ສຳລັບຄົນທີ່ຖ້າພາກຕໍ່ຂອງ Insurgency ເກມແນວຍິງ FPS Tactical ແບບສົມຈິງ ເຊິ່ງວາງຈຳໜ່າຍພາກທຳອິດໄປເມື່ອປີ 2014. ໃນມື້ວັນທີ່ 31 ພຶດສະພາ ທີ່ຜ່ານມານີ້ ບຼັອກຂອງ New World Interactive ຜູ້ພັດທະນາເກມໄດ້ໂພສເຖິງເກມ Insurgency: Sandstorm ວ່າກຳລັງຈະວາງຈຳໜ່າຍຢ່າງເປັນທາງການເທິງຮ້ານຄ້າ Steam ໃນຊ່ວງເດືອນ ກັນຍາ ນີ້ ໂດຍຈະມີລາຄາທີ່ $29.99 ສຳລັບຜູ້ທີ່ພຣີອໍເດີ ຫຼື ສັ່ງຊື່ລ່ວງໜ້າ ຈະໄດ້ຮັບສ່ວນຫຼຸດ 10% ແລະ ຄົນທີ່ມີເກມ Insurgency ພາກທຳອິດຢູ່ໃນຄັງແລ້ວ ກໍ່ຈະໄດ້ຮັບສ່ວນຫຼຸດອີກ 10% ລວມເປັຮຫຼຸດຮອດ 20% ກັນເລີຍ. ສ່ວນຜູ້ຫຼິ້ນເທິງ PlayStation 4 ແລະ Xbox One ຈະຕ້ອງຖ້າກັນໄປກ່ອນເພາະຕອນນີ້ທາງຜູ້ພັດທະນາມີແຜນຈະປ່ອຍເກມເວີຊັ່ນຄອນໂຊໃນຊ່ວງເຄິ່ງປີທຳອິດຂອງປີ 2019.

ຍັງບອກອິກວ່າສຳລັບຜູ້ຫຼິ້ນທີ່ພຣີອໍເດີ ຈະໄດ້ເຂົ້າໄປຫຼິ້ນເວີຊັ່ນທົດສອບກ່ອນທີ່ຈະປ່ອຍຕົວເກມເຕັມອອກມາ ເຊິ່ງແນ່ນອນວ່າຈະຕ້ອງເຕັມໄປດ້ວຍບັກ ແລະ ມີບັນຫາແນ່ເປັນເລື່ອງທຳມະດາ. ທາງຜູ້ພັດທະນາຫວັງວ່າຈະໄດ້ຮັບການແຈ້ງບັນກາ ແລະ ຂໍ້ສະເໜີແນະເພື່ອນຳໄປປັບປຸງກັບຕົວເກມເຕັມທີ່ກຳລັງຈະອອກນຳໜ່າຍຢ່າງເປັນທາງການໃນເດືອນກັນຍາ.


ທີ່ມາ / ອ້າງອີງ

ຄວາມຄິດເຫັນ

ຄວາມຄິດເຫັນ

LEAVE A REPLY

Please enter your comment!
Please enter your name here