ລາຍງານຫຼ້າສູດເຜີຍ ສະມາດໂຟນລະບົບປະຕິບັດການ Android ລຸ່ນທຳອິດທີ່ມີລະບົບຈື່ຈຳໃບໜ້າ 3 ມິຕິ (3D facial recognition) ຈະບໍ່ເປີດຕົວຈົນກວ່າຈະຮອດໄຕມາດ 3 ໃນປີນີ້ ເນື່ອງຈາກຂະບວນການຜະລິດຖູກເລື່ອນໃຫ້ຊ້າລົງເພື່ອຕິດຕັ້ງລະບົບການສະແກນ 3 ມິຕິລົງໄປ ເຊິ່ງເປັນເຕັກໂນໂລຢີສະແກນດຽວກັນກັບ TrueDepth ທີ່ໃຊ້ໃນ iPhone X ໂດຍປະໂຫຍດຂອງສະແກນແບບ 3 ມິຕິນີ້ ຄື ເຖິງແມ່ນວ່າຜູ້ໃຊ້ຈະຈົ່ງໜວດ, ປ່ຽນຊົງຜົມ, ໃສ່ໝວກ ຫຼື ແວ່ນກັນແດດ ກໍ່ຕາມ ສະມາດໂຟນທີມີລະບົບ 3D sensing ກໍ່ຍັງສາມາດຈື່ຈຳໄດ້.

ຜູ້ຜະລິດອຸປະກອນສຳລັບ 3D sensing ໃນຕອນນີ້ມີບັນຫາໃນການພັດທະນາຊອບແວ ແລະ ຮາດແວໃນລະບົບປະຕິບັດການ Android ໃຫ້ຮອງຮັບເຕັກໂນໂລຢີດັ່ງກ່າວ, ໂດຍ Qualcomm Snapdragon 845 ເປັນຊິບຕົວດຽວໃນຕອນນີ້ທີ່ຄິດວ່າສາມາດເຮັດວຽກຮ່ວມກັບ 3D sensing ໄດ້ ເຊິ່ງຈາກຂໍ້ມູນດັ່ງກ່າວເຮັດໃຫ້ເຮົາສາມາດຕັດ Samsung ແລະ Huawei ອອກໄປຈາກລາຍການສະມາດໂຟນທີ່ຈະຮອງຮັບລະບົບການສະແກນ 3 ມິຕິໄດ້ ເພາະທັງສອງແບຣນໃຊ້ຊິບປະມວນຜົນ Exynos ແລະKirin ຈຶ່ງບໍ່ແມ່ນສະມາດໂຟນຕົວທຳອິດທີ່ຈະໄດ້ຮັບອຸປະກອນສຳລັບ 3D sensing.

ມີການຄາດການວ່າ Xiaomi Mi 7 ເຊິ່ງຈະໃຊ້ Snapdragon 845 ໜ້າຈະເປັນ Android ລຸ່ນທຳອີດທີ່ມີອຸປະກອນສຳລັບການສະແກນແບບ 3 ມິຕິ ເຊິ່ງ Xiaomi Mi 7 ຈະເປີດຕົວຊ້າກວ່າລຸ່ນກ່ອນໆ ໂດຍອາດເລື່ອນໄປເປີດຕົວໃນຊ່ວງໄຕມາດທີ່ 3.


ອ້າງອີງ beartai

ຄວາມຄິດເຫັນ

ຄວາມຄິດເຫັນ

LEAVE A REPLY

Please enter your comment!
Please enter your name here