ມີຜູ້ຄົ້ນພົບວວ່າການອັບເດດໃຫຍ່ iOS 11.4 ໄດ້ເຊື່ອງຄຸນສົມບັດລັບທີ່ມີປະໂຫຍດຫຼາຍເອົາໄວ້ ໂດຍຜູ້ຄົ້ນພົບຄົນທຳອິດຄືບໍລິສັດກ່ຽວກັບລະບົບຮັກສາຄວາມປອດໄພ ElcomSoft ເຊິ່ງພົບວ່າ iOS 11.4 ເຊື່ອງຄຸນສົມບັດທີ່ໃຊ້ຊື່ວ່າ “USB Restricted Mode” ເອົາໄວ້ ໂດຍເຂົາພົບວ່າຄຳອະທິບາຍພາຍໃນຄຸນສົມບັດວ່າ “ເພື່ອເພີ່ມຄວາມປອດໄພໃຫ້ກັບອຸປະກອນລະບົບ iOS ເມື່ອເຊື່ອມຕໍ່ກັບ USB ຜ່ານສາຍ Lightning ຫາກຜູ້ໃຊ້ບໍ່ສາມາດປົດລັອຫເຄື່ອງໄດ້ສຳເລັດພາຍໃນໜຶ່ງອາທິດຈະບໍ່ສາມາດເຂົ້າເຖິງຂໍ້ມູນໄດ້”.

ສະຫຼຸບງ່າຍໆ ຄື USB Restricted Mode ຈະເຮັດໃຫ້ເຮົາເຮັດໄດ້ແຕ່ສາກອຸປະກອນຂອງເຮົາເທົ່ານັ້ນ ຫາກຕ້ອງການຈະເຂົ້າເຖິງຂໍ້ມູນເຮົາຕ້ອງປົດລັອກອຸປະກອນຂອງເຮົາກ່ອນ.

ຄຸນສົມບັດນີ້ມັນດີຢູ່ບອ່ນທີ່ວ່າມັນຈະຊ່ວຍເພີ່ມລະດັບຄວາມປອດໄພ ແລະ ເຮັດໃຫ້ຂໍ້ມູນຈາກອຸປະກອນ iOS ຖືກແຮັກໄດ້ຍາກຂື້ນນັ້ນເອງ.

ຫາກເປີດໃຊ້ USB Restricted Mode ເຖິງແມ່ນການເຊື່ອມຕໍ່ກັບ iTunes ກໍ່ບໍ່ສາມາດໃຊ້ງານໄດ້ ເພາະແຮັກເກີສາມາດໃຊ້ປະໂຫຍດຈາກ iTunes  ໃຫ້ສາມາດທົດລອງປົດລັອກລະຫັດຜ່ານໄດ້ຢ່າງບໍ່ມີຈຳກັດ.

iOS 11.4 ຈະເຮັດໃຫ້ Apple ໄດ້ຮັບຄວາມໄວ້ວາງໃຈຈາກຜູ້ໃຊ້ງານຫຼາຍຂື້ນ ຫຼັງຈາກຂ່າວເລື່ອງການຫຼຸດຄວາມໄວເພື່ອຢືດອາຍຸການໃຊ້ງານ.


ອ້າງອີງ / ທີ່ມາ

ຄວາມຄິດເຫັນ

ຄວາມຄິດເຫັນ

LEAVE A REPLY

Please enter your comment!
Please enter your name here