoft ຈະເຄີຍອອກມາເວົ້າວ່າຮາກຖານຂອງການພັດທະນາຂອງທັງ 2 ລະບົບນັ້ນຄືກັນ ແຕ່ເພາະສະຖາປັດຕະຍາກຳທີ່ແຕກຕ່າງກັນຂອງທັງ 2 ລະບົບນັ້ນເຮັດໃຫ້ Kernel ຂອງທັງ 2 ລະບົບຕ່າງກັນ ແລະ ການເຮັດໃຫ້ໂປຣແກຣມຈາກລະບົບໜຶ່ງໄປຣັນໄດ້ຢ່າງດີເທິງອີກລະບົບໜຶ່ນັ້ນທ້າທາຍເນື່ອງຈາກຫາກທາງ Microsoft ເຮັດອອກມາໄດ້ບໍ່ດີຢ່າງທີ່ຄວນຈະເປັນ, ຟີເຈີດັ່ງກ່າວນີ້ຈະຕາຍໄປພ້ອມໆ ກັບ Windows 10 Mobile ເລີຍ

ອີກໜຶ່ງຢ່າງທີ່ທາງ Microsoft ຕ້ອງສູ້ນັ້ນຄືເລື່ອງຂອງເວລາທີ່ທາງ Microsoft ຈະຕ້ອງເລັ່ງເຮັດຟີເຈີດັ່ງກ່າວອອກມາໃຫ້ໄວທີ່ສຸດ ເພາະຖ້າຮາກເຮົາເວົ້າຮອດຄູ່ແຂ່ງແລ້ວນັ້ນແອັບພຼິເຄຊັ່ນເທິງ iOS ໂດຍສະເພາະຍິ່ງກັບທີ່ໃຊ້ເທິງ iPad Pro ນັ້ນມຮຫຼາຍຂື້ນເລື່ອຍໆ ເຊັ່ນດຽວກັນກັບແອັບເທິງ Play Store ທີ່ຍັງຄົງມີອອກມາເລື່ອຍໆ ຢ່າງຕໍ່ເນື່ອງ ແຕ່ວ່າແອັບເທິງລະບົບປະຕິການເຄື່ອນທີ່ທັງສອງນັ້ນຍັງມີປະສິດທິພາບບໍ່ຫຼາຍພໍທີ່ຈະຕອບໂຈດຂອງມືອາຊີບໄດ້ຄືກັນໂປຣແກຣມທີ່ຢູ່ເທິງ Windows PC Desktop

 

ອີກສາເຫດໜຶ່ງທີ່ທາງ Microsoft ເອງນັ້ນຕ້ອງເດີນເກມນີ້ອາດຈະເກີດຈາກການທີ່ມີຂ່າວລືຄ່ອນຂ້າງຈະໜາຫູວ່າທາງ Google ນັ້ນກຽມລວມຮ່າງຂອງລະບົບປະຕິບັດການຝັ່ງ Desktop ຂອງຕົວເອງຢ່າງ Chrome OS ເຂົ້າກັນກັບລະບົບປະຕິບັດການ Android ເຊີ່ງແນ່ນອນວ່າຖ້າຮາກທາງ Google ລວທັງ 2 ລະບົບປະຕິບັດການນີ້ເຂົ້ານຳກັນສຳເລັດແລ້ວຕັ່ງຕຳແໜ່ງອັນດັບໜຶ່ງຂອງລະບົບປະຕິບັດການຝັ່ງ Desktop ທີ່ທາງ Microsoft ກຳລັງນັ່ງຢູ່ນີ້ອາດຈະມີການສັ່ນສະເທືອນຂື້ນມາໄດ້

Microsoft ເອງນັ້ນມີຄວາມແຂນແກ່ນທາງດ້ານ PC Desktop ຢູ່ແລ້ວ ແລະ ຕະຫຼອດໄລຍະເວລາ 10 ປີທີ່ຜ່ານມານັ້ນທາງ Microsoft ເອງກໍ່ໄດ້ສະແດງຄວາມສົນໃຈທີ່ຈະເຂົ້າສູ່ຕະຫຼາດອຸປະກອນເຄື່ອນທີ່ເປັນຢ່າງຫຼາຍ ທີ່ເຫັນໄດ້ຊັດເຈນແບບສຸດໆ ກໍ່ຄົງໜີບໍ່ພົ້ນການເຂົ້າຊື່ Nokia ແລ້ວເຂົ້າມາສູ່ຕະຫຼາດສະມາດໂຟນຢ່າງເຕັມໂຕ(ເຖິງຈະບໍ່ສາມາດເຈາະຕະຫຼາດໄດ້ສຳເລັດກໍ່ຕາມ) ໃນການຕໍ່ສູ້ເທື່ອນັ້ນທາງ Microsoft ເອງກໍ່ສູ້ແບບເຕັມໂຕດ້ວຍການນຳຈຸດເດັ່ນ ແລະ ຂໍ້ໄດ້ປຽບຂອງຕົນມາສູ້, ຄົງຕ້ອງຖ້າເບິ່ງຕໍ່ໄປວ່າທາງ Microsoft ຈະເຮັດໄດ້ດີສ່ຳໃດ

ໝາຍເຫດ – ຖ້າຈະເວົ້າໄປແບບກົງໆແລ້ວ ຟີເຈີດັ່ງກ່າວນີ້ບໍ່ນ່າຈະກະຕຸ້ນຍອດຈຳໜ່າຍຂອງສະມາດໂຟນ Windows 10 Mobile ໄດ້ຫຼາຍເທົ່າໃດ ເພາະຜູ້ທີ່ຈະໃຊ້ຟີເຈີນີ້ສ່ວນໃຫຍ່ຄົງໜີບໍ່ພົ້ນຜູ້ໃຊ້ລະດັບມືອາຊີບ ຫຼື ບໍ່ກໍ່ອົງກອນທີ່ຕ້ອງການໃຊ້ງານແທ້ໆຫຼາຍກວ່າ ໃນສ່ວນຂອງຜູ້ໃຊ້ງານທົ່ວໄປນັ້ນຟີເຈີດັ່ງກ່າວອາດຈະບໍ່ຄ່ອຍສົ່ງຜົນໃຫ້ເກີດຄວາມຢາກໄດ້ຂື້ນຫຼາຍເທົ່າໃດ(ເວັ້ນແຕ່ວ່າຟີເຈີດັ່ງກ່າວນີ້ຈະເຮັດໃຫ້ສາມາດຫຼີ້ນເກມຂອງ PC Desktop ໄດ້ກໍ່ບໍ່ແນ່)

ທີ່ມາ theverge / notebookspec

ຄວາມຄິດເຫັນ

ຄວາມຄິດເຫັນ

LEAVE A REPLY

Please enter your comment!
Please enter your name here