Nokia 6 ຖືກເປີດໂຕໄປເມື່ອງານ CES ທີ່ຜ່ານມາແຕ່ ເສຍດາຍທີ່ຕອນເປີດໂຕທາງ HMD ລະບຸວ່າຈະວາງຈຳໜ່າຍແຕ່ໃນປະເທດຈີນເທົ່ານັ້ນ ແຕ່ຫຼັງຈາກເປີດໂຕ Nokia 3, 5 ແລະ 3310 ລຸ່ນໃໝ່ ເມື່ອ ວັນທີ່ 26 ກຸມພາ 2017 ຜ່ານມານີ້ກໍ່ມີປະກາດເຮັດ Nokia 6 ລຸ່ນວາງຈຳໜ່າຍທົ່ວໂລກແລ້ວ

Nokia 6 ສະມາດໂຟນລາຄາຖືກສະເປັກດີ ຂະໜາດໜ້າຈໍ 5.5 ນິ້ວ ຄວາມລະອຽດ Full HD, ປະມວນຜົນດ້ວຍ Snapdragon 430, RAM 3GB ,  ຄວາມຈຸເຄື່ອງ 32GB, ແບັດເຕີຣີຄວາມຈຸ 3,000 mAh ແຕ່ການຈະວາງຈຳໜ່າຍໃນຈີນທາງ HMD ຈະຕ້ອງນຳບໍລິການບາງຢ່າງອອກເຊັ່ນ Play Store ແຕ່ສຳລັບລຸ່ນທີ່ວາງຈຳໜ່າຍທົ່ວໂລກຈະມີ Play Store ໃຫ້ໃຊ້ງານຄືລຸ່ນອື່ນໆ

ໃນສ່ວນຂອງລາຄານັ້ນຈະຢູ່ທີ່ 229 ຢູໂຣ ຫຼື ປະມານ 2,010,000 ກີບ ແຕ່ນອກຈາກນີ້ Nokia 6 ກໍ່ຍັງມີລຸ້ນ Limited Edition ຄືສີ Arte Black ຫຼື ສີດຳເງົາ ເຊີ່ງຈະມີລາຄາສູງກວ່າລຸ່ນປົກກະຕິ 30 ຢູໂຣ ລວມປະມານ 2,270,000 ກີບແຕ່ຈະໄດ້ສະເປັກທີ່ດີຂື້ນນຳ ໂດຍຂະຫຍາຍຄວາມຈຸເປັນ 64GB ແລະ ແຣມ 4GB

ກຳນົດການວາງຈຳໜ່າຍທົ່ວໂລກຍັງບໍ່ມີປະກາດຢ່າງເປັນທາງການອອກມາ ທັງນີ້ Engadget  ໄດ້ສອບຖາມ HMD ເພີ່ມເຕີມເຖິງລຸ່ນ “ເຮືອທຸງ” ເຊີ່ງທາງ HMD ລະບຸວ່າ ຂໍໃຫ້ຖ້າໄປກ່ອນ ມາແນ່ນອນ

 

ທີ່ມາ beartai

ຄວາມຄິດເຫັນ

ຄວາມຄິດເຫັນ

LEAVE A REPLY

Please enter your comment!
Please enter your name here