ມື້ຄືນ Google ໄດ້ຈັດງານ Google I/O ໂດຍໄຮໄລຂອງງານນີ້ກໍ່ຄົງໜີບໍ່ພົ້ນ Android P ລະບົບປະຕິບັດການສຳລັບສະມາດໂຟນລຸ່ນຫຼ້າສຸດຂອງບໍລິສັດໄດ້ຖືກເປີດຕົວມາເປັນທີ່ຮຽບຮ້ອຍ.

ມີຫຍັງໃໝ່ໃນ Android P

  • ລະບົບການສັ່ງການແບບໃໝ່: Interface ຂອງ Android P ມິການອອກແບບໃໝ່ ໂດຍປ່ຽນຈາກປຸ່ມກົມໆ ເປັນຂີດຄ້າຍກັບ iPhone X ປັດຂື້ນເພື່ອເຂົ້າສູ່ໜ້າໂຮມ ປັດຂື້ນຄ້າງໄວ້ເພື່ອເປີດ Multitasking ແຕ່ການເລື່ອນສາມາດໃຊ້ Indicator ຫຼື ຂີດໆ ໃນການເລື່ອນເບິ່ງແອັບພຼີເຄຊັ່ນໄດ້ ແຕ່ຍັງມີປຸ່ມ ​Back ຢູ່

  • Digital Well Being: ປັດຈຸບັນ Google ພົບວ່າຜູ້ຄົນໃຊ້ງານສະມາດໂຟນຫຼາຍເກີນໄປ ຄຸນສົມບັດນີ້ຈະຊ່ວຍແຈ້ງເຕືອນກ່ຽວກັບການໃຊ້ງານວ່າຜູ້ໃຊ້ງານໃນສ່ວນຕ່າງໆ ນ້ອຍຫຼາຍຂະໜາດໃດເພື່ອເປັນການປັບລັກສະນະການໃຊ້ງານຂອງຜູ້ໃຊ້ງານເອງນຳ ນອກຈາກນີ້ຍັງມີຄຸນສົມບັດທີ່ຊ່ວຍຖະໜອມຮ່າງກາຍໃຫ້ຜູ້ໃຊ້ງານຢ່າງ Wind Down ເຊິ່ງຈະປ່ຽນສີໜ້າຈໍໃຫ້ເປັນຂາວດຳເມື່ອຢູ່ໃນທີ່ມືດ ເພື່ອຊ່ວຍຖະໜອມສາຍຕາ ຫຼື App Timer ຊ່ວຍກຳໜົດໄລຍະເວລາການໃຊ້ງານແອັບພຼີເຄຊັ່ນໄດ້

Android Intelligent

ເອີ້ນໄດ້ວ່າເປັນໝວດໃຫຍ່ຂອງ Android P ທີ່ມາພ້ອມກັບຄຸນສໄົມບັດໃໝ່ໆ ສຳລັບໃຊ້ໃນຊີວິດປະຈຳວັນແບບຫຼາກຫຼາຍ

  • Adaptive Battery: ລະບົບໃໝ່ທີ່ຈະຈຳແນກແອັບພຼີເຄຊັ່ນທີ່ໃຊ້ຕະຫຼອດ ແລະ ບໍ່ຄ່ອຍໃຊ້, ແອັບພຼີເຄຊັ່ນທີ່ບໍ່ໄດ້ຖູກໃຊ້ຫຼາຍຈະຖືກຈຳກັດການໃຊ້ງານຂອງ CPU ຊ່ວຍໃຫ້ປະຢັດແບັດເຕີຣີ່ຫຼາຍຂື້ນ
  • Adaptive Brightness: ລະບົບຈະຮຽນຮູ້ການໃຊ້ງານສະມາດໂຟນຂອງເຮົາ ແລະ ປັບແສງໃຫ້ໂດຍອັດຕະໂນມັດ ບໍ່ຄືຍຸກເກົ່າທີ່ໃຊ້ພຽງເຊັນເຊີວັດແສງເທົ່ານັ້ນ
  • App Actions: ລະບົບຈະຮຽນຮູ້ການໃຊ້ງານຂອງເຮົາ ແລະ ແນະນຳແອັບພຼີເຄຊັ່ນທີ່ຕ້ອງການໃຊ້ງານ ເຊັ່ນ ຫາກວ່າເຮົາຕໍ່ຫູຟັງເຂົ້າກັບສະມາດໂຟນກໍ່ຈະມີການແຈ້ງເຕືອນແອັບພຼີເຄຊັ່ນສຳລັບຟັງເພງເຊັ່ນ Spotify ມາໃຫ້ຮູ້
  • Slices: ຊ່ວຍຫຼຸດໄລຍະເວລາການເອີ້ນໃຊ້ງານແອັບພຼີເຄຊັ່ນ ສົ່ງຜົນໃຫ້ໂຫຼດແອັບໄດ້ໄວຂື້ນ

ເຊິ່ງສະມາດໂຟນລຸ່ນທີ່ທາງ Google ໄດ້ປ່ອຍອັບເດດ Android P Beta ໃຫ້ໄປໃຊ້ກັນກ່ອນເລີຍກໍ່ໄດ້ແກ່ Pixel ສະມາດໂຟນຫຼັກຂອງທາງ Google ແລະ Sony, Xiaomi, Nokia, Oppo, vivo, OnePlus, ແລະ Essential phone.

ສຳລັບລຸ່ນທີ່ຮອງຮັບການອັບເດດ Android P Beta ມີດັ່ງນີ້:

  • Sony Xperia XZ2
  • Xiaomi Mi Mix 2S
  • Nokia 7 plus
  • Oppo R15 Pro
  • vivo X21
  • Essential Phone

ນອກນີ້ກໍ່ຈະຍັງມີ OnePlus 6 ທີ່ຈະເຂົ້າຮ່ວມກັບໂຄງການນີ້ເຊັ່ນກັນແຕ່ຕ້ອງຖ້າເປີດຕົວກ່ອນ. ສ່ວນ Samsung ແລະ Huawei ແມ່ນບໍ່ມີລາຍຊື່.

ຕອນນີ້ Android P ເປີດໃຫ້ດາວໂຫຼດ ແລະ ຕິດຕັ້ງແບບ Beta ຫຼື ແບບທົດລອງແລ້ວ ຄົນທີ່ສົນໃຈກໍ່ສາມາດນຳໄປລອງຫຼິ້ນກັນໄດ້.


ທີ່ມາ, ທີ່ມາ2 / ອ້າງອີງ, ອ້າງອີງ2

ຄວາມຄິດເຫັນ

ຄວາມຄິດເຫັນ

LEAVE A REPLY

Please enter your comment!
Please enter your name here