ກ່ອນໜ້ານີ້ມີຂ່າວລືອອກມາວ່າ iPhone SE 2 ຈະເປີດໂຕໃນກາງປີນີ້ ແຕ່ຫຼ້າສຸດນັກວິເຄາະຊື່ດັງ Ming-Chi Kuo ຈາກ KGI Securities ໄດ້ອອກມາສະແດງຄວາມບໍ່ໝັ້ນໃຈວ່າ iPhone SE 2 ຈະເປີດໂຕປີນີ້ ເພາະ Apple ມີແຜນຈະເປີດໂຕໄອໂຟນຮອດ 3 ລຸ່ນໃນປີນີ້ ເຮັດໃຫ້ Kuo ເບິ່ງວ່າ Apple ອາດມີເວລາບໍ່ພໍໃນການພັດທະນາ iPhone SE 2 ເຊິ່ງເປັນໄອໂຟນລຸ່ນນ້ອຍສຳລັບເຈາະຕະຫຼາດລຸ່ມ ແລະ Apple ຍັງມີບົດຮຽນຈາກການຜະລິດ iPhone X ທີ່ຊັກຊ້າມາແລ້ວປີກາຍນີ້.

ຢ່າງໃດກໍ່ຕາມ Kuo ກໍ່ຍັງບໍ່ຕັດຄວາມເປັນໄປໄດ້ທັງໝົດຂອງ iPhone SE 2 ໂດຍເບິ່ງວ່າຫາກລຸ່ນນີ້ອອກມາແທ້ກໍ່ອາດຈະມີການປັບປ່ຽນເລັກນ້ອຍເທົ່ານັ້ນ, ໃນເລື່ອງຂອງຊີພີຢູທີ່ໄວຂື້ນ ແລະ ອາດມີການແຊກຄຸນສົມບັດຂອງ iPhone X ຢ່າງການອອກແບບໜ້າຈໍບໍ່ມີຂອບ, ການສາກແບບບໍ່ໃຊ້ສາຍ ຫຼື 3D Sensing ສຳລັບສະແກນໃບໜ້າ Face ID ຢ່າງໃດຢ່າງໜຶ່ງ.

iPhone SE ເປີດໂຕຄັ້ງທຳອິດໃນປີ 2016 ແຕ່ຍັງບໍ່ເຄີຍມີລຸ່ນອັບເກຣດອອອກມາຈັກເທື່ອ ເຊີ່ງກໍ່ເຮັດໃຫ້ຫຼາຍຝ່າຍຕັ້ງຂໍ້ສົງໃສວ່າ Apple ຈະຍັງໃຫ້ຄວາມສຳຄັນກັບລຸ່ນຈໍນ້ອຍ 4 ນິ້ວແບບດັ້ງເດີມທີ່ເຄີຍສ້າງຊື່ສຽງໃຫ້ເຂົາຢູ່ ຫຼື ບໍ?


ອ້າງອີງ macrumors / beartai

ຄວາມຄິດເຫັນ

ຄວາມຄິດເຫັນ

LEAVE A REPLY

Please enter your comment!
Please enter your name here