ເປັນອີກໜຶ່ງກະແສຂ່າວຄວາມເຄື່ອນໄຫວຂອງໄອໂຟນລຸ່ນປີ 2018 ເມື່ອຫຼ້າສຸດ Jun Zhang ນັກວິເຄາະຈາກສະຖາບັນວິໄຈ Rosenblat ອອກມາເປີດເຜີຍວ່າໃນລຸ່ນ iPhone X Plus ນັ້ນຈະສາມາດຮອງຮັບການໃຊ້ງານປາກກາສະໄຕລັສ ‘iPen’ ໄດ້ແບບດຽວກັບ ‘S Pen’ ເຊັ່ນດຽວກັບຕະກຸນ Galaxy Note.

ເປັນທີ່ເຂົ້າໃນກັນວ່າໄອໂຟນໃນປີນີ້ຈະເປີດຕົວອອກມາ 3 ລຸ່ນຄື ລຸ່ນຈໍ LCD ຂະໜາດ 6.1 ນິ້ວ ແລະ ລຸ່ນຈໍ OLED ຂະໜາດ 5.8 ແລະ 6.5 ນິ້ວ ເຊິ່ງ Jun Zhang ນັ້ນຄາດການວ່າໃນລຸ່ນ 6.5 ນິ້ວ (iPhone X Plus) ນັ້ນຈະມີຄວາມແຕກຕ່າງບ່ອນທີ່ສາມາດໃຊ້ປາກກາ iPen ເຊິ່ງມີຂ່າວລືວ່າ Apple ພັດທະນາອອກມາສຳລັບໃຊ້ງານກັບໄອໂຟນ ເຊັ່ນດຽວກັບ Pencil ທີ່ເຄີຍພັດທະນາໃຫ້ກັບໄອແພດ ແຕ່ເບື່ອງຕົ້ນນັກວິເຄາະກໍ່ເຊື່ອວ່າ iPen ນັ້ນຈະບໍ່ໄດ້ຕິດມາພ້ອມກັບຕົວເຄື່ອງຄື Galaxy Note ແຕ່ຜູ້ໃຊ້ຈະຕ້ອງຊື້ປາກກາແຍກຕາງຫາກ.

ນອກຈາກນີ້ iPhone X Plus ນັ້ນຄາດວ່າຈະມາພ້ອມກັບຕົວເລືອກແບບ 2 ຊີມ ເພື່ອຈະເຈາະຕະຫຼາດໃນປະເທດຈີນເປັນຫຼັກ ໂດຍຫາກຂ່າວລືເລື່ອງ iPen ເປັນຈິງ ກໍ່ໝາຍຄວາມວ່າ iPhone X Plus ຈະເຂົ້າມາເປັນຄູ່ແຂ່ງກັບຕະກຸນ Galaxy Note ຢ່າງເຕັມຮູບແບບ.


ອ້າງອີງ beartai

ຄວາມຄິດເຫັນ

ຄວາມຄິດເຫັນ

LEAVE A REPLY

Please enter your comment!
Please enter your name here