ເປີດໂຕເປັນທີ່ຮຽບຮ້ອຍແລ້ວຫຼັງຈາກທີ່ມີຂ່າວຫຼຸດມາຫຼາຍດົນເຕີບສຳລັບ Samsung Galaxy Note 8 ລຸ່ນສານຕໍ່ຄວາມຄາດຫວັງຂອງ Galaxy Note 7 ສຳລັບ Galaxy Note 8 ນັ້ນ Samsung ກໍ່ຈັດເຕັມບໍ່ນ້ອຍໜ້າ Galaxy S8 ເລີຍ

ການອອກແບບ

ເຊັ່ນດຽວກັບ Galaxy S8, Galaxy Note 8 ມາພ້ອມກັບໜ້າຈໍ SuperAMOLED Infinity Display ຫຼື ໜ້າຈໍບໍ່ມີຂອບຂອງ Samsung ອັດຕາສ່ວນ 18:9 ເທິງໜ້າຈໍຂະໜາດ 6.3 ນິ້ວ ຄວາມລະອຽດ 2960×1440 ພິກເຊວ ຮອງຮັບການກົດແບບມີນ້ຳໜັກ (tactile feedback) ແຕ່ໃນສ່ວນຂອງດ້ານຫຼັງນັ້ນຈະມາ່ພ້ອມກ້ອງຄູ່ຕາມສະໄໝນິຍົມຂອງສະມາດໂຟນລະດັບສູງ ແລະ ສະແກນນິ້ວມືຂ້າງກ້ອງຄືເກົ່າ

ສະເປັກ

  • ໜ້າຈໍ SuperAMOLED ຂະໜາດ 6.3 ນິ້ວ ຄວາມລະອຽດ 2960×1440 ພິກເຊວ
  • ຊິບປະມວນຜົນ Snapdragon 835 ແລະ Exynos 8895 ສຳລັບນອກຕະຫຼາດສະຫະລັດອາເມຣິກາ
  • ແຣມ 6 GB
  • ຄວາມຈຸເລີ່ມຕົ້ນ 64GB, 128GB ແລະ 256GB ຮອງຮັັບ MicroSD
  • ແບັດເຕີຣີ້ 3,300 mAh ນ້ອຍກວ່າ Galaxy S8 Plus
  • ຮອງຮັບລະບົບຈື່ໃບໜ້າ ແລະ ສະແກນນິ້ວມື

ກ້ອງຄູ່

ກາຍເປັນມາດຕະຖານສຳລັບສະມາດໂຟນລະດັບສູງໄປແລ້ວກັບກ້ອງຄູ່, ສຳລັບ Galaxy Note 8 ນັ້ນມີເຊັນເຊີ 4 ໂຕ ໂດຍສອງໂຕສຳລັບກ້ອງຄູ່ດ້ານຫຼັງ, ກ້ອງໜ້າ ແລະ ສຳລັບລະບົບຈື່ໃບໜ້າອີກໜຶ່ງໂຕ

ກ້ອງຄູ່ຂອງ Galaxy Note 8 ເປັນກ້ອງແບບ Dual OIS ໂຕທຳອິດຂອງໂລກ ເຊີ່ງມີຄວາມລະອຽດເທົ່າກັນທີ່ 12 ລ້ານພິກເຊວຮູຮັບແສງກວ້າງ(ຫຼາຍ) ຂະໜາດ f/1.7 ແລະ ອີກໜຶ່ງໂຕເຊີ່ງເປັນ Telephoto ຮູຮັບແສງກວ້າງ f/2.4 ຮອງຮັບການຊູມແບບ Optical 2x ໂດຍທີ່ກ້ອງທັງສອງໂຕທີກັນສັ່ນແບບຮາດ໌ແວມາໃຫ້ນຳ ພາຍໃນງານ Samsung ກໍ່ອວດແບບຊັດເຈນວ່າ Galaxy Note 8 ນັ້ນດີກວ່າ iPhone 7 Plus ຫຼາຍ (ກະແທ້)

ນອກຈາກນີ້ຍັງມີໂໝດໃໝ່ທີ່ເອີ້ນວ່າ Live Focus ສາມາດເລືອກຄວາມເບຼີໄດ້ດ້ວຍໂຕເອງ ເຊີ່ງສາມາດເຮັດໄດ້ທັງລະຫວ່າງທີ່ກຳລັງຈະຖ່າຍ ຫຼື ຫຼັງຈາກຖ່າຍແລ້ວກໍ່ໄດ້ ແລະ ໂໝດ Dual Capture ຊ່ວຍໃຫ້ຜູ້ໃຊ້ງານສາມາດຖ່າຍຮູບທັງແບບປົກກະຕິ ແລະ ແບບຊູມ

ກ້ອງໜ້ານັ້ນຈະມີຄວາມລະອຽດ 8 ລ້ານພິກເຊວ ຮອງຮັບໂອໂຕໂຟກັສເຊັ່ນດຽວກັບ Galaxy S8

S Pen

ແນ່ນອນວ່າຈຸດຂາຍຂອງຕະກຸນ Galaxy Note ນັ້ນກໍ່ຄື S Pen ນັ້ນເອງ. ໂດຍສ່ວນຂອງປາກການັ້ນມັນຄື Galaxy Note 7 ທຸກປະການ ຫົວຂະໜາດ 0.7 ມມ ຮອງຮັບການກົດຮອດ 4096 ລະດັບ ແຕ່ແນ່ນອນວ່າ S Pen ຂອງ Galaxy Note 8 ນັ້ນມາພ້ອມລູກຫຼີ້ນທີ່ຫຼາກຫຼາຍຂື້ນ ເຊັ່ນ:

  • ການຈົດໂນດໃນຂະນະທີ່ໜ້າຈໍຍັງດັບຢູ່
  • ສາມາດຂະຫຍາຍສ່ວນຂອງໜ້າຈໍ ແລະ ແປຂໍ້ຄວາມໄດ້
  • Live Message ຊ່ວຍໃຫ້ສາມາດຈົດໂນດໄດ້ຢ່າງໄວວາ ແລະ ສົ່ງຟາຍແບບ GIF ໄດ້

ສະເປັກເຕັມ

ຊອັບແວ

Galaxy Note 8 ມາພ້ອມ Android Nougat 7.1.1 ຕັ້ງແຕ່ແກະກ່ອງ, ຄຣອບກັບ Samsung Experience UX, ນຳ Edge Panel ກັບມາໃຊ້ອີກຄັ້ງ ແລະ ຮອງຮັບການໃຊ້ງານແບບ Multitasking ຫຼື ສອງແອັບໃນໜ້າຈໍດຽວກັນນຳ

ໃນສ່ວນຂອງ Android O ນັ້ນຖ້າການອັບເດດໄດ້ເລີຍ ແຕ່ຕ້ອງຖ້າຈັກໜ່ອຍ

Galaxy Note 8 ມາພ້ອມ 4 ສີໃຫ້ເລືອກ ໄດ້ແກ່ Midnight Black, Orchid Gray, Maple Gold ແລະ Deep Sea Blue ຄາດວ່າຈະມີສີບົວອອກມາວາງຈຳໜ່າຍພາຍຫຼັງ ແລະ ຈະມີຫູຟັງ AKG ພາຍໃນກ່ອງນຳ ທີ່ສຳຄັນຄືຍັງມີພັອດຫູຟັງ 3.5 ມມ ມາໃຫ້ອຸ່ນໃນ (ຮາຮາ)

Samsung ກຽມວາງຈຳໜ່າຍ Galaxy Note 8 ວັນທີ່ 15 ກັນຍານີ້ ໃນສະຫະລັດອາເມຣິກາ ໃນລາຄາ $930 ຫຼືປະມານ ₭7.700.000. ເຊິ່ງໃນຕອນທີ່ເປີດໂຕ Galaxy S8+ ນັ້ນລາຄາຢູ່ທີ່ $850 ຫ່າງກັນຮອດ $80. ທີ່ເພີ່ມມາກໍ່ຍ້ອນຟີເຈີກ້ອງຄູ່ ແລະ S pen ທີ່ເພີ່ມຂື້ນມານັ້ນເອງ. ກໍ່ຕ້ອງຖ້າເບິ່ງກັນວ່າເວລາເຂົ້າມາລາວແລ້ວລາຄາຈະເປັນຈັ່ງໃດ.

ອ້າງອີງຈາກ: LivePhoneArena, beartai, droidsans

ຮຽບຮຽງໂດຍ DoubtTech

ຄວາມຄິດເຫັນ

ຄວາມຄິດເຫັນ

LEAVE A REPLY

Please enter your comment!
Please enter your name here