ກໍ່ເປັນງານທຳອິດຂອງ Apple ຕັ້ງແຕ່ຈັດງານມາຫຼາຍປີທີ່ບໍ່ມີການຖ່າຍທອດສົດຜ່ານເວັບ Apple.com ເອງ ໂດຍງານນີ້ Tim Cook ໄດ້ຂື້ນປະກາດເທິງເວທີວ່າງານນີ້ເປັນງານກ່ຽວກັບການສຶກສາໂດຍສະເພາະ ແລະ ມາພ້ອມກັບ iPad ລຸ່ນໃໝ່ຕາມຂ່າວລືກ່ອນໜ້ານີ້.

iPad ລຸ່ນໃໝ່ກໍ່ຄື iPad 9.7 ລຸ່ນປັດຈຸບັນນຳມາປັດຝຸ່ນໃໝ່, ປັບສະເປັກຈັກນ້ອຍ ແລະ ເພີ່ມເຕີມຄືເຮັດໃຫ້ໂຕເຄື່ອງນັ້ນຮອງຮັບການໃຊ້ງານຮ່ວມກັບ Apple Pencil ເປັນທີ່ຮຽບຮ້ອຍ.

ສະເປັກ iPad ລຸ່ນໃໝ່

  • ໃຊ້ຊິບປະມວນຜົນ Apple A10 Fusion ແບບດຽວກັບ iPhone 7 ແລະະ iPhone 7 Plus
  • ຄວາມຈຸ 32GB ແລະ 128GB
  • ກ້ອງຫຼັງ 8 ລ້ານພິກເຊວ ຮອງຮັບການຖ່າຍວີດີໂອແບບ Full HD
  • ແບັດເຕີຣີ່ໃຊ້ງານໄດ້ 10 ຊົ່ວໂມງ
  • ນ້ຳໜັກ 1 ປອນ ຫຼື ປະມານ 450 ກຣາມ
  • ມີເຊັນເຊີ Gyroscope
  • ຮອງຮັບ AR

iPad ລຸ່ນໃໝ່ນັ້ນເຄາະລາຄາຢູ່ທີ່ $329 ຫຼື ປະມານ 2,700,000 ກີບ ສຳລັບບຸກຄົນທົ່ວໄປ ແລະ $299 ຫຼື ປະມານ 2,500,000 ກີບ ສຳລັບນັກຮຽນ ຫຼື ນັກສຶກສາ! ແຕ່ກໍ່ຍັງບໍ່ລວມ Apple Pencil ຢູ່ດີ ແຕ່ສຳລັບນັກສຶກສາສາມາດຊື້ Apple Pencil ໄດ້ໃນລາຄາ $89 ຈາກປົກກະຕິ $99.

ນອກຈາກນີ້ໃນສ່ວນຊອບແວກໍ່ສາມາດຕິດຕັ້ງ iWork ໄດ້ທັງໝົດຟຣີໆ  ເຊັ່ນ Page, Number, Keynote ລວມເຖິງແອັບພຼີເຄຊັ່ນສຳລັບສ້າງສັນຜົນງານເຊັ່ນ iMovie ຫຼື Garage Band ນຳ ບໍ່ພຽງເທົ່ານັ້ນສຳລັບນັກສຶກສາຈະສາມາດອັບເກຣດ iCloud ໄດ້ຮອດ 200GB ແຕ່ຈະຕ້ອງຈ່າຍເງິນນ້ອຍກວ່າຜູ້ໃຊ້ງານທົ່ວໄປເທົ່າໃດກໍ່ຍັງບໍ່ຮູ້.

iPad ລຸ່ນໃໝ່ສາາມາດສັ່ງໄດ້ເລີຍຕັ້ງແຕ່ມື້ນີ້ ແລະ ຈະເລີ່ມສົ່ງມອບໃນອາທິດໜ້າທີ່ສະຫະລັດ ອາເມລິກາ.

Apple Online Store ປະເທດໄທໄດ້ເພີ່ມລາຄາຂອງ iPad ລຸ່ນໃໝ່ເປັນທີ່ຮຽບຮ້ອຍແລ້ວ

  • 32GB Wi-Fi: 11,500 ບາດ ຫຼື ປະມານ 3,000,000 ກີບ ລາຄານັກສຶກສາ 10,800 ບາດ ຫຼື ປະມານ 2,800,000 ກີບ
  • 32GB Wi-Fi + Cellular: 16,500 ບາດ ຫຼື ປະມານ 4,400,000 ກີບ ລາຄານັກສຶກສາ 15,800 ບາດ ຫຼື ປະມານ 4,200,000 ກີບ
  • 128GB Wi-Fi: 14,900 ບາດ ຫຼື ປະມານ 4,000,000 ກີບ ລາຄານັກສຶກສາ 14,200 ບາດ ຫຼື ປະມານ 3,800,000 ກີບ
  • 128GB Wi-Fi + Cellular: 19,900 ບາດ ຫຼື ປະມານ 5,200,000 ກີບ ລາຄານັກສຶກສາ 19,200 ບາດ ຫຼື ປະມານ 5,000,000 ກີບ

ກໍ່ໍຕ້ອງຖ້າເບິ່ງວ່າຖ້ານຳເຂົ້າມາລາວແລ້ວລາຄາຈະຕົກຢູ່ເທົ່າໃດ


ອ້າງອີງ theverge, beartai

ຄວາມຄິດເຫັນ

ຄວາມຄິດເຫັນ

LEAVE A REPLY

Please enter your comment!
Please enter your name here