ໃນການຜະລິດແຫຼ່ງເກັບຂໍ້ມູນ volatile ແລະ non-volatile storage solutions ທີ່ມີຄຸນນະພາບສູງໃນຕະຫຼາດນັ້ນຄົງຕ້ອງຍົກໃຫ້ Samsung ເປັນບໍລິສັດຊັ້ນນຳອິຫຼີ ເພາະນອກຈາກຈະມີຜູ້ທີ່ນຳເອົາຊິບແຫຼ່ງເກັບຂໍ້ມູນນີ້ໄປໃຊ້ໃນຜະລິດຕະພັນຂອງຕົວເອງຢ່າງຫຼວງຫຼາຍແລ້ວ ຍັງເຫັນໄດ້ວ່າທາງ Samsung ນຳເອົາຊິບດັ່ງກ່າວມາໃຊ້ຜະລິດແຫຼ່ງເກັບຂໍ້ມູນໃນຊື່ແບຣນຂອງຕົວເອງອອກຈຳໜ່າຍເຊັ່ນດຽວກັນ ໂດຍຫຼ້າສຸດທາງ Samsung ໄດເປີດຕົວແຫຼ່ງເກັບຂໍ້ມູນແບບ M.2 SSD ລຸ່ນໃໝ່ໄດ້ແກ່ 970 EVO ແລະ Pro ອອກມາ.

ສຳລັບ M.2 SSD ລຸ່ນໃໝ່ແບບ 970 EVO / Pro ນັ້ນຈະເນັ້ນຂາຍໃຫ້ກັບຜູ້ບໍລິໂພກທົ່ວໄປ ດັ່ງນັ້ນແລ້ວເຮົາອາດຈະບໍ່ໄດ້ເຫັນວ່າມັນແຮງສ່ຳໃດ ທັງໃນສ່ວນຂອງຄວາມໄວໃນການອ່ານ ແລະ ຂຽນຂໍ້ມູນ. ແຕ່ເມື່ອທຽບກັບຄູ່ແຂ່ງໃນຕະຫຼາດລະດັບດຽວກັນແລ້ວ ຈະເຫັນວ່າຂອງ Samsung ຖຶວ່າເປັນຜູ້ນຳໄດ້ແບບສະບາຍໆ ໂດຍທັງ 970 EVO / Pro ນັ້ນຈະມາພ້ອມກັບຄອນໂທຣເລີ NVMe 1.3 Phoenix ເຊິ່ງມີອິນເຕີເຟສແບບ PCLe 3.0 x4 ໂດຍມາພ້ອມກັບ  From Factor ແບບ M.2.

ທັງສອງລຸ່ນນີ້ຈະມາພ້ອມກັບ 64-layer 3D V-NAND MLC ເຊິ່ງເຮັດໃຫ້ມີຄວາມໄວໃນການອ່ານຂໍ້ມູນແບບລຳດັບຢູ່ທີ່ 3,500 MB/s ແລະ ການຂຽນຢູ່ທີ່ 2,000 MB/s ໂດຍລຸ່ນ Pro ນັ້ນຈະມີຂະໜາດຄວາມຈຸຢູ່ທີ່ 512 GB ແລະ 1 TB ເທົ່ານັ້ນ, ສ່ວນລຸ້ນ Evo ນັ້ນຈະມີຄວາມຈຸ 200 GB ແລະ 2 TB ເພີ່ມເຂົ້າມາເປັນຕົວເລືອກນຳ ເຊິ່ງທາງ Samsung ໄດ້ບອກເອົາໄວ້ວ່າທັງ 2 ລຸ່ນນັ້ນຈະມາພ້ອມກັບຄວາມທົນຫຼາຍກວ່າລຸ່ນເກົ່າຮອດ 50% ແຖມຍັງມາພ້ອມກັບເຕັກໂນໂລຢີ Dynamic Thermal Guard ທີ່ປ້ອງກັນດ້ານຄວາມຮ້ອນບໍ່ໃຫ້ສູງຫຼາຍເກີນໄປ ລວມເຖິງມາດຕະຖານ Opal 2.0 ທີ່ເຂົ້າມາຊ່ວຍໃນການຂຽນຂໍ້ມູນອີກ.

970 NVMe SSDs ລຸ່ນໃໝ່ນັ້ນຈະເລີ່ມວາງຈຳໜ່າຍຢ່າງເປັນທາງການໃນວັນທີ່ 7 ພຶດສະພາ ນີ້ ເຊິ່ງລາຄາເລີ່ມຕົ້ນຈະຢູ່ທີ່ $119 ໃນລຸ່ນ Evo ທີ່ຂະໜາດຄວາມຈຸ 256 GB ແລະ $329 ສຳລັບລຸ່ນ Pro ຄວາມຈຸ 512 GB.


ອ້າງອີງທີ່ມາ

ຄວາມຄິດເຫັນ

ຄວາມຄິດເຫັນ

LEAVE A REPLY

Please enter your comment!
Please enter your name here