ຂ່າວລືຫາກໍ່ອອກມາເມື່ອສອງສາມມື້ຜ່ານມາເທົ່ານັ້ນ ກັບຂ່າວຂອງ MacBook Pro ລຸ່ນ 16 ນິ້ວ ທີ່ຈະມາແທນລຸ່ນ 15 ນິ້ວ ຫຼ້າສຸດນີ້ທາງແອັບເປີ້ນກໍ່ໄດ້ເປີດຕົວ MacBook Pro ລຸ່ນ 16 ນິ້ວ ອອກມາຢ່າງເປັນທາງການແລ້ວ.

ສະເປັກຂອງ MacBook Pro 16 ຈະມີ:

  • ໜ້າຈໍ 16″ IPS Retina Display True Tone ຄວາມລະອຽດ 3072×1920 (226 ppi) ຄວາມສະຫວ່າງ 500 nit
  • ຊີພີຢູ Intel Core 9th Gen ມີຕັ້ງແຕ່ Core i7 (6 Core) ໄປຈົນຮອດ Core i9 (8 Core)
  • ໜ່ວຍຄວາມຈຳເລີ່ມຕົ້ນທີ່ 512GB ແລະ ໃສ່ໄດ້ສູງສຸດ 8TB
  • ແຣມເລີ່ມຕົ້ນ 16GB ແລະ ໄດ້ສູງສຸດທີ່ 64GB
  • GPU ເລີ່ມຕົ້ນທີ່ AMD Radeon Pro 5300M (ແຣມ 4GB), ແລະ ສູງສຸດທີ່ Radeon Pro 5500M (ແຣມ 8GB)
  • ມີຊ່ອງ Thunderbolt 3 ຈຳນວນ 4 ຊ່ອງ + ຊ່ອງສຽບຫູຟັງ
  • ແບັດເຕີຣີ່ຂະໜາດ 100 ວັດ ຢູ່ໄດ້ດົນ 11 ຊົ່ວໂມງ
  • ນ້ຳໜັກລວມ 2.0 ກກ.

ແອັບເປີ້ນໂຄສະນາວ່າ MacBook Pro 16 ເປັນ the world’s best pro notebook ໂດຍຊູຈຸດເດັ່ນເລື່ອງໜ້າຈໍ Retina Display, ປະສິດທິພາບທີ່ສູງຂື້ນຈາກລຸ່ນກ່ອນຈາກການອັບເກຣດທັງຊີພີຢູ-ຈີພີຢູ, ແຣມ ແລະ ໜ່ວຍຄວາມຈຳທີ່ໃສ່ໄດ້ຫຼາຍຂື້ນຮອດ 8TB ແລະ ລະບົບສຽງທີ່ໃຊ້ລຳໂພງ 6 ຕົວ.

ຂອງໃໝ່ອີກອັນໜຶ່ງທີ່ສຳຄັນຄືຄີບອດແບບໃໝ່ທີ່ເອີ້ນວ່າ Magic Keyboard ອອກມາແກ້ໄຂບັນຫາ scissor ຂອງຄີບອດຕົວເກົ່າມີໄລຍະກົດ (key travel) ທີ່ 1 ມມ ແລະ ໃຫ້ຄວາມຮູ້ສຶກສະຖຽນ, ຕົວຄີບອດຍັງມີ Touch Bar ຄືເກົ່າ ແຕ່ແຍກປຸ່ມ Esc ອອກມາເປັນປຸ່ມປົກກະຕິແທນ.

MacBook Pro 16 ມີໃຫ້ເລືອກ 2 ສະເປັກຄື Core i7 (ເລີ່ມຕົ້ນທີ່ 2,399 ໂດລາ ລາຄາໃນໄທ 75,900 ບາດ) ແລະ Core i9 (ເລີ່ມຕົ້ນທີ່ 2,799 ໂດລາ ລາຄາໃນໄທ 89,900 ບາດ) ມີໃຫ້ເລືອກສອງສີມາດຕະຖານຄື Space Grey ແລະ Silver.


ທີ່ມາ apple, blognone

ຄວາມຄິດເຫັນ

ຄວາມຄິດເຫັນ

LEAVE A REPLY

Please enter your comment!
Please enter your name here