LINE ປ່ອຍອັບເດດເວີຊັ່ນລ່າສຸດ 7.1 ລົງ iOS ຮຽບຮ້ອຍ ຫຼັງຈາກປ່ອຍໃຫ້ Android ອັບເດດໄດ້ເມື່ອອາທິດກ່ອນ ໂດຍເວີຊັ່ນນີ້ມີຄວາມສາມາດທີ່ເປັນຕາສົນໃຈຫຼາຍຢ່າງເລີຍ

ສົ່ງໄຟລ໌ໄດ້ແລ້ວໃນ Android 

ຈາກເດີມທີ່ການສົ່ງໄຟລ໌ຜ່ານ LINE ຈະຕ້ອງເລີ່ມຕົ້ນຈາກ LINE ຂອງ PC ຫຼື Mac ເທົ່ານັ້ນ ແຕ່ໃນເວີຊັ່ນລ່າສຸດຂອງ Android ຜູ້ໃຊ້ສາມາດເລືອກໄຟລ໌ໃນເຄື່ອງ ຈະເປັນໄຟລ໌ Word, PDF ຯລຯ ເພື່ອສົ່ງໃດ້ເພື່ອນໄດ້ເລີຍ

ພີມ @ ເພື່ອອ້າງເຖິງໝູ່ໃນກຸ່ມໄດ້

ບັນຫາໃຫຍ່ຂອງການແຊັດກຸ່ມຄືເວລາມີຄົນແຊັດຫຼາຍໆ ເຮົາຈະພາດເລື່ອງສຳຄັນທີ່ກ່ຽວກັບເຮົາໄດ້, ໃນ LINE 7.1 ທັງ iOS ແລະ android ຈຶ່ງເພີ່ມຄວາມສາມາດໃນການອ້າງເຖິງເພື່ອນໃນກຸ່ມໄດ້ ພຽງແຕ່ພີມ @ ແລ້ວຕາມດ້ວຍຊື່ໝູ່ ກໍ່ຈະມີລາຍການມາໃຫ້ເລືອກ

ແລ້ວໝູ່ຄົນທີ່ຖືກອ້າງເຖິງ ກໍ່ຈະໄດ້ຮັບການແຈ້ງເຕືອນພິເສດແບບສະເພາະເຈາະຈົງ ເຮັດໃຫ້ບໍ່ພາດເນື້ອຫາ

ເບິ່ງຮູບພາບ ແລະ ວີດີໂອແບບ 360 ອົງສາໄດ້ແລ້ວ

LINE 7.1 ທັງ iOS ແລະ Android ສາມາດສົ່ງ ແລະ ຮັບຊົມຮູບພາບ ຫຼື ວີດີໂອແບບ 360 ອົງສາໃນແອັບໄດ້ເລີຍ ໂດຍຜູ້ໃຊ້ອຸປະກອນຢ່າງ Ricoh Theta ຫຼື ແອັບທີ່ສ້າງພາບ 360 ອົງສາ ກໍ່ສາມາດສົ່ງ ແລະ ເບິ່ງໄດ້ໃນໄລນ໌ເລີຍ

ຄວາມສາມາດອື່ນໆຂອງ LINE 7.1

  • ປັບປຸງຄຸນນະພາບຂອງວີດີໂອທີ່ສົ່ງໃນແຊັດ
  • ຜູ້ໃຊ້ iOS ຈະລັອກອິນໄລນ໌ໃນ Safari ງ່າຍຂື້ນ
  • ຜູ້ໃຊ້ iOS ສາມາດໃຊ້ Siri ສັ່ງສົ່ງຮູບໃນໄລນ໌ໄດ້
  • ໜ້າ Notification ສຳລັບການໂທໃໝ່ໃນ Android
  • ເມນູ + ແບບໃໝ່ໃນ iOS ເຮັດໃຫ້ສົ່ງຮູບໄດ້ໄວກວ່າເກົ່າ

 

ຮູ້ແບບນີ້ແລ້ວຍັງຖ້າເຮັດຫຍັງຟ້າວໄປ ອັບເດດ ເລີຍເນີ້

 

ຂໍມູນອ້າງອີງຈາກ LINE Blog

ທີ່ມາ beartai

ຄວາມຄິດເຫັນ

ຄວາມຄິດເຫັນ

LEAVE A REPLY

Please enter your comment!
Please enter your name here