ເປັນການຮ່ວມມືກັນລະຫວ່າງ NVIDIA ກັບ Square Enix , Eidos Montreal , Crystal Dynamics ແລະ Nixxes Software ທີ່ຕ້ອງກັນໃຫ້ປະສິດຕິພາບກຣາຟິກເກມເຮັດວຽກໄດ້ດີຂື້ນດ້ວຍການປະກາດວ່າເກມໃໝ່ Shadow of the Tomb Raider ຂະສະໜັບສະໜຸນການ Optimize ກຣາຟິກກາດຂອງ NVIDIA ຢ່າງເປັນທາງການ.

ການປະກາດຂອງ NVIDIA ເທື່ອນີ້ກໍ່ເຮັດໃຫ້ກາດຈໍຂອງເຂົາສາມາດສະແດງປະສິດຕິພາບໄດ້ດີຂື້ນ ຈະເຮັດໃຫ້ກຣາຟິກພາບໃນເກມຄົມຊັດສົມຈິງ ໂດຍຈະເລີ່ມຕົ້ນຮອງຮັບທີ່ກາດຈໍ GTX series-10 ແລະ ຈະທະຍອຍເພີ່ມການຮອງຮັບກາດຈໍຊີຣີ່ທື່ນຕໍ່ໄປໃນອະນາຄົດ ເຊິ່ງໝາຍຄວາມວ່າເຮົາອາດຈະໄດ້ປັບແຕ່ງ Option ຈຳພວກ VXAO , HBAO+ ເຊິ່ງເປັນເຕັກໂນໂລຢີຂອງ Geforce ນັ້ນເອງ.

ຖືວ່າເປັນຂ່າວດີສຳລັບສາວົກກາດຈໍຄ່າຍຂຽວກັນໄປ ແຕ່ສິ່ງທີ່ໜ້າສົນໃຈກໍ່ຄືທາງຜູ້ພັດທະນາເກມ Shadow of the Tomb Raider ກໍ່ປ່ອຍຕົວຢ່າງທຳອິດແບບຊັດໆ ອອກມາໃຫ້ເບິ່ງກັນນຳຫຼັງຈາກທີ່ເຄີຍມີຄຼິບຫຼູດອອກມາເມື່ອຫຼາຍເດືອນກ່ອນ, ໂດຍຕົວຢ່າງນີ້ມາໃນຊື່ວ່າ The End of the Beginning.

ຈາກວີດີໂອຈະເຫັນໄດ້ວ່າ Lara Croft ອອກຕະລຸຍໃນພື້ນທີ່ຫຼາຍຮູບແບບຕັ້ງແຕ່ປ່າດົງດິບ, ຜາ, ໃຕ້ນ້ຳໄປຈົນເຖິງສະຖານທີ່ຂອງຊົນເຜົ່າມາຍັນ ແລະ ແນ່ນອນວ່າມັນກໍ່ໂຊແອັກຊັ່ນເທ່ໆຂອງ Lara Croft ທີ່ຄຸ້ນເຄີຍທັງການລອບເລັ້ນໄຕ່ຜາ ແລະ ມີສາກຊ່ວຍເຫຼືອຊາວມາຍັນໃຫ້ຫຼອດພົ້ນຈາກພິທີບູຊາຍັນນຳ.

Shadow of the Tomb Raider ມີກຳໜົດວາງຈຳໜ່າຍໃນວັນທີ່ 14 ກັນຍາ 2018 ເທິງ Xbox One , PlayStation 4 ແລະ PC.


ອ້າງອີງ / ທີ່ມາ Tweaktown , Tweaktown

ຄວາມຄິດເຫັນ

ຄວາມຄິດເຫັນ

LEAVE A REPLY

Please enter your comment!
Please enter your name here