ໃນງານ E3 2018 ທີ່ຜ່ານມາ ທ່ານ Geoff Keighley ຜູ້ຈັດງານໄດ້ໃຫ້ສຳຜາດວ່າທາງ AMD ຜູ້ຜະລິດກາດຈໍ ແລະ CPU ລາຍໃຫຍ່ໄດ້ປະກາດຢ່າງເປັນທາງການແລ້ວວ່າຈະຈັບມືຮ່ວມເປັນພາດເນີກັບຄ່າຍເກມ Rebellion, Ubisoft ແລະ Capcom, ນັ້ນໝາຍຄວາມວ່າເກມຊື່ດັງຢ່າງ The Division 2, Resident Evil 2 Remake ແລະ Strange Brigade ຈະໄດ້ຮັບກາຍປັບປຸງໃຫ້ມີປະສິດທະພາບດີທີ່ສຸດເມື່ອໃຊ້ກັບກາດຈໍຂອງ AMD.

Rebellion ຜູ້ພັດທະນາໄດ້ໃຫ້ສັນຍາວ່າເກມ Strange Brigade ຈະໄດ້ຮັບການປັບປຸງໃຫ້ມີປະສິດທິພາບທີ່ດີທີ່ສຸດສຳລັບ PC ແລະ ຈະຮອງຮັບ DX12 ຄືກັບເກມ Sniper Elite IV.

ທ່ານ Peter Fabiano ໂປຣດິວເຊີຈາກຄ່າຍເກມ Capcom ໄດ້ກ່າວວ່າທີມງານກຳລັງເຮັດວຽກຢ່າງໜັກເພື່ອປັບປຸງປະສິດທິພາບຂອງເກມ Resident Evil 2 Remake ໃຫ້ອອກມາດີທີ່ສຸດ ແລະ ໄດ້ຮັບການຢືນຢັນແລ້ວວ່າຈະຮອງຮັບ DX12 ແລະ FreeSync

ສຳຫຼັບເກມ The Division 2 ເຖິງແມ່ນວ່າຈະຍັງບໍ່ໄດ້ຮັບການເປີດເຜີຍລາຍລະອຽດໃດໆເລີຍກໍ່ເປັນທີ່ຢືນຢັນແລ້ວວ່າເກມໄດ້ໃຊ້ Snowdrop Engine ໃນການພັດທະນາ ແລະ ຮອງຮັບ DX12 ແນ່ນອນ ສ່ວນລາຍລະອຽດອື່ນໆຂອງເກມຕ້ອງຖ້າຕິດຕາມຂ່າວກັນຕໍ່ໄປ.


ທີ່ມາ / ອ້າງອີງ

ຄວາມຄິດເຫັນ

ຄວາມຄິດເຫັນ

LEAVE A REPLY

Please enter your comment!
Please enter your name here