ເກມ PlayerUnknown’s Battlegrounds ແລະ Fortnite ຖືວ່າເປັນເກມແນວ Battle Royale ທີ່ປະສົບຄວາມສຳເລັດຢ່າງໃຫຍ່ຫຼວງ ບໍ່ວ່າຈະເປັນທາງດ້ານຂອງລາຍໄດ້ ແລະ ຄວາມນິຍົມ ໂດຍສະເພາະປີຜ່ານ ເຮັດໃຫ້ຫຼາຍໆຄ່່າຍເກມຍັກໃຫຍ່ຕ່າງກໍ່ຈັບຕາເບິ່ງເກມແນວນີ້ ແລະ ເລີ່ມມີຄວາມສົນໃຈຢາກເຮັດເກມແນວນີ້ອອກມາ ເຊັ່ນ The Division 2 , Black Ops 4 ທີ່ມີຂ່າວລືອອກມາ ແລະ ຫຼ້າສຸດຄື Battlefield 5 ພາກໃໝ່ກໍ່ຈະເອົານຳ.

ສື່ GamesBeat ໄດ້ເປີດເຜີຍວ່າທາງ DICE ໄດ້ເລີ່ມທົດສອບ/ພັດທະນາໂໝດ Battle Royale ລົງໃນ Battlefield 5 ເຊິ່ງກຳລັງຢູ່ໃນຂັ້ນ Prototype ຫຼື ຕົວຕັ້ນແບບກັນແລ້ວ. ນັ້ນໝາຍຄວາມວ່າຍັງບໍ່ມີການພັດທະນາແບບເຕັມຮູບແບບ ແລະ ຍັງມີຄວາມເປັນໄປໄດ້ວ່າໂໝດດັ່ງກ່າວຈະຖືກລົງທັງ Battlefield 5 ແລະ Battlefront ຫຼື ອາດຈະຖືກເຮັດເປັນເກມແຍກດ່ຽວ ຫຼື Standalone ໄປເລີຍ.

DICE ເອງກໍ່ເລີ່ມເຂົ້າໃກ້ການພັດທະນາເກມຍິງອອນໄລນ໌ທີ່ມີຜູ້ຫຼິ້ນຈຳນວນຫຼາຍຢູ່ໃນແຜນທີ່ດຽວກັນເຂົ້າໄປທຸກເທື່ອແລ້ວ. ຢ່າງໃດກໍ່ຕາມຫາກຕົວເກມມີໂໝດນີ້ອອກມາກໍ່ຖືວ່າເປັນເລື່ອງດີເພາະຜູ້ຫຼິ້ນຈະໄດ້ມີຕົວເລືອກ ແລະ ເຫັນຄວາມແປກໃໝ່ຫຼາຍຂື້ນ.

ຈະກຽມວາງຈຳໜ່າຍພາຍໃນປີນີ້ໂດຍມີແນວໂນ້ມວ່າຈະດຳເນີນເລື່ອງໃນຊ່ວງສົງຄາມໂລກຄັ້ງທີ່ສອງ ຕົວເກມຈະກຽມເຜີຍຂໍ້ມູນໃນງານ E3 2018 ທີ່ຈະເກີດຂື້ນໃນກາງປີນີ້.


ອ້າງອີງ pcgamesn, notebookspec

ຄວາມຄິດເຫັນ

ຄວາມຄິດເຫັນ

LEAVE A REPLY

Please enter your comment!
Please enter your name here