ມີກັນມາດົນແລ້ວສຳລັບຄຳຮຽກຮ້ອງໃຫ້ Facebook ເຮັດປຸ່ມບໍ່ມັກ(ບໍ່ຖືກໃຈ) ຫຼື Dislike ແຕ່ກໍ່ຍັງບໍ່ມີອອກມາຈັກເທື່ອ. ກ່ອນໜ້ານີ້ກໍ່ມີການເປີດປຸ່ມລັກສະນະໃໝ່ຄືປຸ່ມສະແດງຄວາມຮູ້ສຶກ ຫຼື emotion ເຊີ່ງສະແດງຄວາມຮູ້ສຶກຫຼາຍແບບ ເຊັ່ນ ດີໃຈ, ເສຍໃຈ ຫຼື ຕະຫຼົກ ເປັນຕົ້ນ. ລ່າສຸດມີລາຍງານວ່າ Facebook ກຳລັງທົດສອບປຸ່ມບໍ່ມັກ(ບໍ່ຖືກໃຈ)ແລ້ວ.

ຜູ້ໃຊ້ງານ Hoan Do ລາຍງານວ່າ ເມື່ອລາວກົດໄອຄອນ  (“ອື່ນໆຢ ຂ້າງແຊັດ) ໃນແອບ Messenger ກໍ່ຈະມີພາບອີໂມຈິຫຼາຍແບບ ເຊັ່ນ ກົດໄລ໌, ແຮັບປີ້, ເສຍໃຈ, ໃຈຮ້າຍ ແລ້ວກໍ່ຍັງມີປຸ່ມບໍ່ມັກເຂົ້າມາແລ້ວນຳ (dislike) ເຊີ່ງຫາກເປັນກຸ່ມໃຫຍ່ຂື້ນນັ້ນຜູ້ໃຊ້ງານຈະສາມາດເຫັນໄດ້ວ່າມີໃຜກົດອັນໃດແດ່.

ເຊີ່ງ Facebook ກໍ່ໄດ້ຢືນຢັນແລ້ວວ່າກຳລັງທົດສອບລະບົບນີ້ຢູ່ແທ້ ເພື່ອເພີ່ມຄວາມມ່ວນ ແລະ ການມີປະຕິສຳພັນລະຫວ່າງຜູ້ໃຊ້ງານໃຫ້ຫຼາຍຂື້ນ ແຕ່ຕອນນີ້ຍັງຢູ່ໃນຂັ້ນຕອນການທົດສອບ ເມື່ອໃດທີ່ພ້ອມແລ້ວທາງ Facebook ຈະປ່ອຍໃຫ້ຜູ້ໃຊ້ງານທົ່ວໂລກໄດ້ໃຊ້ອີໂມຈິພາຍໃນແອັບຯສະແດງຄວາມຮູ້ສຶກຕ່າງໆທີ່ຫຼາຍກວ່າພຽງແຕ່ການກົດໄລ໌.

ຂໍ້ມູນອ້າງອິງ: iclarified | beartai

ຄວາມຄິດເຫັນ

ຄວາມຄິດເຫັນ

LEAVE A REPLY

Please enter your comment!
Please enter your name here