ປີນີ້ຈະມີການເປີດໂຕ iOS 11 ຕາມທຳນຽມການເປີດໂຕ iOS ໃໝ່ໆ ເປັນປະຈຳທຸກປີ ແຕ່ກໍ່ມີຂ່າວຮ້າຍວ່າ iOS 11 ທີ່ຈະເປີດໂຕໃນປີນີ້ຈະເຮັດໃຫ້ແອັບພຼິເຄຊັ່ນກວ່າ 200,000 ແອັບບໍ່ສາມາດໃຊ້ງານໄດ້

Sensor Tower ລາຍງານວ່າ ແອັບພຼິເຄຊັ່ນກວ່າ 200,000 ໂຕຈະບໍ່ສາມາດໃຊ້ງານເທິງອຸປະກອນ iPhone iPad ທີ່ອັບເດດເປັນ iOS 11 ໄດ້ ເນື່ອງຈາກລະບົບຈະບັງຄັບໃຫ້ແອັບນັ້ນຮອງຮັບແອັບ 64 bit ເທົ່ານັ້ນ.

ທັງນີ້ iOS 10.3 beta ກໍ່ເລີ່ມມີການເຕືອນແລ້ວວ່າ “This app will not work with future versions of iOS. The developer of this app needs to update it to improve its compatibility.” ຫຼື ແອັບພຼີເຄຊັ່ນອາດບໍ່ຮອງຮັບ iOS ໃໝ່ໆ ໃນອະນາຄົດ ຫາກພົບວ່າເປັນແອັບທີ່ຍັງຣັນສະເພາະ 32 bit ເທົ່ານັ້ນ.

ນັ້ນໝາຍຄວາມວ່າ ອຸປະກອນທີ່ໃຊ້ຊິບປະມວນຜົນ 64 bit ໄດ້ແກ່ iPhone 5s ແລະ ໃໝ່ກວ່າ, iPad Air ແລະ ໃໝ່ກວ່າ, iPad mini 2 ແລະ ໃໝ່ກວ່າ ເມື່ອອັບເດດເປັນ iOS 11 ແລ້ວຈະບໍ່ສາມາດໃຊ້ງານແອັບທີ່ຂຽນຮອງຮັບພຽງ 32 bit ເທົ່ານັ້ນ.

ອ້າງອິງ / ທີ່ມາ beartai

ຄວາມຄິດເຫັນ

ຄວາມຄິດເຫັນ

LEAVE A REPLY

Please enter your comment!
Please enter your name here