ໃນປີ 2017 ທາງ Apple ໄດ້ເຜີຍແຜນຍຸດທະສາດດ້ານການອອກແບບໃໝ່ສຳລັບ iPhone X ແລະ ໃນປີ 2018 ນີ້ Apple ກໍ່ຍັງຄົງເດີນຕາມແຜນຍຸດທະສາດດັ່ງກ່າວຕໍ່ໄປ ໂດຍທາງ Bloomberg ໄດ້ລາຍງານວ່າ Apple ມີຄຸນສົມບັດໃໝ່ອີກຫຼາຍຕົວທີ່ກຳລັງພັດທະນາຢູ່ ເພື່ອທີ່ຈະສ້າງຄວາມແຕກຕ່າງໃຫ້ກັບ iPhone ລຸ່ນໃໝ່ໃນອະນາຄົດ.

ທີ່ນ່າສົນໃຈກໍ່ຄື ເຕັກໂນໂລຢີໜ້າຈໍແບບໃໝ່ທີ່ Apple ໄດ້ກ່າວວ່າກຳລັງພັດທະນາແຜງໜ້າຈໍ OLED ທີ່ສາມາດຖືກເຮັດໃຫ້ໂຄ້ງໄດ້ໃນສ່ວນທີ່ຕ້ອງການ ແຕ່ຈະມີຄວາມແຕກຕ່າງຈາກໜ້າຈໍຂອບໂຄ້ງຂອງ Samsung ບ່ອນທີ່ເປັນ ຈໍໂຄ້ງຈາກຂອບເທິງມາຍັງຂອບລຸ່ມຂອງໜ້າຈໍ.

ອີກຄຸນສົມບັດໜຶ່ງເຊີ່ງກຳລັງພັດທະນາຄວບຄູ່ໄປກັບໜ້າຈໍແບບໃໝ່ ຄື Gesture Control (ລະບົບສັ່ງງານດ້ວຍການເຄື່ອນໄຫວ) ແບບໃໝ່ ເຊີ່ງຈະຊ່ວຍໃຫ້ຜູ້ໃຊ້ສາມາດຄວບຄຸມການເຮັດວຽກຂອງອຸປະກອນໄດ້ງ່າຍຂື້ນ ພຽງແຕ່ເລື່ອນນິ້ວເຂົ້າໃກ້ໜ້າຈໍ ໂດຍບໍ່ຈຳເປັນຕ້ອງສຳພັດໜ້າຈໍແຕ່ຢຟ່າງໃດ.

ທັງເຕັກໂນໂລຢີໜ້າຈໍ ແລະ ຄຸນສົມບັດ Gesture Control ແບບໃໝ່ນີ້ ຍັງຢູ່ໃນຂັ້ນຕອນການວິໄຈ ແລະ ພັດທະນາໃນເບື້ອງຕົ້ນໂດຍຄາດວ່າອາດນຳມາໃຊ້ກັບອຸປະກອນໃນປີ 2020 ຫຼື 2021.

ນອກຈາກນີ້ Apple ຍັງພັດທະນາເຕັກໂນໂລຢີໜ້າຈໍ Micro LED ແບບໃໝ່ ທີ່ອາດນຳມາໃຊ້ແທນໜ້າຈໍ OLED ທີ່ໃຊ້ຢູ່ໃນປັດຈຸບັນນີ້ ໂດຍມີຂ່າວລືວ່າຈະນຳມາໃຊ້ກັບ Apple Watch ກ່ອນເປັນອັນດັບທຳອິດ.


ອ້າງອີງ phonearena, beartai

ຄວາມຄິດເຫັນ

ຄວາມຄິດເຫັນ

LEAVE A REPLY

Please enter your comment!
Please enter your name here