ເອີ້ນວ່າກຳລັງຂາຍດີແບບຖະລົ່ມຖະລາຍສຳລັບ PS4 ແຕ່ກໍ່ມີຂ່າວຮ້າຍເພາະໃນຕອນນີ້ມັນໄດ້ຖືກເຈາະລະບົບໃຫ້ຫຼິ້ນເກມເຖື່ອນແບບບໍ່ເສຍເງີນຜ່ານຮ໊າດດິສໄດ້ແລ້ວ ໂດຍເປັນການຫຼິ້ນຜ່ານຊິບ MTX Key ເຊີ່ງມັນຈະຕ້ອງມີການດັດແປງເຄື່ອງໂດຍການຕິດຕັ້ງຊິບລົງໄປ ແລະ ເຮັດໃຫ້ເຮົາສາມາດຫຼິ້ນເກມຜ່ານຮ໊າດດິສພາຍນອກໄດ້

ໂດຍເກມທີ່ຫຼິ້ນຈະເປັນການແບ່ງປັນຈາກຄົນຫຼິ້ນອື່ນ ເຊີ່ງແປວ່າຕ້ອງມີຄົນຊື້ແທ້ຜ່ານລະບົບອອນລາຍມາກ່ອນແລ້ວຈະແບ່ງປັນໄດ້ແບບໍ່ຈຳກັດ ໂດຍລາຄາຂອງຊິບ MTX Key ຈະຢູ່ທີ່ 60 ຫຼຽນ ຫຼື ປະມານເກືອບໆ 5 ແສນກີບ ເຊີ່ງຍັງບໍ່ລວມຄ່າດັດແປງອີກເຮັດໃຫ້ອາດຈະບໍ່ຄຸ້ມ. ເຊີ່ງຫຼ້າສຸດທີມງານສ້າງ MTX Key ສະແດງວ່າມັນສາມາດເຮັດວຽກໄດ້ກັບເຟີມແວ 4.72 ແລ້ວ ແລະ ຍັງປະກາດວ່າຈະມີການຜະລິດມາຂາຍໃນເດືອນນີ້ (ກໍລະກົດ)

ຂໍ້ສັງເກດຈາກທີມງານແບໄຕ (beartai): ສຳລັບການຫຼິ້ນເຖື່ອນໃນປັດຈຸບັນີ້ຖືວ່າບໍ່ຄຸ້ມຄ່າແລ້ວ ເພາະມັນອາດເຮັດໃຫ້ເຮົາບໍ່ສາມາດຫຼິ້ນອອນລາຍກັບໝູ່ເພື່ອນໄດ້ ເພາະຈະຖືກ Sony ແບນ ID ແລະ ດັດແປງເຄື່ອງຍັງເຮັດໃຫ້ໝົດປະກັນ

ອີກຢ່າງລາຄາແຜ່ນແທ້ໃນປັດຈຸບັນນີ້ຖືວ່າບໍ່ໄດ້ແພງຫຼາຍແລ້ວ ແລະ ເມື່ອເຮົາຫຼິ້ນຈົບກໍ່ເອົາໄປຂາຍເປັນແຜ່ນມືສອງໄດ້ອີກ ແຖມຍັງມີບໍລິການແຈກເກມຟຣີໆຜ່ານລະບົບອອນລາຍຈາກ Sony ອີກ ເຮັດໃຫ້ການຫຼິ້ນເຖື່ອນແບບນີ້ເບິ່ງຄືຈະບໍ່ຄຸ້ມຄ່າອີກຕໍ່ໄປແລ້ວ ເພາະພຽງແຕ່ລາຄາຊິບບວກກັບຄ່າດັດແປງອາດສູງເກີນ 1,700,000 ກີບເລີຍ ແລະ ຕ້ອງຖ້າເກມແບ່ງປັນຈາກໝູ່ເພື່ອນເຊີ່ງອາດເສຍເງິນເພີ່ມອີກ

ເຊື່ອວ່າທາງ Sony ຄືຊິບໍ່ປ່ອຍໄວ້ແນ່ນອນ ຕ້ອງມີການອອກ FW ໂຕໃໝ່ອອກມາແກ້ໃນໄວໆນີ້ແນ່ນອນ ດັ່ງນັ້ນຊື້ແຜ່ນແທ້ຕ້ອງຄຸ້ມຄ່າກວ່າແນ່ນອນ

ອ້າງອີງ

ທີ່ມາ beartai

ຄວາມຄິດເຫັນ

ຄວາມຄິດເຫັນ

LEAVE A REPLY

Please enter your comment!
Please enter your name here