ສຳລັບ Facebook ນັ້ນຖືວ່າເປັນສັງຄົມອອນລາຍທີ່ໃຫຍ່ທີ່ສຸດໃນໂລກ ທີ່ມີຜູ້ລັອກອິນເຂົ້າໃຊ້ງານເກີນ 2 ພັນລ້ານລາຍຕໍ່ເດືອນໄປແລ້ວ ເຊີ່ງໂຕເລກດັ່ງກ່າວຫຼາຍກວ່າຈຳນວນປະຊາກອນຂອງ ຈີນ, ສະຫະລັດ ອາເມຣິກາ, ເມັກຊິໂກ ແລະ ຍີ່ປຸ່ນ ລວມກັນອີກ. ເປົ້າໝາຍທີ່ ມາກ ຊັກເຄີເບີກ ຕ້ອງການສ້າງຊຸມຊົນອອນລາຍທົ່ວໂລກຜ່ານແພຼດຟອມ Facebook ນັ້ນ ເກີດຂື້ນມາແທ້ໆແລ້ວ ແຕ່ເຖິງຢ່າງນັ້ນ ເລື່ອງລາວຕ່າງໆທທີ່ຜູ້ຄົນໄດ້ແຊກັນຢູ່ເທິງແພຼດຟອມ ກໍ່ມີທັງເລື່ອງລາວທີ່ສວຍງາມນ່າປະທັບໃຈລວມທັງເປັນຈຸດເລືີ່ມຕົ້ນຂອງດຣາມ່າ ແລະ ຄວາມກຽດຊັງຫຼາກຫຼາຍເຊັ່ນກັນ ເຊີ່ງມີຄຳຖາມທີ່ເປັນຕາສົນໃຈວ່າເພາະເຫດໃດຜູ້ຄົນຈຶ່ງເສບຕິດ Facebook ກັນຫຼາຍຂະໜາດນີ້

ຜົນວິໄຈຫຼ້າສຸດຈາກ Open University’s Applied Linguistics and Literacies (ALL) ໄດ້ທຳການລົງພື້ນທີ່ສຳຜາດຜູ້ໃຊ້ງານ Facebook ຫຼາຍກວ່າ 100 ລາຍ ໂດຍເນັ້ນຍິງຄຳຖາມທີ່ຍັງໃຊ້ເຟສບຸກລວມຮອດການຮັກສາຄວາມສຳພັນກັບໝູ່ເພື່ອນທີ່ເຄີຍໂພສເລື່ອງລາວຍົວະຍຸປຸກປັ່ນເປັນຕາລຳຄັນໃຈຢູ່ປະຈຳ ເຊີ່ງເປັນຕາສົນໃຈວ່າບໍ່ມີໃຜທີ່ຍິບຍົກປະເດັນນີ້ມາເປັນເຫດຜົນໃຫ້ຫຼິ້ນ Facebook ນ້ອຍລົງເລີຍພຽງແຕ່ຄົນດຽວ ໂດຍພວກເຂົາເລືອກທີ່ຈະສັງເກດການໝູ່ເຫຼົ່ານັ້ນແບບມິດໆ ເພື່ອບໍ່ໃຫ້ມີການຂັດແຍ້ງໃນຊີວິດຈີງ ຂະນະດຽວກັນທີມວິໄຈ ALL ກໍ່ວິເຄາະວ່າການກະທຳດັ່ງກ່າວ ໃນອີກມຸມໜຶ່ງຄືການໄດ້ມີຄວາມສຸກກັບການໄດ້ເຫັນໂພສ ແລະ ໄດ້ຕັດສິນວິພາກວິຈານບຸກຄົນນັ້ນໆເຊັ່ນກັນ ບໍ່ຕ່າງຫຍັງກັບການທີ່ຄົນເຮົາມັກວິພາກວິຈານລາຍການໂທລະທັດທີ່ບໍ່ມັກແຕ່ກັບຍັງຕິດຕາມເບິ່ງຢູ່ທຸກອາທິດນັ້ນເອງ

ນອກຈາກນີ້ ຜົນວິໄຈລະບຸວ່າ ໜຶ່ງໃນສິ່ງທີ່ສ້າງຄວາມກວນໃຈໃຫ້ກັບຜູ້ໃຊ້ Facebook ຫຼາຍທີ່ສຸດ ຄືການໄດ້ເຫັນໂພສໃນເຊິງລົບທີ່ໝູ່ໆໄດ້ໂພສກ່ຽວກັບຄວາມຄິດເຫັນທາງການເມືອງແບບແຮງໆ, ການຢຽດຜິວ, ຢຽດເພດ ຫຼື ພວກທີ່ມັກໂພສເຊັກເຣກຕິງຮຽກຮ້ອງຄວາມສົນໃຈໃຫ້ໂຕເອງທຸກມື້ ແລະ ເປັນໜຶ່ງໃນສາເຫດທີ່ເຮັດໃຫ້ມີການຕັດສິນໃຈ Unfriend

ເຖິງແມ່ນວ່າ Facebook ຈະເປັນຄືສູນລວມຂອງຄົນທົ່ວໂລກທີ່ສາມາດເຂົ້າມາເວົ້າມາລົມກັນໄດ້ຕາມເຈດຕະນາລົມຂອງ ມາກ ຊັກເຄີເບີກ ແຕ່ຄວາມແຕກຕ່າງຂອງຄົນຫຼາກຫຼາຍ ບໍ່ວ່າຈະເປັນຄວາມເຊື່ອ ການເຕີບໂຕໃນສະພາບແວດລ້ອມທີ່ຕ່າງກັນ ມາລວມກັນຢູ່ໃນພື້ນທີ່ດຽວກັນແບບນີ້ ຄືປັດໄຈສຳຄັນທີ່ເຮັດໃຫ້ຊຸມຊົນອຸດົມຄະຕິອອນລາຍແຫ່ງນີ້ເກີດຄວາມຂັດແຍ້ງປະເດັນດຣາມ່າຕ່າງໆ ໄດ້ຫຼາຍທີ່ສຸດ

ອ້າງອີງ qz.com / beartai

ຄວາມຄິດເຫັນ

ຄວາມຄິດເຫັນ

LEAVE A REPLY

Please enter your comment!
Please enter your name here