ເວົ້າໄດ້ວ່ານະວັດຕະກຳຂອງການຢືນຢັນຕົວຕົນເທິງອຸປະກອນໄອທີນັ້ນຈະສ້າງສັນ ແລະ ຊັບຊ້ອນໄປເລື່ອຍໆແລ້ວ ຕັ້ງແຕ່ການສະແກນນິ້ວມື, ສະແກນໃບໜ້າ ຫຼື ມ່ານຕາ. ຫຼ້າສຸດນີ້ມີການເປີດເຜີຍສິດທິບັດຂອງ Samsung ທີ່ເຜີຍໃຫ້ເຫັນຖິງຮູບແບບການຢືນຢັນຕົວຕົນແບບໃໝ່ທີ່ໜ້າຕົກໃຈຄືການກວດຈັບຮູບແບບການໄຫຼວຽນຂອງໂລຫິດຂອງຜູ້ໃຊ້.

ສິດທິບັດດັ່ງກ່າວນັ້ນທາງ Samsung ຍື່ນຈົດໄປຕັ້ງແຕ່ເດືອນກໍລະກົດປີ 2016 ກັບທາງສຳນັກງານສິດທິບັດ ແລະ ເຄື່ອງໝາຍການຄ້າສະຫະລັດອາເມລິກາ (USPTO) ໂດຍມີໃຈຄວາມສຳຄັນເຖິງຫຼັກການຢືນຢັນຕົວຕົນນັ້ນຈະໃຊ້ເຊັນເຊີວັດຈາກການໄຫຼວຽນຂອງໂລຫິດເທິງນິ້ວມື ຫຼື ຂໍ້ມືທັງເທິງສະມາດໂຟນ ແລະ ສະມາດວັອດ ເຊີ່ງແຕ່ລະຄົນນັ້ນຈະມີຮູບແບບການໄຫຼວຽນຂອງເລືອດທີ່ແຕກຕ່າງກັນ.

ໃນນີ້ ການພະຍາຍາມຄິດຄົ້ນຮູບແບບການຢືນຢັນຕົວຕົນທີ່ຊັດເຈນ ແລະ ຫຼາກຫຼາຍຂື້ນ ສ່ວນໜຶ່ງກໍ່ເພື່ອຮອງຮັບການໃຊ້ງານ Samsung Pay  ເທິງສະມາດວັອດນັ້ນເອງ ເຊີ່ງອານາຄົດຜູ້ໃຊ້ງານອາດມີພຽງໂມງອັນດຽວກໍ່ສາມາດຈັບຈ່າຍໃຊ້ສອຍໄດ້ສະບາຍແລ້ວ.


ອ້າງອີງ sammobile / beartai

ຄວາມຄິດເຫັນ

ຄວາມຄິດເຫັນ

LEAVE A REPLY

Please enter your comment!
Please enter your name here