ເຖິງແມ່ນວ່າ PS4 ຍັງເດີນໜ້າຂາຍດີຢ່າງຕໍ່ເນື່ອງ ແຕ່ເນື່ອງຈາກວ່າມັນວາງຂາຍມາໄດ້ເກືອບ 5 ປີແລ້ວ (ແຕ່ປີ 2013) ເຮັດໃຫ້ມີຂໍ້ມູນຂ່າວລືຂອງ playstation ລູ່ນຕໍ່ໄປອອກມາຢ່າງຕໍ່ເນື່ອງ ເຊີ່ງສ່ວນຫຼາຍແລ້ວຈະເປັນຂ່າວລືການຄາດເດົາຫຼາຍກວ່າ.

ແຕ່ຫຼ້າສຸດເປັນຂ່າວລືທີ່ລຸດອອກມາຈາກ SemiAccurate ຜູ້ທີ່ທຳນາຍວ່າ ນິນເທັນໂດ ຈະຈັບມືກັບຄ່າຍ nvidia ຈົນອອກມາເປັນ Nintendo Switch ແລະ ຫຼ້າສຸດທາງທີມເດີມໄດ້ປ່ອຍຂ່າວລືລະບຸວ່າ ເຄື່ອງ PS5 ຈະໃຊ້ຊິບ GPU ລຸ່ນໃໝ່ຈາກ AMD ທີ່ຍັງຄົງບໍ່ມີຊື່ຢ່າງເປັນທາງການ ມີພຽງລະຫັດວ່າ Navi ແຖມຍັງເວົ້າວ່າມັນເປັນຮູບແບບຂອງເຕັກໂນໂລຢີການສ້າງຊິບແບບໃໝ່ທີ່ມີຂະໜາດນ້ອຍລົງ ແລະ ປະຢັດໄຟຫຼາຍຂື້ນ ແລະ ເຊື່ອມຕໍ່ກັນໂດຍໃຊ້ເຕັກໂນໂລຢີ Infinity Fabric ຂອງ AMD ເຊີ່ງເປັນໜ່ວຍຄວາມຈຳລຸ່ນໃໝ່ ໂດຍຊິບນີ້ຈະເປີດໂຕປາຍປີນີ້ ເຊີ່ງຄາດວ່າຫາກ AMD ເປີດໂຕແທ້ກໍ່ຈະເປັນການຕອກຢ້ຳຂ່າວລືນີ້.

ກ່ອນໜ້ານີ້ມີຂ່າວວ່ານັກພັດທະນາເກມໄດ້ PS5 ລຸ່ນສຳລັບສ້າງເກມໄປລອງແລ້ວ ເຮັດໃຫ້ມີຄວາມເປັນໄປໄດ້ວ່າມັນຈະເປັນຄວາມຈິງສູງ ແຕ່ຄາດວ່າກວ່າມັນຈະພ້ອມອອກວາງຂາຍອາດຈະຕ້ອງຖ້າຮອດປີິ 2020 ເພາະໃນຕອນນີ້ PS4 ກຳລັງໄປໄດ້ດີ ຄາດວ່າ Sony ຈະບໍ່ມີການເປີດໂຕຫຍັງໃນຊ່ວງນີ້.


ອ້າງອີງ gamerant, beartai

ຄວາມຄິດເຫັນ

ຄວາມຄິດເຫັນ

LEAVE A REPLY

Please enter your comment!
Please enter your name here