ອາດຈະບໍ່ແມ່ນເລື່ອງໜ້າແປກໃຈເທົ່າໃດເພາະກ່ອນໜ້ານີ້ກໍ່ມີຂ່າວລືລຸດມາແວ່ວໆ ວ່າ EA Dice ຈະມີແຜນພັດທະນາ Battlefield ພາກໃໝ່ໂດຍສືບເນື່ອງມາຈາກ Battlefield 1 ສົງຄາມໂລກຄັ້ງທີ່ 1 ກັບຄະແນນຣີວິວອອກມາໃນເກນດີຈຶ່ງບໍ່ແປກທີ່ຜູ້ພັດທະນາຈະເດີນໜ້າເຮັດພາກຕໍ່ໃນຮູບແບບສົງຄາມໂລກຄັ້ງທີ່ 2.

ຢ່າງທີ່ມີລາຍງານກ່ອນໜ້ານີ້ໄດ້ບອກວ່າ Battlefield ພາກໃໝ່ຈະດຳເນີນເລື່ອງໃນຊ່ວງສົງຄາມໂລກຄັ້ງທີ່ 2 ຄາດວ່າຈະມາໃນປີ 2018 ນີ້ປະມານປາຍປີ ເຊີ່ງກໍ່ເປັນທຳນຽມປົກກະຕິຂອງເກມ Battlefield ທີ່ມັກຈະວາງຂາຍໃນຊ່ວງເວລານັ້ນແຕ່ວ່າໃນເລື່ອງຂອງຊື່ມີສິດປ່ຽນໄດ້ເພາະຖ້າຫາກໃຊ້ Battlefield 2 ມັນຈະໄປຊ້ຳກັບເກມປີ 2005.

ດັ່ງນັ້ນເປັນໄປໄດ້ຫຼາຍວ່າຈະໃຊ້ຊື່ພາກໃໝ່ເປັນ Battlefield V ແທນ ແລະ ນອກຈາກນີ້ກໍ່ຍັງມີລາຍລະອຽດເລື່ອງຂອງລະບົບ Microtransaction ຫຼື ລະບົບທີ່ຕ້ອງເຕີມເງິນຈີງເພື່ອມາຊື້ໄອເທັມເສີມໂດຍຂໍ້ມູນຈາກ Kotaku แແລະ Digital Trends ໄດ້ບອກວ່າ Battlefield V ຈະມີລະບົບນີ້ຢູ່.

ເຖິງຢ່າງນັ້ນກໍ່ບໍ່ໄດ້ໝາຍຄວາມວ່າໂຕເກມຈະເສຍສົມດູນ ຫຼື ລໍ້ເປົ້າໃຫ້ແຟນໆ ດ່າຍັບຄືກັບ Battlefront 2, ໂດຍລະບົບ Microtransaction ຈະມີໃຫ້ສະເພາະໄອເທັມຕົກແຕ່ງຕົວລະຄອນເທົ່ານັ້ນໂດຍຈະບໍ່ໄດ້ມີຜົນຕໍ່ເກມເພຼແຕ່ຢ່າງໃດ.

ກໍ່ຕ້ອງມາເບິ່ງກັນຕໍ່ໄປວ່າ Battlefield V ຈະມີລະບົບເຕີມເງິນແທ້ ຫຼື ບໍ ແລະ ຈະມີແຕ່ໄອເທັມຕົກແຕ່ງຕົວລະຄອນຢ່າງທີ່ວ່າໄວ້ ຫຼື ບໍ່, ແລະ ຖ້າຫາກມີຂ່າວອັບເດດເພີ່ມເຕີມກໍ່ຈະມາລາຍງານໃຫ້ໝູ່ທຸກຄົນໄດ້ຮູ້ກັນອີກ.

ອ້າງອີງ: Notebookcheck , Kotaku , Digital Trends, notebookspec

ຄວາມຄິດເຫັນ

ຄວາມຄິດເຫັນ

LEAVE A REPLY

Please enter your comment!
Please enter your name here