ຫຼັງຈາກທີ່ໄດ້ມີການເປີດຕົວ Nokia 6 (2018) ແລະ Nokia 8 Sirocco ໃນງານ MWC 2018 ທີ່ຜ່ານມາ, ຫຼ້າສຸດໄດ້ມີການປ່ອຍໂຄສະນາເປີດຕົວສະມາດໂຟນລຸ່ນຫຼ້າສຸດຂອງ HMD Global ຫຼື ກໍ່ຄື Nokia X ນັ້ນເອງ, ເຊິ່ງຈະເປີດໂຕໃນວັນທີ່ 27 ເມສາ 2018 ນີ້ ໂດຍຈະມີພາບເຣນເດີໃຫ້ໄດ້ເບິ່ງກັນ ແຕ່ມັນກໍ່ຍັງບໍ່ເຫັນຢ່າງຊັດເຈນເທື່ອ.

ຈາກຂ່າວລື Nokia X ອາດຈະໃຊ້ຊິບເຊັດ  Qualcomm Snapdragon ຫຼື MediaTek ພ້ອມກັບແຣມ 4-6 GB ໂດຍຄາດວ່າຈະເປັນສະມາດໂຟນລະດັບກາງ ແຕ່ຍັງບໍ່ໄດ້ຮັບການຢືນຢັນເທື່ອ.

ຍ້ອນກັບໄປໃນປີ 2014 ທາງ Microsoft ໄດ້ຊື້ພະແນດໂທລະສັບຂອງ Nokia ແລະ ໄດ້ເປິດຕົວສະມາດໂຟນລະບົບ Android  ພາຍໃຕ້ຊື່ Nokia X ເຊີ່ງເປັນສະມາດໂຟນລະດັບລຸ່ມ ແຕ່ບໍ່ໄດ້ຮັບຄວາມສົນໃຈຫຼາຍເທົ່າໃດ.

ໃນຂະນະນີ້ກໍ່ຍັງບໍ່ມີການຢືນຢັນເທື່ອວ່າ Nokia X ຂອງ HMD Global ຈະວາງຂາຍທົ່ວໂລກ ຫຼື ສະເພາະໃນອາຊີເທົ່ານັ້ນ.


ອ້າງອີງ gsmarenabeartai

ຄວາມຄິດເຫັນ

ຄວາມຄິດເຫັນ

LEAVE A REPLY

Please enter your comment!
Please enter your name here