Satya Nadella (ຊາເທຍ ນາເດວລາ) ເປັນຜູ້ໃຫ້ວິໄສທັດຂອງງານ Microsoft Inspire ຂອງໄມໂຄຣຊອຟໃນມື້ທຳອິດ

Satya Nadella ອະທິບາຍໃຫ້ຟັງວ່າຕອນນີ້ພາລະກິດຂອງໄມໂຄຣຊອຟຄືການຊ່ວຍເຫຼືອຜູ້ຄົນຜ່ານເທັກໂນໂລຢີ ເຊີ່ງເທັກໂນໂລຢີທີ່ນຳມາຊູໂຮງຄື Intelligent Cloud ແລະ ຮູບແບບການໃຊ້ປັນຍາປະດິດທີ່ເຮັດວຽກເທິງຄຼາວ ເຊິ່ງຊ່ວຍສົ່ງເສີມທຸລະກິດ ແລະ ການໃຊ້ຊີວິດຕ່າງໆ ເຊັ່ນການໃຊ້ AI ສະກັດເມວໃຫ້ຫາເມວສຳຄັນອ່ານງ່າຍໆ ລວມເຖິງການເວົ້າແບບ real-time ທີ່ແປພາສາຕອນນັ້ນສົດໆໄດ້ 60 ພາສາ ຫຼື ຂະແໜງການກະເສດກໍ່ສາມາດຕິດຕາມສະພາວະການປູກພືດດ້ວຍການເຮັດວຽກເທິງເທັກໂນໂລຢີຂອງ Cloud ຫຼື ການໃຊ້ງານ hololens  ແວ່ນຕາ Mixed Reality ເພື່ອສົ່ງເສີມການສອນການເຝິກອົບຮົມຕ່າງໆ

ໃນສ່ວນການເຮັດວຽກຂອງຜູ້ໃຊ້ທົ່ວໄປ ຍົກຕົວຢ່າງ Powerpoint ກໍ່ສາມາດເລືອກທີມສີທີ່ສອດຄ້ອງກັບຮູບທີ່ໃສ່ລົງໄປໄດ້ເລີຍ ແຖມຍັງສາມາດເອົາ 3D object ໃສ່ເຂົ້າໄປໃຫ້ເຄື່ອນໄຫວໃນພຣີເຊັນໄດ້ ເຊິ່ງນີ້ເປັນພະລັງຂອງເທັກໂນໂລຢີຍຸກໃໝ່ທີ່ໄມໂຄຣຊອຟເຮັດໄດ້

Microsoft 365 ເມື່ອ Windows ແລະ Office ລວມຊຸດກັນ

ທີ່ຜ່ານມາເຮົາອາດຄຸ້ນເຄີຍກັບ Microsoft Office 365 ທີ່ຄ່າໃຊ້ງານໃນຮູບແບບສະມັກສະມາຊິກ ແລ້ວຈະໄດ້ຮັບການອັບເດດ ເບິ່ງແຍງຕະຫຼອດອາຍຸການໃຊ້ງານ. ລ່າສຸດໄມໂຄຣຊອຟກໍ່ເບິ່ງວ່າ Windows ກໍ່ນ່າຈະເຮັດເປັນບໍລິການນຳເຊັ່ນກັນ ຈຶ່ງມັດລວມ 2 ໂປຣແກຣມພື້ນຖານສຳລັບທຸລະກິດນີ້ມາແພັກຂາຍໃນຊື່ Microsoft 365

Microsoft 365 ແບ່ງອອກເປັນ 2 ແພັກເກັດຄື

  • Microsoft 365 Business ແພັກເກັດສຳລັບທຸລະກິດ SME ຮອງຮັບຜູ້ໃຊ້ສູງສຸດ 300 ຄົນ ໂດຍແພັກເກັດນີ້ຈະລວມ Windows 10 ພ້ອມຟີເຈີດ້ານການຮັກສາຄວາມປອດໄພຕ່າງໆ (Enterprise Mobility + Security) ແລະ Office 365 Business Premium ເຂົ້ານຳກັນ
  • Microsoft 365 Enterprise ແພັກເກັດສຳລັບອົງກອນທຸລະກິດ ໃນແພັກເກັດນີ້ຈະມີ Windows 10 Enterprise ພ້ອມຟີເຈີຮັກສາຄວາມປອດໄພ (Enterprise Mobility + Security) ແລະ Office 365 Enterprise ເຊິ່ງຈະມີໃຫ້ເລືອກອີກ 2 ຊຸດຍ່ອຍຄື Microsoft 365 E3 ແລະ Microsoft 365 E5 ທີ່ຈະມີຈຳນວນໂປຣແຕກຕ່າງກັນ

ສຳລັບ​ Microsoft 365 Enterprise ຈະເລີ່ມທົດລອງໃຫ້ບໍລິການວັນທີ່ 1 ສິງຫາ ນີ້. ສ່ວນ Microsoft 365 Business ຈະເລີ່ມທົດລອງໃຫ້ບໍລິການວັນທີ່ 2 ສິງຫາ ແລະ ຈະເລີ່ມໃຫ້ບໍລິການຢ່າງເປັນການໃນຊ່ວງລະດູໃບໄມ້ຫຼົ່ນຂອງປີນີ້ ໂດຍມີຄ່າບໍລິການເລີ່ມຕົ້ນ $20 ຕໍ່ຄົນຕໍ່ເດືອນ

ເຊີ່ງຄ່າບໍລິການ $20 ຕໍ່ຄົນຕໍ່ເດືອນນັ້ນຖືວ່າເພີ່ມຂື້ນບໍ່ຫຼາຍຈາກ Office 365 Business Premium ທີ່ຄິດຄ່າບໍລິການ $12.5 ຕໍ່ຄົນຕໍ່ເດືອນຢູ່ ຄືບວກເງິນອີກ $7.5 ຕໍ່ຄົນຕໍ່ເດືອນກໍ່ໄດ້ Windows 10 ພ້ອມລະບົບຮັກສາຄວາມປອດໄພມານຳ. ກໍ່ລອງຄຳນວນກັນເບິ່ງວ່າຄຸ້ມຄ່າກັບອົງກອນຂອງທ່ານ ຫຼື ບໍ່

Microsoft Azure Stack

Julia White, Corporate VP, Cloud and Infrastructure

ເຮົາອາດຄຸ້ນເຄີຍກັບຊື່ Microsoft Azure  ກັນຢູ່, ມັນຄືບໍລິການ Cloud Computing ທີ່ໃຫ້ບໍລິການເທິງເຊິຟເວີຂອງໄມໂຄຣຊອຟ ແຕ່ມື້ນີ້ໄມໂຄຣຊອຟເປີດໂຕບໍລິການໃໝ່ຄື Azure Stack ທີ່ຂາຍພ້ອມເຊິຟເວີຈາກຜູ້ຜະລິດຊັ້ນນຳຢ່າງ Dell EMC, HPE ແລະ Lenovo ເພື່ອໃຫ້ສາມາດໃຊ້ງານ Azure ແລະ ຄວາມສາມາດໃໝ່ໆ ທີ່ໄມໂຄຣຊອຟພັດທະນາຂື້ນໄດ້ຈາກເຊິຟເວີພາຍໃນອົງກອນເລີຍ

ເຊີ່ງການໃຊ້ Microsoft Azure Stack ກໍ່ຈະເຮັດໃຫ້ຫານເຮັດວຽກຮ່ວມກັບ Azure ເຮັດໄດ້ງ່າຍຂື້ນ ລີ້ງຂໍ້ມູນລະຫວ່າງ Public Cloud ກັບ Private Cloud ເຮັດໄດ້ງ່າຍຂື້ນນຳ ໂດຍເຊິຟເວີພ້ອມ Microsoft Azure Stack ຈະເລີ່ມສົ່ງມອບໃນເດືອນກັນຍານີ້

ຄວາມສຳຄັນຂອງພາດເນີທີ່ໄມໂຄຣຊອຟໃສ່ໃຈຫຼາຍ

ທີ່ມາ: beartai

ຄວາມຄິດເຫັນ

ຄວາມຄິດເຫັນ

LEAVE A REPLY

Please enter your comment!
Please enter your name here