ການປະມວນຜົນແບບ Quantum ກຳລັງຈະຖືກນຳມາປະຍຸກໃຊ້ໃນວົງກວ້າງຫຼາຍຂື້ນ ດ້ວຍການທີ່ມີຄວາມສາມາດໃນການແກ້ໄຂ້ບັນຫາບາງຢ່າງທີ່ຖືືວ່າຍາກທີ່ສຸດໃນໂລກໄດ້ ແຕ່ຄອມພິວເຕີ Quantum ຕ້ອງເຮັດວຽກຮ່ວມກັບຊີ້ນສ່ວນທີ່ນ້ອຍລະດັບນາໂນ ທີ່ອຸນຫະພູມທີ່ເຢັນຫຼາຍກວ່າພື້ນທີ່ລະຫວ່າງກາເລັກຊີ່ອີກ.

ເຊິ່ງໃນງານປະຊຸມສຳລັບນັກພັດທະນາປະຈຳປີຂອງໄມໂຄຣຊອບ ຫຼື ກໍ່ຄືງານ Build ນັ້ນ ທາງໄມໂຄຣຊອບໄດ້ປະກາດທີ່ຈະເປີດຕົວຄອມໄພເລີ (compiler) Q# ແລະ ຊີິມມູເລເຕີຄວອນຕັມ (Quantum simulator) ໃຫ້ເປັນແບບ Open Source ໃນຊື່ວ່າ Quantum Development Kit.

ຊື່ພາສາ Q# ເອງຖືເປັນພາສາໂປຣແກຣມມິ່ງສຳລັບການປະມວນຜົນແບບຄວອນຕັມໂດຍສະເພາະ ທີ່ພັດທະນາຂື້ນໂດຍໄມໂຄຣຊອບ ເປີດໂຕທຳອິດໃນງານ Ignite ເມື່ອເດືອນທັນວາ ປີ 2017 ຈາກວິໄສທັດທີ່ເບິ່ງການປະມວນຜົນແບບຄວອນຕັມວ່າມີອະນາຄົດທີ່ສົດໄສ.

ຈຸດປະສົງຂອງໄມໂຄຣຊອບໃນເຄື່ອນໄຫວເທື່ອນີ້ແມ່ນເພື່ອເລັ່ງຄວາມໄວໃນການພັດທະນາເຕັກໂນໂລຢີດັ່ງກ່າວ ເຊິ່ງພາຍໃນຊຸດພັດທະນາສຳລັບການປະມວນຜົນຄວອນຕັມນີ້ປະກອບດ້ວຍຕົວພາສາ Q#, compiler, simulator, library ແລະ ລວມທັງສ່ວນຂະຫຍາຍຂອງ Visual Studio.


ທີ່ມາ Technotification, enterpriseitpro

ຄວາມຄິດເຫັນ

ຄວາມຄິດເຫັນ

LEAVE A REPLY

Please enter your comment!
Please enter your name here