ສະມາດໂຟນວ່າທີ່ເຮືອທຸງອີກລຸ່ນທີ່ຕົກເປັນຂ່າວລື ແລະ ພາບຫຼຸດຕົວເຄື່ອງອອກມາເປັນໄລຍະໆ ໃນທີ່ສຸດ Sony Xperia XZ Premium ກໍ່ໄດ້ຖືກເປີດໂຕໃນງານ Mobile World Congress 2017 ທີ່ບາເຊວໂລນາ ປະເທດສະເປນ ເປັນທີ່ຮຽບຮ້ອຍແລ້ວ ເວົ້າໄດ້ເລີຍວ່າສະເປັກເກືອບຈະກົງກັບຂ່າວລືທີ່ອອກມາກ່ອນໜ້ານີ້ເລີຍ

ໂດຍມາພ້ອມກັບໜ້າຈໍຄວາມລະອຽດລະດັບ 4K ຮອງຮັບເທັກໂນໂລຢີ HDR, ຊິບເຊັດໂຕລ່າສຸດຢ່າງ Snapdragon 835  ລວມທັງ Motion Eye ເຊັນເຊີກ້ອງໂຕໃໝ່ທີ່ມີໜ່ວຍຄວາມຈຳໃນໂຕ ສາມາດຖ່າຍວີດີໂອ super slow motion ທີ່ 960 ເຟຣມຕໍ່ວິນາທີ

ສະຫຼຸບສະເປັກຂອງ Sony Xperia XZ Premium ມີດັ່ງນີ້

  • ຈໍສະແດງຜົນ Triluminos ຂະໜາດ 5.5 ນິ້ວ ຄວາມລະອຽດ 4K ຮອງຮັບ HDR ແລະ ໃຊ້ແກ້ວຈໍ Gorilla Glass 5
  • ຊິບປະມວນຜົນ Qualcomm Snapdragon 835
  • ກ້ອງຫຼັງ 19 ລ້ານພິກເຊວ ຮອງຮັບເທັກໂນໂລຢີ Motion Eye ຖ່າຍວີດີໂອແບບ super slow motion ໄດ້ 960 ອັດຕາເຟຣມພາບຕໍ່ວິນາທີ ທີ່ຄວາມລະອຽດ HD 720p
  • ກ້ອງໜ້າ 13 ລ້ານພິກເຊວ
  • ແຣມ 4 GB ຣອມ 64GB (ສາມາດເພີ່ມ MicroSD ໄດ້ສູງສຸດ 256 GB)
  • ລະບົບປະຕິບັດການ Android 7.1 Nougat
  • ຮອງຮັບພອດເຊື່ອມຕໍ່ USB-C
  • ຮອງຮັບຄຸນນະສົມບັດກັນນ້ຳກັນຝຸ່ນທີ່ລະດັບ IP68
  • ແບັດເຕີຣີຂະໜາດ 3,230 mAh ຮອງຮັບ QuickCharge 3.0 ພ້ອມລະບົບສາກໄຟ Qnovo Adaptive Charging ຊ່ວຍຖະໜອມແບັດເຕີຣີລະຫວ່າງສາກ
  • ໂຕເຄື່ອງມີນ້ຳໜັກ 195 ກຣາມ ໜາ 7.9 ມີລີແມັດ
  • ມີ 2 ສີໃຫ້ເລືອກ ຄື Luminous Chrome ແລະ Deepsea Black

ຢ່າງໃດກໍ່ຕາມ Sony ຍັງບໍ່ໄດ້ປະກາດມື້ ແລະ ເວລາວາງຈຳໜ່າຍ Xperia XZ Premium ອອກມາຢ່າງເປັນທາງການ ແຕ່ຄາດກັນວ່າຈະເປັນໃນຊ່ວງປາຍລະດູບານໃໝ່ (ລະວ່າງເດືອນ ພຶດສະພາ ມິຖຸນາ) ນອກນັ້ນ ທາງ Sony ຍັັງອຸບໄຕເອົາໄວ້ ລະບຸພຽງແຕ່ວ່າລາຄາຈະແຕກຕ່າງກັນຕາມແຕ່ລະປະເທດທີ່ວາງຈຳໜ່າຍ ສາວົກອະລິຍະທຳຕ້ອງຖ້າຕິດຕາມລາຍລະອຽດເພີ່ມຕື່ມກັນ

ຂໍ້ມູນ ອ້າງອິງ / ອ້າງອິງ2

ທີ່ມາ beartai

ຄວາມຄິດເຫັນ

ຄວາມຄິດເຫັນ

LEAVE A REPLY

Please enter your comment!
Please enter your name here