ຫຼຸດພາບສະເກັດເຜີີຍໂສມ Sony Xperia XZ Pro ມາພ້ອມຈໍ OLED 4K ກ່ອນເປີດໂຕເດືອນໜ້າ

0
78

ໃກ້ເຂົ້າມາຫຼາຍແລ້ວສຳລັບງານ Mobile World Congress 2018 ໃນເດືອນ ກຸມພາ ທີ່ຈະຮອດນີ້, ຄາດວ່າຈະໄດ້ເຫັນມືຖືເຮືອທົງອອກມາເປີດໂຕໃນຊ່ວງຕົ້ນປີໃຫ້ໄດ້ຮືຮາກັນ. ຫຼ້າສຸດນີ້ມີຄວາມຄືບໜ້າຂອງ Sony Xperia XZ Pro ວ່າທີ່ສະມາດໂຟນແຖວໜ້າໃໝ່ຂອງ Sony ທີ່ມີພາບສະເກັດຫຼູດອອກມາໃຫ້ເຫັນໜ້າຕາກັນແບບຄ່າວໆແລ້ວ

ພາບສະເກັດຈະສະແດງໃຫ້ເຫັນຕົວສະມາດໂຟນທັງດ້ານໜ້າ ແລະ ຫຼັງ, ດ້ານໜ້າຄາດວວ່າຈະເປັນຈໍສະແດງຜົນແບບສິດຂອບ ມີກ້ອງ ແລະ ລຳໂພງຕິດຢູ່ທາງເທິງ. ທາງດ້ານຫຼັງຈະມີກ້ອງຄູ່ຢູ່ມຸມເທິງທາງຊ້າຍ ແລະ ມີໂລໂກ້ Xperia ແລະ ສັນຍາລັກ NFC ຕິດຢູ່ທາງກາງ. ສ່ວນຕົວສະແກນລາຍນິ້ວມືນັ້ນກໍ່ຍັງຄົງຢູ່ດ້ານຂ້າງຂອງຕົວເຄື່ອງຕິດກັບປຸ່ມເພີ່ມ-ຫຼຸດສຽງຄືເກົ່າ.

ສຳລັບສະເປັກຂອງ Xperia XZ Pro ນັ້ນຄາດວ່າຈະມາພ້ອມກັບໜ້າຈໍ OLED 4K ຂະໜາດ 5.7 ນິ້ວ ທີ່ອັດຕາສ່ວນໜ້າຈໍ 18:9, ຊີພີຢູ Snapdragon 845, ແຣມ 6 GB ແລະ ໜ່ວຍຄວາມຈຳໃນ 128 GB, ກ້ອງໜ້າຄວາມລະອຽດ 13 ລ້ານພິກເຊວ, ສ່ວນກ້ອງຫຼັງນັ້ນກໍ່ຕ້ອງຖ້າເບິ່ງກັນວ່າທາງ Sony ຈະຍັດເອົາໂຕໃດມາໃສ່ກັນ.


ອ້າງອີງ PhoneCorridor / beartai

ຄວາມຄິດເຫັນ

ຄວາມຄິດເຫັນ

LEAVE A REPLY

Please enter your comment!
Please enter your name here