ຫຼັງຈາກທີ່ Xiaomi ໄດ້ປ່ອຍຊິບ Surge S1 ອອກມາໃນຊ່ວງສອງສາມປີກ່ອນນັ້ນ ກໍ່ປະສົບກັບຄວາມລົ້ມເຫຼວທີ່ບໍ່ສາມາດສູ້ 2 ຍັກໃຫຍ່ແບບ Samsung ແລະ Huawei Surge S1 ຈິ່ງໄດ້ຫາຍໄປຈາກຕະຫຼາດຢ່າງໄວວາ, ແຕ່ເທື່ອນີ້ທາງ Xiaomi ກໍ່ຍັງບໍ່ເຊົາຄວາມພະຍາຍາມທີ່ຈະເຮັດຊິບອອກມາ. ຫຼ້າສຸດນີ້ Xiaomi ໄດ້ລົງມືພັດທະນາ SoC ແບບ Custom ແລ້ວ.

ໃນດ້ານຂອງສາຍການຜະລິດນັ້ນທາງບໍລິສັດໄດ້ທຳການສັ່ງກັບຫຼາຍບໍລິສັດ ເຊິ່ງປະກອບໄປດ້ວຍ Foxconn Electronics, Inventec, Largan Precision ແລະ Taiwan Semiconductor Manufacturing Company (TSMC) ສຳລັບການຜະລິດຊິບ Surge S2.

ໂດຍ Surge S2 ຈະມີພື້ນຖານຈາກເຕັກໂນໂລຢີຂອງ TSMC ໂປຣເຊັດເຊິ ຂະໜາດ 16nm ແບບ octa-core (8 core) ແບ່ງເປັນ Cortex-A73 4 ຫົວທີ່ຄວາມໄວ 2.2GHz ແລະ Cortex-A53 4 ຫົວທີິ່ຄວາມໄວ 1.8GHz. ຕົວໂປຣເຊັດເຊິມາດມາພ້ອມ Mali G71MP8 ທີ່ເຂົ້າກັບທີ່ເກັບຂໍ້ມູນແບບ UFS 2.1 ແລະ ແຣມແບບ LPDDR4 ບໍ່ຮອງຮັບ CDMA ແລະ ຄາດວ່າຍັງມີຂໍ້ມູນທີ່ຍັງບໍ່ໄດ້ເປີດເຜີຍອີກ. ຈາກສະເປັກທີ່ກ່າວມານີ້ກໍ່ເຫັນໄດ້ຊັດເຈນວ່າບໍ່ແມ່ນຊິບທີ່ເປັນໄຮເອນ ແຕ່ຈະເປັນຊິບທີ່ມາເປັນຄູ່ແຂ່ງກັບ Kirin 960 ແລະ ເບິ່ງຄືວ່າທາງ Xiaomi ຈະເຮັດໄດ້ດີນຳ, ທີ່ເຫຼືອກໍ່ຢູ່ທີ່ບໍລິສັດຜູ້ຜະລິດໃດຈະຜະລິດມີຄຸນນະພາບໄດ້ສ່ຳໃດ.

ນອກຈາກນີ້ Lin Bin ປະທານບໍລິສັດ ກໍ່ໄດ້ເປັນຄົນບອກກັບ Largan Precision ດ້ວຍຕົວເອງວ່າໃຫ້ປະຢັດພື້ນທີ່ໄວ້ກ່ອນເພື່ອທີ່ຈະໄດ້ໃສ່ກ່ອງຄູ່ຕົວໃໝ່ສຳລັບສະມາດໂຟນລຸ່ນໃໝ່ທີ່ຈະເປີດຕົວໃນຊ່ວງເຄິ່ງປີຫຼັງນີ້.


ອ້າງອີງ / ທີ່ມາ

ຄວາມຄິດເຫັນ

ຄວາມຄິດເຫັນ

LEAVE A REPLY

Please enter your comment!
Please enter your name here