ເອີ້ນໄດ້ວ່າກະແສເກມຍິງທີ່ບໍ່ເນັ້ນໂໝດຫຼິ້ນຄົນດຽວ ຫຼື ໂໝດເນື້ອເລື່ອງເບິ່ງຄືຈະເປັນກະແສຫຼັກໄປແລ້ວ (ພໍເຖາະ) ຫຼັງຈາກການມາຂອງເກມ PUBG ແລະ ອີກຫຼາຍເກມທີ່ປະສົບຄວາມສຳເລັດແບບຖະລົ່ມຖະລາຍ ເຮັດໃຫ້ເກມຍິງຟອມຍັກເລີ່ມເບິ່ງຄວາມເປັນໄປໄດ້ໃນການເປີດຮູບແບບໃໝ່ຂອງການຫຼິ້ນເກມຫຼາຍຂື້ນ.

ໂດຍຫຼ້າສຸດ ກ່ອນໜ້າທີ່ຈະເປີດຕົວໃນເດືອນໜ້າ ເກມ Call of Duty: Black Ops 4 ມີການເວົ້າເຖິງຮູບແບບການຫຼິ້ນຫຼັກຂອງພາກນີ້ທີ່ອາດຈະບໍ່ມີໂຫຼດການຫຼິ້ນຄົນດຽວ ຫຼື single-player campaign ແຕ່ຈະມີໂໝດ Battle Royale ມາໃຫ້ຫຼິ້ນແທນ ເຊິ່ງເປັນຮູບແບບການຫຼິ້ນທີ່ກຳລັງໄດ້ຮັບຄວາມນິຍົມເພາະເກມ PUBG.

ເຊິ່ງແຫຼ່ງຂໍ້ມູນຈາກເວັບ Polygon ໄດ້ລະບຸວ່ານັກພັດທະນາເກມຈາກຄ່າຍ Treyarch ໄດ້ມຸ້ງເນັ້ນການສ້າງໂໝດຜູ້ຫຼິ້ນຫຼາຍຄົນ ແລະ ໂໝດ Zombies ຫຼາຍກວ່າຈະເນັ້ນໄປທີ່ໂໝດຫຼິ້ນຄົນດຽວ ສ່ວນໂໝດ Battle Royale ເປັນຂໍ້ມູນທີ່ຮົ່ວໄຫຼອອກມາໂດຍລະບຸວ່າ Black Ops 4 ມີໂໝດ Battle Royale ທີ່ພັດທະນາຂື້ນໂດຍ Raven Software, ສ່ວນຈະຈິງ ຫຼື ບໍ່? ກໍ່ຕ້ອງອົດໃຈຖ້າເກມເປີດຕົວໃນວັນທີ່ 17 ພຶດສະພາ ນີ້.

ເກມ Call of Duty: Black Ops 4 ວາງຂາຍ 12 ຕຸລາ ນີ້ ເທິງ PS4 , Xboxone ແລະ PC.


ອ້າງອີງ eurogamer, beartai

ຄວາມຄິດເຫັນ

ຄວາມຄິດເຫັນ

LEAVE A REPLY

Please enter your comment!
Please enter your name here