PUBG Mobile ໄດ້ທຳການອັບເດດຕົວເກມໃໝ່ເປັນເວີຊັ່ນ 0.4.0 ເພີ່ມລາຍລະອຽດເກມໃຫ້ຫຼາກຫຼາຍຂື້ນ ໂດຍສະເພາະໂໝດການຫຼິ້ນແບບໃໝ່ Arcade Mode ເອົາໃນຄົນມັກຫຼິ້ນເກມໄວ ເນັ້ນພົບຕົວງ່າຍ ຍິງກັນໄວຈົບໄວ ບໍ່ຕ້ອງຍ່າງກັນດົນໆຄືໂໝດປົກກະຕິ ແຖມຍັງປັບປຸງການຫຼິ້ນໃຫ້ຫຼິ້ນກັນໄດ້ຫຼາບຫຼື່ນຫຼາຍຂື້ນ.

ມາເບິ່ງກັນວ່າມີຫຍັງໃໝ່ໃນ PUBG Mobile 0.4.0

1. ເພີ່ມ Arcade Mode

ເປັນໂໝດການຫຼິ້ນແບບເນັ້ນຄວາມໄວໂດຍຈຳກັດຈຳນວນຄົນຫຼິ້ນພຽງ 28 ຄົນ, ຈຳກັດພື້ນທີ່ໃຫ້ແຄບລົງຫຼາຍ ແລະ ຍັງຈຳກັດກະຕິກາການຫຼິ້ນນຳ ເພື່ອໃຫ້ຜູ້ຫຼິ້ນໄດ້ປະຫຼາດໃນວ່າເຂົ້າໄປແລ້ວຈະຕ້ອງພົບກັບຫຍັງແດ່. ໂດຍກະຕະກາໃນການຫຼິ້ນແຕ່ລະຄັ້ງຈະສຸ່ມບໍ່ຄືກັນ ເຊັ່ນ:

– ໃຊ້ອາວຸດໄດ້ທຸກຊະນິດ

– ໃຫ້ໃຊ້ແຕ່ປືນລູກຊອງ

– ໃຫ້ໃຊ້ແຕ່ປືນສະໄນເປີ ໂດຍຍັງແບ່ງເປັນແບບ ເຊມິອໍໂຕ ແລະ ໂບແອັກຊັ່ນ

– ໃຫ້ໃຊ້ແຕ່ປືນພົກ

– ໃຫ້ໃຊ້ແຕ່ອາວຸດປະສິດ

– ຄຼັງແສງ (ມີອາວຸດໃຫ້ເກັບໂຄດຫຼາຍ)

2. ເພີ່ມໂໝດສະໜາມເຝິກຊ້ອມ

ໃຫ້ໝູ່ເພື່ອນສາມາດເລືອກທົດລອງຍິງອາວຸດປືນ ແລະ ອື່ນໆ ໄດ້ທຸກຊະນິດ ເພື່ອໃຫ້ຮູ້ຄວາມແຕກຕ່າງຂອງອາວຸດແຕ່ລະຢ່າງວ່າຄວນໃຊ້ແບບໃດຢ່າງໃດ.

3. ເພີ່ມສະພາບອາກາດແບບຊ່ວງແລງ

ເພີ່ມສາກແບບຍາມແລງຕອນພະອາທິດໃກ້ຊິຕົກດິນ ໄດ້ຄວາມໂຣແມນຕິກ ແລະ ເຂົ້າກັບຄອນເຊັບ Winner Winner, Chicken Dinner.

4. ເພີ່ມລະບົບການຫຼິ້ນແບບໃໝ່ ແລະ ແກ້ໄຂບັນຫາການຫຼິ້ນຕ່າງໆ ດັ່ງຕໍ່ໄປນີ້:

–  ປັບປຸງປະສົບການໃນການຕໍ່ສູ້ໃຫ້ດີຂື້ນ
–  ເພີ່ມລະບົບ ຕິດຕາມ (ຕັ້ງແຕ່ການກະໂດດຮົ່ມ ແລະ ເທິງພື້ນດີນ)
–  ເພີ່ມລະບົບເປີດປະຕູອັດຕະໂນມັດ ສາມາດເປີດໃຊ້ໄດ້ໃນການຕັ້ງຄ່າ
–  ປັບການເກັບຂອງຫຼາຍໆຢ່າງແລ້ວຊະງັກໃຫ້ຫຼື່ນໄຫຼຫຼາຍຂື້ນ
–  ແກ້ໄຂອາການກະຕຸກເມື່ອໃຊ້ສະໂຄບ 4x ແລະ 8x
–  ເພີ່ມກຣາຟພະລັງງານໃນໜ້າສະກໍຫຼັງຈົບເກມ
–  ແກ້ໄຂລະບົບສຽງ ແລະ ບັນຫາໃນລະບົບແຊັດສຽງ
–  ເພີ່ມຄວາມໄວໃນການອ້ຽວຕົວ, ເພີ່ລະບົບໃໝ່ “ອ້ຽວແລ້ວເລງ” ແລະ “ຕັ້ງຄ່າອ້ຽວ”
–  ເພີ່ມເຕັກນິກການໝູນຕົວຂອງລົດຈັກ
–  ເພີ່ມລະບົບໄນຕຣັສ ເລັ່ງຄວາມໄວຍານພາຫະນະ
–  ພາຫະນະທີ່ໃຊ້ແລ້ວກ່ອນໜ້າ ຈະຖືກເຮັດສັນຍາລັກໄວ້ເທິງ minimap
–  ເພີ່ມລະບົບ 3D Touch ສຳລັບ iOS
–  ເພີ່ມ Death Cam ໃຫ້ເຫັນວ່າໃຜເປັນຄົນຂ້າເຮົາ

ແລະ ຍັງມີການປັບປຸງລະບົບອື່ນໆລວມແລ້ວ 20 ກວ່າຢ່າງ

ສຳລັບການອັບເດດ PUBG Mobile 0.4.0 ຂະນະນີ້ເລີ່ມປ່ອຍອັບເດດໃຫ້ຊາວ Android ໄດ້ຫຼິ້ນກັນແລ້ວ ແລະ ຈະທະຍອຍອັບເດດໃຫ້  iOS ຕໍ່ໄປ.


ອ້າງອີງ onlinestation

 

ຄວາມຄິດເຫັນ

ຄວາມຄິດເຫັນ

LEAVE A REPLY

Please enter your comment!
Please enter your name here